হোম › বেদ মন্ত্র › শ্রীসূক্তম্

শ্রীসূক্তম্

বৈদিক সূক্ত · ঋগ্বেদ খিল (পরিশিষ্ট) · 15টি শ্লোক

হিরণ্যবর্ণাং হরিণীং সুবর্ণরজতস্রজাম্ । চন্দ্রাং হিরণ্মযীং লক্ষ্মীং জাতবেদো ম আবহ ॥ ১ ॥

তাং ম আবহ জাতবেদো লক্ষ্মীমনপগামিনীম্ । যস্যাং হিরণ্যং বিন্দেযং গামশ্বং পুরুষানহম্ ॥ ২ ॥

অশ্বপূর্বাং রথমধ্যাং হস্তিনাদপ্রবোধিনীম্ । শ্রিযং দেবীমুপহ্বযে শ্রীর্মা দেবী জুষতাম্ ॥ ৩ ॥

কাংসোস্মিতাং হিরণ্যপ্রাকারামার্দ্রাং জ্বলন্তীং তৃপ্তাং তর্পযন্তীম্ । পদ্মে স্থিতাং পদ্মবর্ণাং তামিহোপহ্বযে শ্রিযম্ ॥ ৪ ॥

চন্দ্রাং প্রভাসাং যশসা জ্বলন্তীং শ্রিযং লোকে দেবজুষ্টামুদারাম্ । তাং পদ্মিনীমীং শরণমহং প্রপদ্যেঽলক্ষ্মীর্মে নশ্যতাং ত্বাং বৃণে ॥ ৫ ॥

আদিত্যবর্ণে তপসোঽধিজাতো বনস্পতিস্তব বৃক্ষোঽথ বিল্বঃ । তস্য ফলানি তপসা নুদন্তু মাযান্তরাযাশ্চ বাহ্যা অলক্ষ্মীঃ ॥ ৬ ॥

উপৈতু মাং দেবসখঃ কীর্তিশ্চ মণিনা সহ । প্রাদুর্ভূতোঽস্মি রাষ্ট্রেঽস্মিন্ কীর্তিমৃদ্ধিং দদাতু মে ॥ ৭ ॥

ক্ষুত্পিপাসামলাং জ্যেষ্ঠামলক্ষ্মীং নাশযাম্যহম্ । অভূতিমসমৃদ্ধিং চ সর্বান্ নির্ণুদ মে গৃহাত্ ॥ ৮ ॥

গন্ধদ্বারাং দুরাধর্ষাং নিত্যপুষ্টাং করীষিণীম্ । ঈশ্বরীং সর্বভূতানাং তামিহোপহ্বযে শ্রিযম্ ॥ ৯ ॥

মনসঃ কামমাকূতিং বাচঃ সত্যমশীমহি । পশূনাং রূপমন্নস্য মযি শ্রীঃ শ্রযতাং যশঃ ॥ ১০ ॥

কর্দমেন প্রজা ভূতা মযি সম্ভব কর্দম । শ্রিযং বাসয মে কুলে মাতরং পদ্মমালিনীম্ ॥ ১১ ॥

আপঃ সৃজন্তু স্নিগ্ধানি চিক্লীত বস মে গৃহে । নি চ দেবীং মাতরং শ্রিযং বাসয মে কুলে ॥ ১২ ॥

আর্দ্রাং পুষ্করিণীং পুষ্টিং পিঙ্গলাং পদ্মমালিনীম্ । চন্দ্রাং হিরণ্মযীং লক্ষ্মীং জাতবেদো ম আবহ ॥ ১৩ ॥

আর্দ্রাং যঃ করিণীং যষ্টিং সুবর্ণাং হেমমালিনীম্ । সূর্যাং হিরণ্মযীং লক্ষ্মীং জাতবেদো ম আবহ ॥ ১৪ ॥

তাং ম আবহ জাতবেদো লক্ষ্মীমনপগামিনীম্ । যস্যাং হিরণ্যং প্রভূতং গাবো দাস্যোঽশ্বান্ বিন্দেযং পুরুষানহম্ ॥ ১৫ ॥

উৎস: Wikisource · CC BY-SA 4.0

আপনার মতামত পাঠান

কী উন্নত করা দরকার, কী ভুল আছে, বা আপনার কী ভালো লেগেছে জানান। আমরা প্রতিটি বার্তা পড়ি।

কী বিষয়ে
শঙ্খ আপনার কাছে কতটা উপকারী? (ঐচ্ছিক)