হোম › বেদ মন্ত্র › ভজগোবিন্দম্

ভজগোবিন্দম্

স্তোত্র · 34টি শ্লোক

ভজগোবিন্দং ভজগোবিন্দং গোবিন্দং ভজমূঢমতে । সংপ্রাপ্তে সন্নিহিতে কালে নহি নহি রক্ষতি ডুকৃঞ্করণে ॥ ১ ॥

মূঢ জহীহি ধনাগমতৃষ্ণাং কুরু সদ্বুদ্ধিং মনসি বিতৃষ্ণাম্। যল্লভসে নিজকর্মোপাত্তং বিত্তং তেন বিনোদয চিত্তম্ ॥ ২ ॥

নারীস্তনভর নাভীদেশং দৃষ্ট্বা মাগামোহাবেশম্ । এতন্মাংসবসাদি বিকারং মনসি বিচিন্তয বারং বারম্ ॥ ৩ ॥

নলিনীদলগত জলমতিতরলং তদ্বজ্জীবিতমতিশযচপলম্ । বিদ্ধি ব্যাধ্যভিমানগ্রস্তং লোকং শোকহতং চ সমস্তম্ ॥ ৪ ॥

যাবদ্বিত্তোপার্জন সক্তঃ স্তাবন্নিজ পরিবারো রক্তঃ । পশ্চাজ্জীবতি জর্জর দেহে বার্তাং কোঽপি ন পৃচ্ছতি গেহে ॥ ৫ ॥

যাবত্পবনো নিবসতি দেহে তাবত্পৃচ্ছতি কুশলং গেহে । গতবতি বাযৌ দেহাপাযে ভার্যা বিভ্যতি তস্মিন্কাযে ॥ ৬ ॥

বালস্তাবত্ক্রীডাসক্তঃ তরুণস্তাবত্তরুণীসক্তঃ । বৃদ্ধস্তাবচ্চিন্তাসক্তঃ পরে ব্রহ্মণি কোঽপি ন সক্তঃ ॥ ৭ ॥

কাতে কান্তা কস্তে পুত্রঃ সংসারোঽযমতীব বিচিত্রঃ । কস্য ত্বং কঃ কুত আযাতঃ তত্ত্বং চিন্তয তদিহ ভ্রাতঃ ॥ ৮ ॥

সত্সঙ্গত্বে নিস্স্ঙ্গত্বং নিস্সঙ্গত্বে নির্মোহত্বম্ । নির্মোহত্বে নিশ্চলতত্ত্বং নিশ্চলতত্ত্বে জীবন্মুক্তিঃ ॥ ৯ ॥

বযসিগতে কঃ কামবিকারঃ শুষ্কে নীরে কঃ কাসারঃ । ক্ষীণেবিত্তে কঃ পরিবারঃ জ্ঞাতে তত্ত্বে কঃ সংসারঃ ॥ ১০ ॥

মা কুরু ধন জন যৌবন গর্বং হরতি নিমেষাত্কালঃ সর্বম্ । মাযামযমিদমখিলং হিত্বা ব্রহ্মপদং ত্বং প্রবিশ বিদিত্বা ॥ ১১ ॥

দিনযামিন্যৌ সাযং প্রাতঃ শিশিরবসন্তৌ পুনরাযাতঃ । কালঃ ক্রীডতি গচ্ছত্যাযুঃ তদপি ন মুঞ্চত্যাশাবাযুঃ ॥ ১২ ॥

দ্বাদশমঞ্জরিকাভিরশেষঃ কথিতো বৈযাকরণস্যৈষঃ । উপদেশো ভূদ্বিদ্যানিপুণৈঃ শ্রীমচ্ছন্করভগবচ্ছরণৈঃ ॥ ১২অ ॥

কাতে কান্তা ধন গতচিন্তা বাতুল কিং তব নাস্তি নিযন্তা । ত্রিজগতি সজ্জনসং গতিরৈকা ভবতি ভবার্ণবতরণে নৌকা ॥ ১৩ ॥

জটিলো মুণ্ডী লুঞ্ছিতকেশঃ কাষাযাম্বরবহুকৃতবেষঃ । পশ্যন্নপি চন পশ্যতি মূঢঃ উদরনিমিত্তং বহুকৃতবেষঃ ॥ ১৪ ॥

অঙ্গং গলিতং পলিতং মুণ্ডং দশনবিহীনং জতং তুণ্ডম্ । বৃদ্ধো যাতি গৃহীত্বা দণ্ডং তদপি ন মুঞ্চত্যাশাপিণ্ডম্ ॥ ১৫ ॥

অগ্রে বহ্নিঃ পৃষ্ঠেভানুঃ রাত্রৌ চুবুকসমর্পিতজানুঃ । করতলভিক্ষস্তরুতলবাসঃ তদপি ন মুঞ্চত্যাশাপাশঃ ॥ ১৬ ॥

কুরুতে গঙ্গাসাগরগমনং ব্রতপরিপালনমথবা দানম্ । জ্ঞানবিহিনঃ সর্বমতেন মুক্তিং ন ভজতি জন্মশতেন ॥ ১৭ ॥

সুর মংদির তরু মূল নিবাসঃ শয্যা ভূতল মজিনং বাসঃ । সর্ব পরিগ্রহ ভোগ ত্যাগঃ কস্য সুখং ন করোতি বিরাগঃ ॥ ১৮ ॥

যোগরতো বাভোগরতোবা সঙ্গরতো বা সঙ্গবীহিনঃ । যস্য ব্রহ্মণি রমতে চিত্তং নন্দতি নন্দতি নন্দত্যেব ॥ ১৯ ॥

ভগবদ্ গীতা কিঞ্চিদধীতা গঙ্গা জললব কণিকাপীতা । সকৃদপি যেন মুরারি সমর্চা ক্রিযতে তস্য যমেন ন চর্চা ॥ ২০ ॥

পুনরপি জননং পুনরপি মরণং পুনরপি জননী জঠরে শযনম্ । ইহ সংসারে বহুদুস্তারে কৃপযাঽপারে পাহি মুরারে ॥ ২১ ॥

রথ্যা চর্পট বিরচিত কন্থঃ পুণ্যাপুণ্য বিবর্জিত পন্থঃ । যোগী যোগনিযোজিত চিত্তো রমতে বালোন্মত্তবদেব ॥ ২২ ॥

কস্ত্বং কোঽহং কুত আযাতঃ কা মে জননী কো মে তাতঃ । ইতি পরিভাবয সর্বমসারম্ বিশ্বং ত্যক্ত্বা স্বপ্ন বিচারম্ ॥ ২৩ ॥

ত্বযি মযি চান্যত্রৈকো বিষ্ণুঃ ব্যর্থং কুপ্যসি ময্যসহিষ্ণুঃ । ভব সমচিত্তঃ সর্বত্র ত্বং বাঞ্ছস্যচিরাদ্যদি বিষ্ণুত্বম্ ॥ ২৪ ॥

শত্রৌ মিত্রে পুত্রে বন্ধৌ মা কুরু যত্নং বিগ্রহসন্ধৌ । সর্বস্মিন্নপি পশ্যাত্মানং সর্বত্রোত্সৃজ ভেদাজ্ঞানম্ ॥ ২৫ ॥

কামং ক্রোধং লোভং মোহং ত্যক্ত্বাঽত্মানং ভাবয কোঽহম্ । আত্মজ্ঞান বিহীনা মূঢাঃ তে পচ্যন্তে নরকনিগূঢাঃ ॥ ২৬ ॥

গেযং গীতা নাম সহস্রং ধ্যেযং শ্রীপতি রূপমজস্রম্ । নেযং সজ্জন সঙ্গে চিত্তং দেযং দীনজনায চ বিত্তম্ ॥ ২৭ ॥

সুখতঃ ক্রিযতে রামাভোগঃ পশ্চাদ্ধন্ত শরীরে রোগঃ । যদ্যপি লোকে মরণং শরণং তদপি ন মুঞ্চতি পাপাচরণম্ ॥ ২৮ ॥

অর্থমনর্থং ভাবয নিত্যং নাস্তিততঃ সুখলেশঃ সত্যম্ । পুত্রাদপি ধন ভাজাং ভীতিঃ সর্বত্রৈষা বিহিআ রীতিঃ ॥ ২৯ ॥

প্রাণাযামং প্রত্যাহারং নিত্যানিত্য বিবেকবিচারম্ । জাপ্যসমেত সমাধিবিধানং কুর্ববধানং মহদবধানম্ ॥ ৩০ ॥

গুরুচরণাম্বুজ নির্ভর ভকতঃ সংসারাদচিরাদ্ভব মুক্তঃ । সেন্দ্রিযমানস নিযমাদেবং দ্রক্ষ্যসি নিজ হৃদযস্থং দেবম্ ॥ ৩১ ॥

মূঢঃ কশ্চন বৈযাকরণো ডুকৃঞ্করণাধ্যযন ধুরিণঃ । শ্রীমচ্ছম্কর ভগবচ্ছিষ্যৈ বোধিত আসিচ্ছোধিতকরণঃ ॥ ৩২ ॥

ভজগোবিন্দং ভজগোবিন্দং গোবিন্দং ভজমূঢমতে । নামস্মরণাদন্যমুপাযং নহি পশ্যামো ভবতরণে ॥ ৩৩ ॥

উৎস: Wikisource · CC BY-SA 4.0

আপনার মতামত পাঠান

কী উন্নত করা দরকার, কী ভুল আছে, বা আপনার কী ভালো লেগেছে জানান। আমরা প্রতিটি বার্তা পড়ি।

কী বিষয়ে
শঙ্খ আপনার কাছে কতটা উপকারী? (ঐচ্ছিক)