॥মন্ত্রপুষ্পাঞ্জলিঃ॥
ওঁ যজ্ঞেন যজ্ঞমযজন্ত দেবাস্তানি ধর্মাণি প্রথমান্যাসন্ । তে হ নাকং মহিমানঃ সচন্ত যত্র পূর্বে সাধ্যাঃ সন্তি দেবাঃ ॥
ওঁ রাজাধিরাজায প্রসহ্যসাহিনে । নমো বযং বৈশ্রবণায কুর্মহে । স মে কামান্কামকামায মহ্যম্ । কামেশ্বরো বৈশ্রবণো দদাতু । কুবেরায বৈশ্রবণায । মহারাজায নমঃ ॥
ওঁ স্বস্তি । সাম্রাজ্যং ভৌজ্যং স্বারাজ্যং বৈরাজ্যং পারমেষ্ঠ্যং রাজ্যং মহারাজ্যমাধিপত্যমযং সমন্তপর্যাযী স্যাত্সার্বভৌমঃ সার্বাযুষ আন্তাদাপরার্ধাত্ । পৃথিব্যৈ সমুদ্রপর্যন্তাযা একরালিতি ॥
তদপ্যেষ শ্লোকোঽভিগীতো মরুতঃ পরিবেষ্টারো মরুত্তস্যাবসন্গৃহে । আবিক্ষিতস্য কামপ্রের্বিশ্বেদেবাঃ সভাসদ ইতি ॥
ওঁ বিশ্বতশ্চক্ষুরুত বিশ্বতোমুখো বিশ্বতোবাহুরুত বিশ্বতস্পাত্ । সং বাহুভ্যাং ধমতি সং পতত্রৈর্দ্যাবাভূমী জনযন্দেব একঃ ॥
উৎস: Wikisource · CC BY-SA 4.0