॥সঙ্কটনাশনগণেশস্তোত্রম্॥
নারদ উবাচ — প্রণম্য শিরসা দেবং গৌরীপুত্রং বিনাযকম্। ভক্তাবাসং স্মরেন্নিত্যমাযুঃকামার্থসিদ্ধযে॥ ১ ॥
প্রথমং বক্রতুণ্ডং চ একদন্তং দ্বিতীযকম্। তৃতীযং কৃষ্ণপিঙ্গাক্ষং গজবক্ত্রং চতুর্থকম্॥ ২ ॥
লম্বোদরং পঞ্চমং চ ষষ্ঠং বিকটমেব চ। সপ্তমং বিঘ্নরাজং চ ধূম্রবর্ণং তথাষ্টমম্॥ ৩ ॥
নবমং ভালচন্দ্রং চ দশমং তু বিনাযকম্। একাদশং গণপতিং দ্বাদশং তু গজাননম্॥ ৪ ॥
দ্বাদশৈতানি নামানি ত্রিসন্ধ্যং যঃ পঠেন্নরঃ। ন চ বিঘ্নভযং তস্য সর্বসিদ্ধিকরং প্রভো॥ ৫ ॥
বিদ্যার্থী লভতে বিদ্যাং ধনার্থী লভতে ধনম্। পুত্রার্থী লভতে পুত্রান্মোক্ষার্থী লভতে গতিম্॥ ৬ ॥
জপেদ্গণপতিস্তোত্রং ষড্ভির্মাসৈঃ ফলং লভেত্। সংবত্সরেণ সিদ্ধিং চ লভতে নাত্র সংশযঃ॥ ৭ ॥
অষ্টভ্যো ব্রাহ্মণেভ্যশ্চ লিখিত্বা যঃ সমর্পযেত্। তস্য বিদ্যা ভবেত্সর্বা গণেশস্য প্রসাদতঃ॥ ৮ ॥
॥ ইতি শ্রীনারদপুরাণে সঙ্কটনাশনং নাম গণেশস্তোত্রং সম্পূর্ণম্ ॥
উৎস: Wikisource · CC BY-SA 4.0