॥ অথ শ্রী মহালক্ষ্ম্যষ্টকম্ ॥
শ্রীগণেশায নমঃ ॥ ইংদ্র উবাচ ॥
নমস্তেঽস্তু মহামাযে শ্রীপীঠে সুরপূজিতে । শংখচক্র গদাহস্তে মহালক্ষ্মি নমোঽস্তুতে ॥ ১ ॥
নমস্তে গরুডারুঢে কোলাসুর ভযংকরী । সর্বপাপহরে দেবী মহালক্ষ্মি নমোঽস্তুতে ॥ ২ ॥
সর্বজ্ঞে সর্ববরদে সর্বদুষ্টভযংকরী । সর্বদুঃখহরে দেবী মহালক্ষ্মি নমোঽস্তুতে ॥ ৩ ॥
সিদ্ধিবুদ্ধিপ্রদে দেবী ভুক্তিমুক্তিপ্রদাযিনি । মংত্রমূর্তে সদা দেবী মহালক্ষ্মি নমোঽস্তুতে ॥ ৪ ॥
আদ্যংতরহিতে দেবী আদ্যশক্তি মহেশ্বরি । যোগজে যোগসংভূতে মহালক্ষ্মি নমোঽস্তুতে ॥ ৫ ॥
শূল সূক্ষ্মমহারৌদ্রে মহাশক্তি মহোদরে । মহাপাপহরে দেবী মহালক্ষ্মি নমোঽস্তুতে ॥ ৬ ॥
পদ্মাসনস্থিতে দেবী পরব্রহ্মস্বরুপিণি । পরমেশি জগন্মাতার্মহালক্ষ্মি নমোঽস্তুতে ॥ ৭ ॥
শ্বেতাংবরধরে দেবী নানালংকার ভূষিতে । জগত্স্থিতে জগন্মাতার্মহালক্ষ্মি নমোঽস্তুতে ॥ ৮ ॥
মহালক্ষ্ম্যষ্টকং স্তোত্রং যঃ পঠেদ্ভক্তিমান্নরঃ । সর্বসিদ্ধিমবাপ্নোতি রাজ্য প্রাপ্তেতি সর্বদা ॥ ৯ ॥
এককালে পঠেন্নিত্যং মহাপাপবিনাশনম্ । দ্বিকালং যঃ পঠেন্নিত্যং ধনধান্যসমন্বিতঃ ॥ ১০ ॥
ত্রিকালং যঃ পঠেন্নিত্যং মহাশত্রুংবিনাশনম্ । মহালক্ষ্মির্ভবেন্নিত্যং প্রসন্না বরদা শুভা ॥ ১১ ॥
ইতিংদ্রকৃতঃ শ্রীমহালক্ষ্ম্যষ্টকস্তবঃ সংপূর্ণঃ ॥
উৎস: Wikisource · CC BY-SA 4.0