শ্রীরুদ্রম্ (নমকম্)
বৈদিক সূক্ত · তৈত্তিরীয় সংহিতা (কৃষ্ণ যজুর্বেদ) · 27টি শ্লোক
নমস্তে রুদ্র মন্যব উতো ত ইষবে নমঃ । নমস্তে অস্তু ধন্বনে বাহুভ্যামুত তে নমঃ । যা ত ইষুঃ শিবতমা শিবম্বভূব তে ধনুঃ । শিবা শরব্যা যা তব তযা নো রুদ্র মৃডয । যা তে রুদ্র শিবা তনূরঘোরাপাপকাশিনী । তযা নস্তনুবা শংতমযা গিরিশন্তাভি চাকশীহি । যামিষুং গিরিশন্ত হস্তে
বিভর্ষ্যস্তবে । শিবাং গিরিত্র তাং কুরু মা হিগ্ংসীঃ পুরুষং জগত্ । শিবেন বচসা ত্বা গিরিশাচ্ছা বদামসি । যথা নঃ সর্বমিজ্জগদযক্ষ্মগ্ং সুমনা অসত্ । অধ্যবোচদধিবক্তা প্রথমো দৈব্যো ভিষক্ । অহীগ্ংশ্চ সর্বাঞ্জম্ভযন্ত্সর্বাশ্চ যাতুধান্যঃ । অসৌ যস্তাম্রো অরুণ উত বভ্রুঃ সুমঙ্গলঃ । যে চেমাগ্ং রুদ্রা অভিতো দিক্ষু
শ্রিতাঃ সহস্রশোঽবৈষাগ্ং হেড ঈমহে । অসৌ যোঽবসর্পতি নীলগ্রীবো বিলোহিতঃ । উতৈনং গোপা অদৃশন্নদৃশন্নুদহার্যঃ । উতৈনং বিশ্বা ভূতানি স দৃষ্টো মৃডযাতি নঃ । নমো অস্তু নীলগ্রীবায সহস্রাক্ষায মীঢুষে । অথো যে অস্য সত্বানোঽহং তেভ্যোঽকরং নমঃ । প্র মুঞ্চ ধন্বনস্ত্বমুভযোরার্ত্নিযোর্জ্যাম্ । যাশ্চ তে হস্ত ইষবঃ
পরা তা ভগবো বপ । অবতত্য ধনুস্ত্বগ্ং সহস্রাক্ষ শতেষুধে । নিশীর্য শল্যানাম্মুখা শিবো নঃ সুমনা ভব । বিজ্যং ধনুঃ কপর্দিনো বিশল্যো বাণবাগ্ং উত । অনেশন্নস্যেষব আভুরস্য নিষঙ্গথিঃ । যা তে হেতির্মীঢুষ্টম হস্তে বভূব তে ধনুঃ । তযাস্মান্বিশ্বতস্ত্বমযক্ষ্মযা পরি ব্ভুজ । নমস্তে অস্ত্বাযুধাযানাততায ধৃষ্ণবে । উভাভ্যামুত তে নমো বাহুভ্যাং তব ধন্বনে । পরি তে ধন্বনো হেতিরস্মান্বৃণক্তু বিশ্বতঃ । অথো য ইষুধিস্তবারে অস্মন্নি ধেহি তম্ ॥
নমো হিরণ্যবাহবে সেনান্যে দিশাং চ পতযে নমো নমো বৃক্ষেভ্যো হরিকেশেভ্যঃ পশূনাম্পতযে নমো নমঃ সস্পিঞ্জরায ত্বিষীমতে পথীনাম্পতযে নমো নমো বভ্লুশায বিব্যাধিনেঽন্নানাম্পতযে নমো নমো হরিকেশাযোপবীতিনে পুষ্টানাম্পতযে নমো নমো ভবস্য হেত্যৈ জগতাম্পতযে নমো নমো রুদ্রাযাততাবিনে ক্ষেত্রাণাম্পতযে নমো নমঃ সূতাযাহন্ত্যায বনানাম্পতযে নমো নমঃ
রোহিতায স্থপতযে বৃক্ষাণাম্পতযে নমো নমো মন্ত্রিণে বাণিজায কক্ষাণাম্পতযে নমো নমো ভুবন্তযে বারিবস্কৃতাযৌষধীনাম্পতযে নমো নম উচ্চৈর্ঘোষাযাক্রন্দযতে পত্তীনাম্পতযে নমো নমঃ কৃত্স্নবীতায ধাবতে সত্বনাম্পতযে নমঃ ॥
নমঃ সহমানায নিব্যাধিন আব্যাধিনীনাম্পতযে নমো নমঃ ককুভায নিষঙ্গিণে স্তেনানাম্পতযে নমো নমো নিষঙ্গিণ ইষুধিমতে তস্করাণাম্পতযে নমো নমো বঞ্চতে পরিবঞ্চতে স্তাযূনাম্পতযে নমো নমো নিচেরবে পরিচরাযারণ্যানাম্পতযে নমো নমঃ সৃকাবিভ্যো জিঘাগ্ংসদ্ভ্যো মুষ্ণতাম্পতযে নমো নমোঽসিমদ্ভ্যো নক্তং চরদ্ভ্যঃ প্রকৃন্তানাম্পতযে নমো নম উষ্ণীষিণে গিরিচরায কুলুঞ্চানাম্পতযে নমো নমঃ
ইষুমদ্ভ্যো ধন্বাবিভ্যশ্চ বো নমো নম আতন্বানেভ্যঃ প্রতিদধানেভ্যশ্চ বো নমো নম আযচ্ছদ্ভ্যো বিসৃজদ্ভ্যশ্চ বো নমো নমোঽস্যদ্ভ্যো বিধ্যদ্ভ্যশ্চ বো নমো নম আসীনেভ্যঃ শযানেভ্যশ্চ বো নমো নমঃ স্বপদ্ভ্যো জাগ্রদ্ভ্যশ্চ বো নমো নমস্তিষ্ঠদ্ভ্যো ধাবদ্ভ্যশ্চ বো নমো নমঃ সভাভ্যঃ সভাপতিভ্যশ্চ বো নমো নমো অশ্বেভ্যোঽশ্বপতিভ্যশ্চ বো নমঃ ॥
নম আব্যাধিনীভ্যো বিবিধ্যন্তীভ্যশ্চ বো নমো নম উগণাভ্যস্তৃগ্ংহতীভ্যশ্চ বো নমো নমো গৃত্সেভ্যো গৃত্সপতিভ্যশ্চ বো নমো নমো ব্রাতেভ্যো ব্রাতপতিভ্যশ্চ বো নমো নমো গণেভ্যো গণপতিভ্যশ্চ বো নমো নমো বিরূপেভ্যো বিশ্বরূপেভ্যশ্চ বো নমো নমো মহদ্ভ্যঃ ক্ষুল্লকেভ্যশ্চ বো নমো নমো রথিভ্যোঽরথেভ্যশ্চ বো নমো নমো রথেভ্যঃ
রথপতিভ্যশ্চ বো নমো নমঃ সেনাভ্যঃ সেনানিভ্যশ্চ বো নমো নমঃ ক্ষত্তৃভ্যঃ সংগ্রহীতৃভ্যশ্চ বো নমো নমস্তক্ষভ্যো রথকারেভ্যশ্চ বো নমো নমঃ কুলালেভ্যঃ কর্মারেভ্যশ্চ বো নমো নমঃ পুঞ্জিষ্টেভ্যো নিষাদেভ্যশ্চ বো নমো নম ইষুকৃদ্ভ্যো ধন্বকৃদ্ভ্যশ্চ বো নমো নমো মৃগযুভ্যঃ শ্বনিভ্যশ্চ বো নমো নমঃ শ্বভ্যঃ শ্বপতিভ্যশ্চ বো নমঃ ॥
নমো ভবায চ রুদ্রায চ নমঃ শর্বায চ পশুপতযে চ নমো নীলগ্রীবায চ শিতিকণ্ঠায চ নমঃ কপর্দিনে চ ব্যুপ্তকেশায চ নমঃ সহস্রাক্ষায চ শতধন্বনে চ নমো গিরিশায চ শিপিবিষ্টায চ নমো মীঢুষ্টমায চেষুমতে চ নমো হ্রস্বায চ বামনায চ নমো বৃহতে চ বর্ষীযসে চ নমো বৃদ্ধায চ সংবৃধ্বনে চ
নমো অগ্রিযায চ প্রথমায চ নম আশবে চাজিরায চ নমঃ শীঘ্রিযায চ শীভ্যায চ নম ঊর্ম্যায চাবস্বন্যায চ নমঃ স্রোতস্যায চ দ্বীপ্যায চ ॥
নমো জ্যেষ্ঠায চ কনিষ্ঠায চ নমঃ পূর্বজায চাপরজায চ নমো মধ্যমায চাপগল্ভায চ নমো জঘন্যায চ বুধ্নিযায চ নমঃ সোভ্যায চ প্রতিসর্যায চ নমো যাম্যায চ ক্ষেম্যায চ নম উর্বর্যায চ খল্যায চ নমঃ শ্লোক্যায চাবসান্যায চ নমো বন্যায চ কক্ষ্যায চ নমঃ শ্রবায চ প্রতিশ্রবায চ
নম আশুষেণায চাশুরথায চ নমঃ শূরায চাবভিন্দতে চ নমো বর্মিণে চ বরূথিনে চ নমো বিল্মিনে চ কবচিনে চ নমঃ শ্রুতায চ শ্রুতসেনায চ ॥
নমো দুন্দুভ্যায চাহনন্যায চ নমো ধৃষ্ণবে চ প্রমৃশায চ নমো দূতায চ প্রহিতায চ নমো নিষঙ্গিণে চেষুধিমতে চ নমস্তীক্ষ্ণেষবে চাযুধিনে চ নমঃ স্বাযুধায চ সুধন্বনে চ নমঃ স্রুত্যায চ পথ্যায চ নমঃ কাট্যায চ নীপ্যায চ নমঃ সূদ্যায চ সরস্যায চ নমো নাদ্যায চ বৈশন্তায চ
নমঃ কূপ্যায চাবট্যায চ নমো বর্ষ্যায চাবর্ষ্যায চ নমো মেঘ্যায চ বিদ্যুত্যায চ নম ঈধ্রিযায চাতপ্যায চ নমো বাত্যায চ রেষ্মিযায চ নমো বাস্তব্যায চ বাস্তুপায চ ॥
নমঃ সোমায চ রুদ্রায চ নমস্তাম্রায চারুণায চ নমঃ শংগায চ পশুপতযে চ নম উগ্রায চ ভীমায চ নমো অগ্রেবধায চ দূরেবধায চ নমো হন্ত্রে চ হনীযসে চ নমো বৃক্ষেভ্যো হরিকেশেভ্যো নমস্তারায নমঃ শম্ভবে চ মযোভবে চ নমঃ শংকরায চ মযস্করায চ নমঃ শিবায চ শিবতরায চ
নমস্তীর্থ্যায চ কূল্যায চ নমঃ পার্যায চাবার্যায চ নমঃ প্রতরণায চোত্তরণায চ নম আতার্যায চালাদ্যায চ নমঃ শষ্প্যায চ ফেন্যায চ নমঃ সিকত্যায চ প্রবাহ্যায চ ॥
নম ইরিণ্যায চ প্রপথ্যায চ নমঃ কিগ্ংশিলায চ ক্ষযণায চ নমঃ কপর্দিনে চ পুলস্তযে চ নমো গোষ্ঠ্যায চ গৃহ্যায চ নমস্তল্প্যায চ গেহ্যায চ নমঃ কাট্যায চ গহ্বরেষ্ঠায চ নমো হ্রদয্যায চ নিবেষ্প্যায চ নমঃ পাগ্ংসব্যায চ রজস্যায চ নমঃ শুষ্ক্যায চ হরিত্যায চ নমো লোপ্যায চোলপ্যায চ
নম ঊর্ব্যায চ সূর্ম্যায চ নমঃ পর্ণ্যায চ পর্ণশদ্যায চ নমোঽপগুরমাণায চাভিঘ্নতে চ নম আক্খিদতে চ প্রক্খিদতে চ নমো বঃ কিরিকেভ্যো দেবানাগ্ং হৃদযেভ্যো নমো বিক্ষীণকেভ্যো নমো বিচিন্বত্কেভ্যো নম আনির্হতেভ্যো নম আমীবত্কেভ্যঃ ॥
দ্রাপে অন্ধসস্পতে দরিদ্রন্নীললোহিত । এষাম্পুরুষাণামেষাম্পশূনাম্মা ভের্মারো মো এষাং কিং চনামমত্ । যা তে রুদ্র শিবা তনূঃ শিবা বিশ্বাহভেষজী । শিবা রুদ্রস্য ভেষজী তযা নো মৃড জীবসে । ইমাগ্ং রুদ্রায তবসে কপর্দিনে ক্ষযদ্বীরায প্র ভরামহে মতিম্ । যথা নঃ শমসদ্দ্বিপদে চতুষ্পদে বিশ্বম্পুষ্টম্গ্রামে অস্মিন্ন্
অনাতুরম্ । মৃডা নো রুদ্রোত নো মযস্কৃধি ক্ষযদ্বীরায নমসা বিধেম তে । যচ্ছং চ যোশ্চ মনুরাযজে পিতা তদশ্যাম তব রুদ্র প্রণীতৌ । মা নো মহান্তমুত মা নো অর্ভকম্মা ন উক্ষন্তমুত মা ন উক্ষিতম্ । মা নো বধীঃ পিতরম্মোত মাতরম্প্রিযা মা নস্তনুবঃ
রুদ্র রীরিষঃ । মা নস্তোকে তনযে মা ন আযুষি মা নো গোষু মা নো অশ্বেষু রীরিষঃ । বীরান্মা নো রুদ্র ভামিতো বধীর্হবিষ্মন্তো নমসা বিধেম তে । আরাত্তে গোঘ্ন উত পূরুষঘ্নে ক্ষযদ্বীরায সুম্নমস্মে তে অস্তু । রক্ষা চ নো অধি চ দেব ব্রূহ্যধা চ নঃ শর্ম যচ্ছ দ্বিবর্হাঃ । স্তুহি
শ্রুতং গর্তসদং যুবানম্মৃগং ন ভীমমুপহত্নুমুগ্রম্ । মৃডা জরিত্রে রুদ্র স্তবানো অন্যং তে অস্মন্নি বপন্তু সেনাঃ । পরি ণো রুদ্রস্য হেতির্বৃণক্তু পরি ত্বেষস্য দুর্মতিরঘাযোঃ । অব স্থিরা মঘবদ্ভ্যস্তনুষ্ব মীঢ্বস্তোকায তনযায মৃডয । মীঢুষ্টম শিবতম শিবো নঃ সুমনা ভব । পরমে বৃক্ষ আযুধং নিধায কৃত্তিং বসান আ চর পিনাকম্
বিভ্রদা গহি । বিকিরিদ বিলোহিত নমস্তে অস্তু ভগবঃ । যাস্তে সহস্রগ্ং হেতযোঽন্যমস্মন্নি বপন্তু তাঃ । সহস্রাণি সহস্রধা বাহুবোস্তব হেতযঃ । তাসামীশানো ভগবঃ পরাচীনা মুখা কৃধি ॥
সহস্রাণি সহস্রশো যে রুদ্রা অধি ভূম্যাম্ । তেষাগ্ং সহস্রযোজনেঽব ধন্বানি তন্মসি । অস্মিন্মহত্যর্ণবেঽন্তরিক্ষে ভবা অধি । নীলগ্রীবাঃ শিতিকণ্ঠাঃ শর্বা অধঃ ক্ষমাচরাঃ । নীলগ্রীবাঃ শিতিকণ্ঠা দিবগ্ং রুদ্রা উপশ্রিতাঃ । যে বৃক্ষেষু সস্পিঞ্জরা নীলগ্রীবা বিলোহিতাঃ । যে ভূতানামধিপতযো বিশিখাসঃ কপর্দিনঃ । যে অন্নেষু বিবিধ্যন্তি পাত্রেষু পিবতো জনান্ । যে পথাম্পথিরক্ষয ঐলবৃদা যব্যুধঃ । যে তীর্থানি
প্রচরন্তি সৃকাবন্তো নিষঙ্গিণঃ । য এতাবন্তশ্চ ভূযাগ্ংসশ্চ দিশো রুদ্রা বিতস্থিরে । তেষাগ্ং সহস্রযোজনেঽব ধন্বানি তন্মসি । নমো রুদ্রেভ্যো যে পৃথিব্যাং যেঽন্তরিক্ষে যে দিবি যেষামন্নং বাতো বর্ষমিষবস্তেভ্যো দশ প্রাচীর্দশ দক্ষিণা দশ প্রতীচীর্দশোদীচীর্দশোর্ধ্বাস্তেভ্যো নমস্তে নো মৃডযন্তু তে যং দ্বিষ্মো যশ্চ নো দ্বেষ্টি তং বো জম্ভে দধামি ॥
উৎস: Wikisource · CC BY-SA 4.0