হোম › বেদ মন্ত্র › শ্রীশিবসহস্রনামস্তোত্রম্ (মহাভারতম্)

শ্রীশিবসহস্রনামস্তোত্রম্ (মহাভারতম্)

সহস্রনাম (1000 নাম) · 184টি শ্লোক

॥ শ্রীশিবসহস্রনামস্তোত্রম্ ॥

বন্দে শংভুমুমাপতিং সুরগুরুং বন্দে জগত্কারণং বন্দে পন্নগভূষণং মৃগধরং বন্দে পশূনাং পতিম্ । বন্দে সূর্যশশাঙ্কবহ্নিনযনং বন্দে মুকুন্দপ্রিযং বন্দে ভক্তজনাশ্রযং চ বরদং বন্দে শিবং শঙ্করম্ বাসুদেবঃ- ততস্স প্রযতো ভূত্বা মম তাত যুধিষ্ঠির । প্রাঞ্জলিঃ প্রাহ বিপ্রর্ষিনামসংগ্রহমাদিতঃ ॥

উপমন্যুঃ- ব্রহ্মপ্রোক্তৈর্ঋষিপ্রোক্তৈর্বেদবেদাঙ্গসংভবৈঃ। সর্বলোকেষু বিখ্যাতং স্তুত্যং স্তোষ্যামি নামভিঃ॥

মহদ্ভির্বিহিতৈস্সত্যৈস্সিদ্ধৈস্সর্বার্থসাধকৈঃ। ঋষিণা তণ্ডিনা ভক্ত্যা কৃতৈর্বেদকৃতাত্মনা ॥

যথোক্তৈস্সাধুভিঃ খ্যাতৈর্মুনিভিস্তত্ত্বদর্শিভিঃ । প্রবরং প্রথম স্বর্গ্যং সর্বভূতহিতং শুভম্ ॥

শ্রুতৈস্সর্বত্র জগতি ব্রহ্মলোকাবতারিতৈঃ। সত্যৈস্তত্পরমং ব্রহ্ম ব্রহ্মপ্রোক্তৈস্সনাতনম্ ॥৫

বক্ষ্যে যদুকুলশ্রেষ্ঠ শৃণুষ্বাবহিতো মম । বরযৈনং ভবং দেবং ভক্তস্বং পরমেশ্বরম্ ॥৬

তেন তে শ্রাবযিষ্যামি যত্তদ্ব্রহ্ম সনাতনম্ । ন শক্যং বিস্তরাত্কৃত্স্নং বক্তুং শর্বস্য কেনচিত্ ॥ ৭

যুক্তেনাপি বিভূতীনামপি বর্ষশতৈরপি । যস্যাদিমধ্যমান্তানি গম্যন্তে ন সুরৈরপি ॥৮

কস্তস্য শক্নুযাদ্বক্তুং গুণান্ কার্ত্স্ন্যেন মাধব । কিন্তু দেবস্য মহতস্সঙ্ক্ষিপ্তার্থপদাক্ষরম্ ॥৯

শক্তিতশ্চরিতং বক্ষ্যে প্রসাদাত্তস্য ধীমতঃ। অপ্রাপ্য তু ততোঽনুজ্ঞাং ন শক্যঃ স্তোতুমীশ্বরঃ ॥১০

যদা তেনাভ্যনুজ্ঞাতস্স্তুতো বৈ স তদা মযা । অনাদিনিধনস্যাহং জগদ্যোনের্মহাত্মনঃ ॥১১

নাম্নাং কিঞ্চিত্সমুদ্দেশং বক্ষ্যাম্যব্যক্তযোনিনঃ । বরদস্য বরেণ্যস্য বিশ্বরূপস্য ধীমতঃ ॥ ১২

শৃণু নাম্নাং চযং কৃষ্ণ যদুক্তং পদ্মযোনিনা । দশনামসহস্রাণি যান্যাহ প্রপিতামহঃ ॥ ১৩

তানি নির্মথ্য মনসা দধ্নো ঘৃতমিবোদ্ধৃতম্ । গিরেস্সারং যথা হেম পুষ্পসারং যথা মধু ॥ ১৪

ঘৃতাত্সারং যথা মণ্ডং তথৈতস্সারমুদ্ধৃতম্ । সর্বপাপাপহমিদং চতুর্বেদসমন্বিতম্ ॥ ১৫

প্রযত্নেনাধিগন্তব্যং ধার্ংয চ প্রযতাত্মনা । মাঙ্গল্যং পৌষ্টিকং চৈব রক্ষোঘ্নং পাবনং মহত্ ॥ ১৬

ইদং ভক্তায দাতব্যং শ্রদ্ধযাঽনাস্তিকায চ । নাশ্রদ্দধানরূপায নাস্তিকাযাজিতাত্মনে ॥১৭

যশ্চাভ্যসূযতে দেবং কারণাত্মানমীশ্বরম্ । স কৃষ্ণ নরকং যাতি সহ পূর্বৈস্সহাত্মজঃ ॥ ১৮

ইদং ধ্যানমিদং যোগমিদং ধ্যেযমনুত্তমম্ । ইদং জপ্যমিদং জ্ঞানং রহস্যমিদমুত্তমম্ ॥১৯

যং জ্ঞাত্বা হ্যন্তকালেঽপি গচ্ছেত পরমাং গতিম্ । পবিত্রং মঙ্গলং মেধ্যং কল্যাণমিদমুত্তমম্ ॥২০

ইদং ব্রহ্মা পুরা কৃত্বা সর্বলোকপিতামহঃ । সর্বস্তবানাং রাজত্বে দিব্যানাং সমকল্পযত্ ॥ ২১

তদাপ্রভৃতি চৈবাযমীশ্বরস্য মহাত্মনঃ । স্তবরাজ ইতি খ্যাতো জগত্যমরপূজিতঃ ॥ ২২

ব্রহ্মলোকাদযং স্বর্গে স্তবরাজোঽবতারিতঃ। যতস্তণ্ডিঃ পুরা প্রাপ তেন তণ্ডিকৃতোঽভবত্ ॥২৩

স্বর্গাশ্চৈবাত্র ভূলোকং তণ্ডিনা হ্যবতারিতঃ । সর্বমঙ্গলমাঙ্গল্যং সর্বপাপপ্রণাশনম্ ॥২৪

নিগদিষ্যে মহাবাহো স্তবানামুত্তমং স্তবম্ । ব্রহ্মণামপি যদ্ব্রহ্ম পরাণামপি যত্পরম্ ॥২৫

তেজসামপি যত্তেজস্তপসামপি যত্তপঃ । শান্তানামপি যশ্শান্তো দ্যুতীনামপি যা দ্যুতিঃ॥২৬

দান্তানামপি যো দান্তো ধীমতামপি যা চ ধীঃ । দেবানামপি যো দেব ঋষীণামপি যস্ত্বৃষিঃ ॥ ২৭

যজ্ঞানামপি যো যজ্ঞশিশবানামপি যশ্শিবঃ । রুদ্রাণামপি যো রুদ্রঃ প্রভা প্রভবতামপি ॥২৮

যোগিনামপি যো যোগী কারণানাং চ কারণম্ । যতো লোকাস্সম্ভবন্তি ন ভবন্তি যতঃ পুনঃ॥ ২৯

সর্বভূতাত্মভূতস্য হরস্যামিততেজসঃ । অষ্টোত্তরসহস্রং তু নাম্নাং সর্বস্য মে শৃণু ॥৩০

যচ্ছ্রুত্বা মনুজব্যাঘ্র সর্বান্ কামানবাপ্স্যসি । স্থিরঃ স্থাণুঃ প্রভুর্ভীমঃ প্রবরো বরদো বরঃ ॥ ৩১

সর্বাত্মা সর্ববিখ্যাতঃ সর্বস্সর্বকরো ভবঃ । জটী চর্মী শিখণ্ডী চ সর্বাঙ্গস্সর্বভাবনঃ ॥ ৩২

হরশ্চ হরিণাক্ষশ্ব সর্বভূতহরঃ প্রভুঃ। প্রবৃত্তিশ্চ নিবৃত্তিশ্চ নিযতশ্শাশ্বতো ধ্রুবঃ ॥৩৩

শ্মশানবাসী ভগবান্ খচরো গোচরোঽর্দনঃ । অভিবাদ্যো মহাকর্মা তপস্বী ভূতভাবনঃ ॥৩৪

উন্মত্তবেষঃ প্রচ্ছন্নস্সর্বলোকপ্রজাপতিঃ। মহারূপো মহাকাযো বৃষরূপো মহাযশাঃ ॥৩৫

মহাত্মা সর্বভূতাত্মা বিশ্বরূপো মহাহনু । লোকপালোঽন্তর্হিতাত্মা প্রসাদো নীললোহিতঃ ॥৩৬

পবিত্রং চ মহাংশ্চৈব নিযমো নিযমাশ্রিতঃ। সর্বকর্মা স্বযংভূত আদিরাদিকরো নিধিঃ ॥৩৭

সহস্রাক্ষো বিশালাক্ষস্সোমো নক্ষত্রসাধকঃ । চন্দ্রস্সূর্যশ্শনিঃ কেতুর্গ্রহো গ্রহপতির্বরঃ ॥৩৮

আদিরন্তো লযঃ কর্তা মৃগবাণার্পণোঽনঘঃ । মহাতপা ঘোরতপা অদীনো দীনসাধকঃ ॥ ৩৯

সংবত্সরকরো মন্ত্রঃ প্রমাণং পরমং তপঃ। যোগী যোজ্যো মহাবীজো মহারেতা মহাবলঃ ॥ ৪০

সুবর্ণরেতাস্সর্বজ্ঞস্সুবীজো বীজবাহনঃ । দশবাহুস্স্বনিমিষো নীলকণ্ঠ উমাপতিঃ॥৪১

বিশ্বরূপস্বযংশ্রেষ্ঠো বলবীরো বলো গণঃ । গণকর্তা গণপতির্দিগ্বাসাঃ কাম এব চ ॥ ৪২

মন্ত্রবিত্পরমো মন্ত্রঃ সর্বভাবকরো হরঃ। কমণ্ডলুধরো ধন্বী বাণহস্তঃ কপালবান্ ॥ ৪৩

অশনী শতঘ্নী খড্গী পট্টিশী চাযুধী মহান্ । সুবহস্তস্সুরূপশ্চ তেজস্তেজস্করো নিধিঃ ॥৪৪

উষ্ণীষী ব সুবক্ত্রশ্চ উদগ্রো বিনতস্তথা । দীর্ঘশ্চ হরিকেশশ্চ সুতীর্থঃ কৃষ্ণ এব চ ॥৪৫

সৃগালরূপঃ সিদ্ধার্থো মুণ্ডস্সর্বশুভঙ্করঃ । অজশ্চ বহুরূপশ্চ গঙ্গাধারী কপর্দ্যপি ॥৪৬

ঊর্ধ্বরেতা ঊর্ধ্বলিঙ্গ ঊর্ধ্বশাযী নভঃ স্থলঃ । ত্রিজটশ্চীরবাসাশ্চ রুদ্রস্সেনাপতির্বিভুঃ ॥৪৭

নক্তঞ্চরোঽহশ্চরশ্চ তিগ্মমন্যুস্সুবর্চসঃ । গজহা দৈত্যহা কালো লোকধাতা গুণাকরঃ॥ ৪৮

সিংহশার্দূলরূপশ্চ ব্যাঘ্রচর্মাম্বরাবৃতঃ । কালযোগী মহানাথস্সর্বকামশ্চতুষ্পথঃ ॥৪৯

নিশাচরঃ প্রেতরাজো ভূতচারী মহেশ্বরঃ। বহুভূতো বহুধরঃ স্বর্ভানুরমিতো গতিঃ ॥৫০

নৃত্যপ্রিযো নিত্যনর্তো নর্তকস্সবলালসঃ। মহাঘোরতপাশ্শূরো নিত্যোঽনীহো নিরালযঃ॥ ৫১

সহস্রহস্তো বিজযো ব্যবসাযো হ্যতন্দ্রিতঃ । অমর্ষণোঽমর্ষণাত্মা যজ্ঞহা কামনাশকঃ ॥ ৫২

দক্ষযাগাপহারী চ সুসহো মধ্যমস্তথা । তেজোপহারী বলহা মুদিতোঽর্থোঽজিতা বরঃ ॥ ৫৩

গম্ভীরঘোষো গম্ভীরো গম্ভীরবলবাহনঃ । ন্যগ্রোধরূপো ন্যগ্রোধবৃক্ষকর্ণস্থিতির্বিভুঃ ॥ ৫৪

সুতীক্ষ্ণদশনশ্চৈব মহাকাযো মহাননঃ । বিষ্বক্সেনো হরিযজ্ঞস্সংযুগাপীডবাহনঃ ॥৫৫

তীক্ষ্ণতাপশ্চ হর্যশ্বস্সহাযঃ কর্মকালবিত্ । বিষ্ণুপ্রসাদিতো যজ্ঞস্সমুদ্রো বডবামুখঃ ॥৫৬

হুতাশনসহাযশ্চ প্রশান্তাত্মা হুতাশনঃ । উগ্রতেজা মহাতেজা জন্যো বিজযকালবিত্ ॥৫৭

জ্যোতিষামযনং সিদ্ধিস্সর্ববিগ্রহ এব চ । শিখী মুণ্ডী জটী জ্বালী মূর্তিজো মূর্ধগো বলী ॥৫৮

বৈষ্ণবঃ প্রজবী তালী খেলী কালকটঙ্কটঃ। নক্ষত্রবিগ্রহমতির্গুণবুদ্ধির্লযোঽগমঃ ॥ ৫৯

প্রজাপতির্বিশ্ববাহুর্বিভাগঃ সর্বতোমুখঃ। বিমোচনস্সুমরণো হিরণ্যকবচোদ্ভবঃ ॥৬০

মেঘজো বলচারীচ মহীচারী স্তুতস্তথা । সর্বতূর্যবিনোদী চ সর্ববাদ্যপরিগ্রহঃ ॥ ৬১

ব্যালরূপো গুহাবাসী গ্রহমালী তরঙ্গবিত্ । ত্রিদশঃ কালদৃক্কর্মসর্ববন্ধবিমোচনঃ ॥ ৬২

বন্ধনস্ত্বসুরেন্দ্রাণাং যুধি শত্রুবিনাশনঃ। সাংখ্যপ্রসাদো দুর্বাসাস্সর্বসাধুনিষেবিতঃ ॥৬৩

প্রস্কন্দনো বিভাগজ্ঞো হ্যতুল্যো যজ্ঞভাগবিত্ । সর্ববাসস্সর্বচারী দুর্বাসা বাসবোঽমরঃ ॥ ৬৪

হৈমো হেমকরো যজ্ঞস্সর্বধারী ধরোত্তমঃ । লোহিতাক্ষো মহাক্ষশ্ব বিজযাক্ষো বিশারদঃ ॥ ৬৫

সংগ্রহো নিগ্রহঃ কর্তা সর্পচীরনিবাসনঃ । মুখ্যোঽমুখ্যশ্চ দেহশ্চ কাহলিস্সর্বকামদঃ ॥ ৬৬

সর্বকালপ্রসাদশ্চ সুবলো বলরূপভৃত্ । সর্বকামপ্রদশ্চৈব সর্বদস্সর্বতোমুখঃ ॥৬৭

আকাশনির্বিরূপশ্চ নিপাতো হ্যবশঃ খগঃ । রৌদ্ররূপোংঽশুরাদিত্যো বহুরশ্মিস্সুবর্চসী ॥ ৬৮

বসুবেগো মহাবেগো মনোবেগো নিশাচরঃ। সর্ববাসী শ্রিযাবাসী উপদেশকরোঽকরঃ ॥ ৬৯

মুনিরাত্মা নিরালোকস্সম্ভগ্নশ্চ সহস্রদঃ । পক্ষী চ প্লক্ষরূপশ্চ অতিদীপ্তো বিশাং পতিঃ॥৭০

উন্মাদো মদনঃ কামো হ্যশ্বত্থোঽর্থকরো যশঃ। বামদেবশ্চ বামশ্চ প্রাগ্দক্ষিণ উদঙ্মুখঃ ॥৭১

সিদ্ধযোগী মহর্ষিশ্চ সিদ্ধার্থস্সিদ্ধসাধকঃ। ভিক্ষুশ্চ ভিক্ষুরূপশ্চ বিপগো মৃদুরব্যযঃ ॥৭২

মহাসেনো বিশাখশ্চ ষষ্টিভাগো গবাং পতিঃ । বজ্রহস্তশ্ব বিষ্কম্ভী চমূস্তম্ভন এব চ ॥৭৩

বৃত্তবৃত্তকরস্তালো মধুর্মধুকলোচনঃ । বাচস্পত্যো বাজসনো নিত্যমাশ্রিতপূজিতঃ ॥৭৪

ব্রহ্মচারী লোকচারী সর্বচারী বিচারবিত্ । ঈশান ঈশ্বরঃ কালো নিশাচারী পিনাকভৃত্ ॥ ৭৫

নিমিত্তস্থো নিমিত্তং চ নন্দির্নন্দিকরো হরিঃ। নন্দীশ্বরশ্চ নন্দী চ নন্দনো নন্দিবর্ধনঃ ॥ ৭৬

ভগহারী নিহন্তা চ কালো ব্রহ্মা পিতামহঃ । চতুর্মুখো মহালিঙ্গশ্চারুলিঙ্গস্তথৈব চ ॥৭৭

লিঙ্গাধ্যক্ষস্সুরাধ্যক্ষো যোগাধ্যক্ষো রুগাবহঃ । বীজাধ্যক্ষো বীজকর্তা অধ্যাত্মানুগতো বলঃ ॥৭৮

ইতিহাসস্সকল্পশ্চ গৌতমোঽথ নিশাকরঃ । দন্ভো হ্যদম্ভো বৈদম্ভো বশ্যো বশকরঃ কলিঃ॥৭৯

লোককর্তা পশুপতির্মহাকর্তা হ্যনৌষধঃ । অক্ষরং পরমং ব্রহ্ম বলবান্ শক্ত এব চ ॥৮০

নীতির্হ্যনীতিশ্শুদ্ধামা শুদ্ধো মান্যো গতাগতঃ । বহুপ্রসাদস্সুস্বপ্নো দর্পণোঽথ ত্বমিত্রজিত্ ॥৮১

বেদকারো মন্ত্রকারো বিদ্ধান্সমরমর্দনঃ। মহামেঘনিবাসী চ মহাঘোরো বশীকরঃ ॥ ৮২

অগ্নিজ্বালো মহাজ্বালো হ্যতিধূম্রো হুতো হবিঃ । বৃষভশ্শঙ্করো নিত্যং বর্চস্বী ধূমকেতনঃ ॥ ৮৩

নীলস্তথাঙ্গলুব্ধশ্চ শোভনো নিরবগ্রহঃ। স্বস্তিদস্স্বস্তিভাগশ্চ ভাগী ভাগকরো লঘুঃ॥ ৮৪

উত্সঙ্গশ্চ মহাঙ্গশ্চ মহাগর্ভপরাযণঃ । কৃষ্ণবর্ণস্সুবর্ণশ্চ ইন্দ্রিযং সর্বদেহিনাম্ ॥৮৫

মহাপাদো মহাহস্তো মহাকাযো মহাযশাঃ । মহামূর্ধী মহামাত্রো মহানেত্রী নিশালযঃ ॥৮৬

মহান্তকো মহাকর্ণো মহোষ্ঠশ্চ মহাহনুঃ । মহানাসো মহাকম্বুর্মহাগ্রীবশ্শ্মশানভাক্ ॥৮৭

মহাবক্ষা মহোরস্কো হ্যন্তরাত্মা মৃগালযঃ । লম্বনো লম্বিতোষ্ঠশ্চ মহামাযঃ পযোনিধিঃ॥ ৮৮

মহাদন্তো মহাদংষ্ট্রো মহাজিহ্বো মহামুখঃ । মহানখো মহারোমা মহাকেশো মহাজটঃ ॥৮৯

প্রসন্নশ্চ প্রসাদশ্চ প্রত্যযো গিরিসাধনঃ । স্নেহনোঽস্নেহনশ্চৈব অজিতশ্চ মহামুনিঃ ॥ ৯০

বৃক্ষাকারো বৃক্ষকেতুরনলো বাযুবাহনঃ । গণ্ডলী মেরুধামা চ দেবাধিপতিরেব চ ॥৯১

অথর্বশীর্ষস্সামাস্য ঋক্সহস্রামিতেক্ষণঃ । যজুঃপাদভুজো গুহ্যঃ প্রকাশো জঙ্গমস্তথা ॥ ৯২

অমোঘার্থঃ প্রসাদশ্চ অভিগম্যস্সুদর্শনঃ । উপকারঃ প্রিযস্সর্বঃ কনকঃ কাঞ্চনচ্ছবিঃ ॥ ৯৩

নাভির্নন্দিকরো ভাবঃ পুষ্করস্থপতিঃ স্থিরঃ । দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ ॥৯৪

নক্তং কলিশ্চ কালশ্চ মকরঃ কালপূজিতঃ। সগণো গণকারশ্চ ভূতবাহনসারথিঃ ॥ ৯৫

ভস্মাশযো ভস্মগোপ্তা ভস্মভূতস্তরুর্গণঃ । লোকপালস্তথা লোকো মহাত্মা সর্বপূজিতঃ ॥ ৯৬

শুক্লস্ত্রিশুক্লসম্পন্নশ্শুচির্ভূতনিষেবিতঃ । আশ্রমস্থঃ ক্রিযাবস্থো বিশ্বকর্মমতির্বরঃ ॥৯৭

বিশালশাখস্তাম্রোষ্ঠোহ্যম্বুজালস্সুনিশ্চলঃ । কপিলা কপিশশ্শুক্ল আযুশ্চৈব পরোঽপরঃ ॥৯৮

গন্ধর্বো হ্যদিতিস্তার্ক্ষ্যস্সুবিজ্ঞেযস্সুশারদঃ । পরশ্বধাযুধো দেবো হ্যনুকারী সুবান্ধবঃ ॥৯৯

তুম্ববীণো মহাক্রোধো ঊর্ধ্বরেতা জলেশযঃ। উগ্রো বশঙ্করো বংশো বংশনাদো হ্যনিন্দিতঃ ॥ ১০০

সর্বাঙ্গরূপো মাযাবী সুহৃদো হ্যনিলোঽনলঃ । বন্ধনো বন্ধকর্তা চ সুবন্ধনবিমোচনঃ ॥ ১০১

স যজ্ঞারিস্স কামারির্মহাদংষ্ট্রো মহাযুধঃ । বহুধাঽনিন্দিতস্সর্বশ্শঙ্করশ্চন্দ্রশেখরঃ ॥১০২

অমরেশো মহাদেবো বিশ্বদেবস্সুরারিহা । অহির্বুধ্ন্যোঽনিলাভশ্চ চেকিতানো হরিস্তথা ॥১০৩

অজৈকপাচ্চ কাপালী ত্রিশঙ্কুরজিতশিশবঃ । ধন্বন্তরির্ধূমকেতুস্স্কন্দো বৈশ্রবণস্তথা ॥১০৪

ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ । প্রভাবস্সর্বগো বাযুরর্যমা সবিতা রবিঃ ॥ ১০৫

উষঙ্গুশ্চ বিধাতা চ মান্ধাতা ভূতভাবনঃ । বিভুর্বর্ণবিভাবী চ সর্বকামগুণাবহঃ ॥ ১০৬

পদ্মনাভো মহাগর্ভশ্চন্দ্রবক্ত্রোঽনিলোঽনলঃ। বলবাংশ্চোপশান্তশ্চ পুরাণঃ পুণ্যচঞ্চুরী ॥ ১০৭

কুরুকর্তা কুরুবাসী কুরুভূতো গুণৌষধঃ । সর্বাশযো দর্ভচারী সর্বেষাং প্রাণিনাং পতিঃ ॥ ১০৮

দেবদেবস্সুখাসক্তস্সদসত্সর্বরত্নবিত্ । কৈলাসগিরিবাসী চ হিমবদ্ভিরিসংশ্রযঃ ॥১০৯

কূলহারী কূলকর্তা বহুবিদ্যো বহুদঃ। বণিজো বর্ধকী বৃক্ষো বকুলশ্চন্দনচ্ছদঃ ॥ ১১০

সারগ্রীচো মহাজত্রুরলোলশ্চ মহৌষধঃ । সিদ্ধার্থকারী সিদ্ধার্থশ্ছন্দোব্যাকরণোত্তরঃ ॥ ১১১

সিংহনাদস্সিংহদংষ্ট্রস্সিংহগস্সিংহবাহনঃ । প্রভাবাত্মা জগত্কালঃ কালো লোকহিতস্তরঃ॥১১২

সারাঙ্গো নবচক্রাঙ্গঃ কেতুমালী সভাবনঃ । ভূতালযো ভূতপতিরহোরাত্রমনিন্দিতঃ ॥১১৩

বর্ধিতস্সর্বভূতানাং নিলযশ্চ বিভুর্ভবঃ । অমোঘস্সংযতো হ্যশ্বো ভোজনঃ প্রাণধারণঃ ॥১১৪

ধৃতিমান্ মতিমান্ দক্ষঃ সত্কৃতশ্চ যুগাধিপঃ । গোপালী গোপতির্গ্রামো গোচর্মবসনো হরিঃ ॥ ১১৫

হিরণ্যবাহুশ্চ তথা গুহাপালঃ প্রবেশকঃ । প্রকৃষ্টারির্মহাহর্ষো জিতকামো জিতেন্দ্রিযঃ ॥ ১১৬

গান্ধারশ্চ সুবাসশ্চ তপস্সক্তো রতির্নরঃ । মহাগীতো মহানৃত্যো হ্য্প্সরোগণসেবিতঃ ॥ ১১৭

মহাকেতুর্মহাধাতুর্নৈকসানুচরশ্চলঃ । আবেদনীয আবেশঃ সর্বগন্ধসুখাবহঃ ॥ ১১৮

তোরণস্তারণো বাতঃ পরিধীপতিখেচরঃ। সংযোগো বর্ধনো বৃদ্ধো হ্যতিবৃদ্ধো গুণাধিকঃ ॥১১৯

নিত্য আত্মা সহাযশ্চ দেবাসুরপতিঃ পতিঃ । যুক্তশ্চ যুক্তবাহুশ্চ দেবো দিবি সুপর্বণঃ ॥১২০

আষাঢশ্চ সুষাঢশ্চ ধ্রুবোঽথ হরিণো হরঃ। বপুরাবর্তমানেভ্যো বসুশ্রেষ্ঠো মহাপথঃ ॥১২১

শিরোহারী বিমর্শশ্চ সর্বলক্ষণলক্ষিতঃ। অক্ষশ্চ রথযোগী চ সর্বযোগী মহাবলঃ ॥ ১২২

সমাম্নাযোঽসমাম্নাযস্তীর্থদেবো মহারথঃ। নির্জীবো জীবনো মন্ত্রশ্শুভাক্ষো বহুকর্কশঃ ॥১২৩

রত্নপ্রভূতো রক্তাঙ্গো মহার্ণবনিপানবিত্ । মূলং বিশালো হ্যমৃতো ব্যক্তাব্যক্তস্তপোনিধিঃ ॥১২৪

আরোহণোঽধিরোহশ্ব শীলধারী মহাযশাঃ। সেনাকল্পে মহাকল্পে যোগো যোগকরো হরিঃ ॥ ১২৫

যুগরূপো মহারূপো মহানাগহনো বধঃ । ন্যাযনির্বপণঃ পাদঃ পণ্ডিতো হ্যচলোপমঃ ॥১২৬

বহুমালো মহামালশ্শশী হরিসুলোচনঃ । বিস্তারো লবণঃ কূপস্ত্রিযুগঃ সফলোদযঃ ॥ ১২৭

ত্রিলোচনো বিষণ্ণাঙ্গো মণিবিদ্ধৌ জটাধরঃ । বিন্দুর্বিসর্গস্সুমুখঃ শরস্সর্বাযুধস্সহঃ ॥ ১২৮

নিবেদনস্সুখাজাতঃ সুগন্ধারো মহাধনুঃ । গন্ধপালী চ ভগবানুত্থানস্সর্বকর্মণাম্ ॥ ১২৯

মন্থানো বহুলো বাযুঃ সকলস্সর্বলোচনঃ । তলস্তাল করস্থালী ঊর্ধ্বসংহননো মহান্ ॥ ১৩০

ছত্রং সুছত্রো বিখ্যাতো লোকস্সর্বাশ্রযঃ ক্রমঃ । মুণ্ডো বিরূপো বিকৃতো দণ্ডী কুণ্ডী বিকুর্বণঃ ॥১৩১

হর্যক্ষঃ ককুভো বজ্রী শতজিহ্বস্সহস্রপাত্ । সহস্রমূর্ধা দেবেন্দ্রস্সর্বদেবমযো গুরুঃ ॥১৩২

সহস্রবাহুস্সর্বাঙ্গঃ শরণ্যস্সর্বলোককৃত্ । পবিত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ ॥১৩৩

ব্রহ্মদণ্ডবিনির্মাতা শতঘ্নীপাশশক্তিমান্ । পদ্মগর্ভো মহাগর্ভো ব্রহ্মগর্ভো জলোদ্ভবঃ ॥ ১৩৪

গভস্তির্ব্রহ্মকৃদ্ব্রহ্ম ব্রহ্মবিদ্ব্রাহ্মণো গতিঃ। অনন্তরূপশ্চৈকাত্মা তিগ্মতেজাস্স্বযম্ভুবঃ ॥ ১৩৫

ঊর্ধ্বগাত্মা পশুপতির্বাতরংহা মনোজবঃ । চন্দনী পদ্মনালাগ্রস্সুরভ্যুত্তরণো নরঃ ॥১৩৬

কর্ণিকারমহাস্রগ্বী নীলমৌলিঃ পিনাকভৃত্ । উমাপতিরুমাকান্তো জাহ্নবীভৃদুমাধবঃ ॥১৩৭

বরো বরাহো বরদো বরেণ্যস্সুমহাস্বনঃ । মহাপ্রসাদো দমনঃ শত্রুহা শ্বেতপিঙ্গলঃ ॥১৩৮

প্রীতাত্মা পরমাত্মা চ প্রযতাত্মা প্রধানধৃত্ । সর্বপার্শ্বসুখস্ত্র্যক্ষো ধর্মসাধারণো বরঃ॥১৩৯

চরাচরাত্মা সূক্ষ্মাত্মা অমৃতো গোবৃষেশ্বরঃ । সাধ্যর্ষির্বসুরাদিত্যো বিবস্বান্ সবিতাঽমৃতঃ ॥১৪০

ব্যাসস্সর্গস্সুসঙ্ক্ষেপো বিস্তরঃ পর্যযো নরঃ । ঋতুস্সংবত্সরো মাসঃ পক্ষস্সংখ্যাসমাপনঃ ॥১৪১

কলা কাষ্ঠা লবা মাত্রা মুহূর্তাহঃক্ষপাক্ষণাঃ । বিশ্বক্ষেত্রং প্রজাবীজ লিঙ্গমাদ্যস্সুনির্গমঃ ॥১৪২

সদসদ্ব্যক্তমব্যক্তং পিতা মাতা পিতামহঃ । স্বর্গদ্বারং প্রজাদ্বারং মোক্ষদ্বারং ত্রিবিষ্টপম্ ॥১৪৩

নির্বাণং হ্লাদনশ্চৈব ব্রহ্মলোকঃ পরা গতিঃ । দেবাসুরবিনির্মাতা দেবাসুরপরাযণঃ ॥১৪৪

দেবাসুরগুরুর্দেবো দেবাসুরনমস্কৃতঃ । দেবাসুরমহামাত্রো দেবাসুরগণাশ্রযঃ ॥১৪৫

দেবাসুরগণাধ্যক্ষো দেবাসুরগণাগ্রণীঃ । দেবাদিদেবো দেবর্ষির্দেবাসুরবরপ্রদঃ ॥১৪৬

দেবাসুরেশ্বরো বিশ্বো দেবাসুরমহেশ্বরঃ । সর্বদেবমযোঽচিন্ত্যো দেবতাত্মাত্মসম্ভবঃ ॥ ১৪৭

ঊদ্ভিত্ত্রিবিক্রমো বৈদ্যো বিরজো নীরজোঽমরঃ । ঈড্যো হস্তীশ্বরো ব্যাঘ্রো দেবসিংহো নরর্ষভঃ॥১৪৮

বিবুধোঽগ্রবরস্সূক্ষ্মস্সর্বদেবস্তপোমযঃ । সুযুক্তশ্শোভনো বজ্রী প্রাসানাং প্রভবোঽব্যযঃ ॥১৪৯

গুহঃ কান্তো নিজস্সর্গঃ পবিত্রং সর্বপাবনঃ । শৃঙ্গী শৃঙ্গপ্রিযো বভ্রূ রাজরাজো নিরামযঃ ॥ ১৫০

অভিরামস্সুরগণো বিরামস্সর্বসাধনঃ । ললাটাক্ষো বিশ্বদেবো হরিণো ব্রহ্মবর্চসঃ ॥ ১১১

স্থাবরাণাং পতিশ্চৈব নিযমেন্দ্রিযবর্ধনঃ । সিদ্ধার্থস্সিদ্ধভূতার্থোঽচিন্ত্যস্সত্যব্রতশ্শুচিঃ॥১৫২

ব্রতধিপঃ পরং ব্রহ্ম ভক্তানুগ্রহকারকঃ । বিমুক্তো মুক্ততেজাশ্চ শ্রীমান্ শ্রীবর্ধনো জগত্ ॥১৫৩

যথাপ্রধানং ভগবানিতি ভক্ত্ত্যা স্তুতো মযা । যং ন ব্রহ্মাদযো দেবা বিদুস্তত্বেন নর্ষযঃ॥ ১৫৪

স্তোতব্যমর্চ্যং বন্দ্যং চ কঃ স্তোষ্যতি জগত্পতিম্ । ভক্ত্ত্যা ত্বেবং পুরস্কৃত্য মযা যজ্ঞপতির্বিভুঃ ॥১৫৫

ততোঽভ্যনুজ্ঞা সম্প্রাপ্য স্তুতো মতিমতাং বরঃ। শিবমেভিঃ স্তুবন্ দেবং নামভিঃ পুষ্টিবর্ধনৈঃ ॥১৫৬

নিত্যযুক্তশ্শুচির্ভূতঃ প্রাপ্নোত্যাত্মানমাত্মনা । এতদ্ধি পরমং ব্রহ্ম পরং ব্রহ্মাধিগচ্ছতি ॥১৫৭

ঋষযশ্চৈব দেবাশ্চ স্তুবন্ত্যেতেন তত্পরাঃ । স্তূযমানো মহাদেবস্তুষ্যতে নিযতাত্মভিঃ ॥ ১৫৮

ভক্তানুকম্পী ভগবানাত্মসংস্থাকরো বিভুঃ। তথৈব চ মনুষ্যেষু যে মনুষ্যাঃ প্রধানতঃ ॥ ১৫৯

আস্তিকাশ্শ্রদ্দধানাশ্চ বহুভির্জন্মভিস্স্তবৈঃ। ভক্ত্যা হ্যনন্যমীশানং পরং দেবং সনাতনম্ ॥ ১৬০

কর্মণা মনসা বাচা ভাবেনামিততেজসঃ । শযানা জাগ্রমাণাশ্চ ব্রজন্নুপবিশংস্তথা ॥১৬১

উন্মিষন্নিমিষংশ্চৈব চিন্তযন্তঃ পুনঃ পুনঃ । শৃণ্বন্তশ্শ্রাবযন্তশ্চ কথযন্তশ্চ তে ভবম্ ॥ ১৬২

স্তুবন্তস্স্তূযমানাশ্চ তুষ্যন্তি চ রমন্তি চ । জন্মকোটিসহস্রেষু নানাসংসারযোনিষু ॥ ১৬৩

জন্তোর্বিগতপাপস্য ভবে ভক্তিঃ প্রজাযতে । উত্পন্না চ ভবে ভক্তিরনন্যা সর্বভাবতঃ ॥ ১৬৪

ভাবিনঃ কারণং চাস্য সর্বমুক্তস্য সর্বদা । এতদ্দেবেষু দুষ্পাপং মনুষ্যেষু ন লভ্যতে ॥১৬৫

নির্বিঘ্না নির্মলা রুদ্রে ভক্তিরব্যভিচারিণী। তস্যৈব চ প্রসাদেন ভক্তিরুত্পদ্যতে নৃণাম্ ॥ ১৬৬

যেন যান্তি পরাং সিদ্ধিং তদ্ভাবগতচেতসঃ । যং সর্বভাবানুগতাঃ প্রপদ্যন্তে মহেশ্বরম্ ॥১৬৭

প্রপন্নবত্সলো দেবসংসারাত্তান্ সমুদ্ধরেত্ । এবমন্যে ন কুর্বন্তি দেবাস্সংসারমোচনম্ ॥ ১৬৮

মনুষ্যাণামৃতে দেবং নান্যা শক্তিস্তপোবলম্ । ইতি তেনেন্দ্রকল্পেন ভগবান্ সদসত্পতিঃ ॥ ১৬৯

কৃত্তিবাসাস্স্তুতঃ কৃষ্ণ তণ্ডিনা শুভবুদ্ধিনা। স্তবমেতং ভগবতো ব্রহ্মা স্বযমধারযত্ ॥১৭০

গীযতে চ স বুধ্যেত ব্রহ্মশঙ্করসন্নিধৌ । ইদং পুণ্যং পবিত্রং চ সর্বদা পাপনাশনম্ ॥ ১৭১

যোগদং মোক্ষদং চৈব স্বর্গদং তোষদং তথা । এবমেতত্পঠন্তে য একভক্ত্যা তু শঙ্করম্ ॥ ১৭২

যা গতিস্সাংখ্যযোগানাং ব্রজন্তে তাং গতিং তথা । স্তবমেনং প্রযত্নেন সদা রুদ্রস্য সন্নিধৌ ॥১৭৩

অব্দমেকং চরেদ্ভক্তঃ প্রাপ্নুযাদীপ্সিতং ফলম্ । এতদ্রহস্যং পরমং ব্রহ্মণো হৃদি সংস্থিতম্ ॥১৭৪

ব্রহ্মা প্রোবাচ শক্রায শক্রঃ প্রোবাচ মৃত্যবে। মৃত্যুঃ প্রোবাচ রুদ্রেভ্যো রুদ্রেভ্যস্তণ্ডিমাগমত্॥১৭৫

মহতা তপসা প্রাপ্তং তণ্ডিনা ব্রহ্মসদ্মনি । তণ্ডিঃ প্রোবাচ শুক্রায গৌতমায চ ভার্গবঃ॥১৭৬

বৈবস্বতায মনবে গৌতমঃ প্রাহ মাধব । নারাযণায সাধ্যায মনুরিষ্টায ধীমতে ॥ ১৭৭

যমায প্রাহ ভগবান্ সাধ্যো নারাযণোঽচ্যুতঃ। নাচিকেতায ভগবানাহ বৈবস্বতো যমঃ॥ ১৭৮

মার্কণ্ডেযায বার্ষ্ণেয নাচিকেতোঽভ্যভাষত । মার্কণ্ডেযান্মযা প্রাপ্তো নিযমেন জনার্দন ॥১৭৯

তবাপ্যহমমিত্রনঘ্ন স্তবং দদ্যাং হ্যবিশ্রুতম্ । স্বর্যমারোগ্যমাযুষ্যং ধন্যং বেদেন সম্মিতম্ ॥ ১৮০

নাস্য বিঘ্নং বিকুর্বন্তি দানবা যক্ষরাক্ষসাঃ । পিশাচা যাতুধানা বা গুহ্যকা ভুজগা অপি ॥

যঃ পঠেত শুচিঃ পার্থ ব্রহ্মচারী জিতেন্দ্রিযঃ। অভগ্নযোগো বর্ষং তু সোঽশ্বমেধফলং লভেত্ ॥ ১৮২

ইতি শ্রীমন্মহাভারতে আনুশাসনিকপর্বণি দানধর্মপর্বণি শ্রীশিবসহস্রনামস্তোত্ররত্নকথনং নাম সপ্তদশোঽধ্যাযঃ শ্রীশিবসহস্রনামস্তোত্ররত্নং সমাপ্তম্ ॥

উৎস: Wikisource · CC BY-SA 4.0

আপনার মতামত পাঠান

কী উন্নত করা দরকার, কী ভুল আছে, বা আপনার কী ভালো লেগেছে জানান। আমরা প্রতিটি বার্তা পড়ি।

কী বিষয়ে
শঙ্খ আপনার কাছে কতটা উপকারী? (ঐচ্ছিক)