ব্রহ্মমুরারি সুরার্চিত লিঙ্গম্ নির্মলভাসিতশোভিতলিঙ্গম্ । জন্মজদুঃখবিনাশকলিঙ্গম্ তত্প্রণমামি সদাশিবলিঙ্গম্ ॥ ১ ॥
দেবমুনিপ্রবরার্চিতলিঙ্গম্ কামদহনকরুণাকরলিঙ্গম্ । রাবণদর্পবিনাশনলিঙ্গম্ তত্প্রণমামি সদাশিবলিঙ্গম্ ॥ ২ ॥
সর্বসুগন্ধসুলেপিতলিঙ্গম্ বুদ্ধিবিবর্ধনকারণলিঙ্গম্ । সিদ্ধসুরাসুরবন্দিতলিঙ্গম্ তত্প্রণমামি সদাশিবলিঙ্গম্ ॥ ৩ ॥
কনকমহামণিভূষিতলিঙ্গম্ ফণিপতিবেষ্টিতশোভিতলিঙ্গম্ । দক্ষসুযজ্ঞবিনাশনলিঙ্গম্ তত্প্রণমামি সদাশিবলিঙ্গম্ ॥ ৪ ॥
কুঙ্কুমচন্দনলেপিতলিঙ্গম্ পঙ্কজহারসুশোভিতলিঙ্গম্ । সঞ্চিতপাপবিনাশনলিঙ্গম্ তত্প্রণমামি সদাশিবলিঙ্গম্ ॥ ৫ ॥
দেবগণার্চিতসেবিতলিঙ্গম্ ভাবৈর্ভক্তিভিরেব চ লিঙ্গম্ । দিনকরকোটিপ্রভাকরলিঙ্গম্ তত্প্রণমামি সদাশিবলিঙ্গম্ ॥ ৬ ॥
অষ্টদলোপরিবেষ্টিতলিঙ্গম্ সর্বসমুদ্ভবকারণলিঙ্গম্ । অষ্টদরিদ্রবিনাশনলিঙ্গম্ তত্প্রণমামি সদাশিবলিঙ্গম্ ॥ ৭ ॥
সুরগুরুসুরবরপূজিতলিঙ্গম্ সুরবনপুষ্পসদার্চিতলিঙ্গম্ । পরাত্পরং পরমাত্মকলিঙ্গং তত্প্রণমামি সদাশিবলিঙ্গম্ ॥ ৮ ॥
লিঙ্গাষ্টকমিদং পুণ্যং যঃ পঠেশ্শিব সন্নিধৌ । শিবলোকমবাপ্নোতি শিবেন সহ মোদতে ॥
উৎস: Wikisource · CC BY-SA 4.0