হোম › বেদ মন্ত্র › অচ্যুতাষ্টকম্

অচ্যুতাষ্টকম্

স্তোত্র · 10টি শ্লোক

অচ্যুতং কেশবং রামনারাযণং কৃষ্ণদামোদরং বাসুদেবং হরিম্ ॥ শ্রীধরং মাধবং গোপিকাবল্লভং জানকীনাযকং রামচন্দ্রং ভজে ॥ ১ ॥

অচ্যুতং কেশবং সত্যভামাধবং মাধবং শ্রীধরং রাধিকারাধিতম্ ॥ ইন্দিরামন্দিরং চেতসা সুন্দরং দেবকীনন্দনং নন্দনং সংদধে ॥ ২ ॥

বিষ্ণবে জিষ্ণবে শঙ্খিনে চক্রিণে রুক্মিণীরাগিণে জানকীজানযে ॥ বল্লবীবল্লভাযাঽর্চিতাযাত্মনে কংসবিধ্বংসিনে বংশিনে তে নমঃ ॥ ৩ ॥

কৃষ্ণ গোবিন্দ হে রাম নারাযণ শ্রীপতে বাসুদেবাজিত শ্রীনিধে ॥ অচ্যুতানন্ত হে মাধবাধোক্ষজ দ্বারকানাযক দ্রৌপদীরক্ষক ॥ ৪ ॥

রাক্ষসক্ষোভিতঃ সীতযা শোভিতো দণ্ডকারণ্যভূপুণ্যতাকারণঃ ॥ লক্ষ্মণেনান্বিতো বানরৈঃ সেবিতোঽ গস্ত্যসংপূজিতো রাঘবঃ পাতু মাম্ ॥ ৫ ॥

ধেনুকারিষ্টকোঽনিষ্টকৃদ্দ্বেষিণাং কেশিহা কংসহৃদ্বংশিকাবাদকঃ ॥ পূতনাকোপকঃ সূরজাখেলনো বালগোপালকঃ পাতু মাম্ সর্বদা ॥ ৬ ॥

বিদ্যুদুদ্যোতবানপ্রস্ফুরদ্বাসসং প্রাবৃডম্ভোদবত্প্রোল্লসদ্বিগ্রহম্ ॥ বন্যযা মালযা শোভিতোরঃস্থলং লোহিতাংঘ্রিদ্বযং বারিজাক্ষং ভজে ॥ ৭ ॥

কুঞ্চিতৈঃ কুন্তলৈর্ভ্রাজমানাননং রত্নমৌলিং লসত্ কুণ্ডলং গণ্ডযোঃ ॥ হারকেযূরকং কঙ্কণপ্রোজ্জ্বলং কিঙ্কিণীমঞ্জুলং শ্যামলং তং ভজে ॥ ৮ ॥

অচ্যুতস্যাষ্টকং যঃ পঠেদিষ্টদং প্রেমতঃ প্রত্যহং পূরুষঃ সস্পৃহম্ । বৃত্ততঃ সুংদরং কর্তৃ বিশ্বংভরং তস্য বশ্যো হরির্জাযতে সত্বরম্ ॥ ৯ ॥

॥ ইতি শ্রীশংকরাচার্যবিরচিতমচ্যুতাষ্টকং সংপূর্ণম্ ॥

উৎস: Wikisource · CC BY-SA 4.0

আপনার মতামত পাঠান

কী উন্নত করা দরকার, কী ভুল আছে, বা আপনার কী ভালো লেগেছে জানান। আমরা প্রতিটি বার্তা পড়ি।

কী বিষয়ে
শঙ্খ আপনার কাছে কতটা উপকারী? (ঐচ্ছিক)