અચ્યુતં કેશવં રામનારાયણં કૃષ્ણદામોદરં વાસુદેવં હરિમ્ ॥ શ્રીધરં માધવં ગોપિકાવલ્લભં જાનકીનાયકં રામચન્દ્રં ભજે ॥ ૧ ॥
અચ્યુતં કેશવં સત્યભામાધવં માધવં શ્રીધરં રાધિકારાધિતમ્ ॥ ઇન્દિરામન્દિરં ચેતસા સુન્દરં દેવકીનન્દનં નન્દનં સંદધે ॥ ૨ ॥
વિષ્ણવે જિષ્ણવે શંખિને ચક્રિણે રુક્મિણીરાગિણે જાનકીજાનયે ॥ વલ્લવીવલ્લભાયાઽર્ચિતાયાત્મને કંસવિધ્વંસિને વંશિને તે નમઃ ॥ ૩ ॥
કૃષ્ણ ગોવિન્દ હે રામ નારાયણ શ્રીપતે વાસુદેવાજિત શ્રીનિધે ॥ અચ્યુતાનન્ત હે માધવાધોક્ષજ દ્વારકાનાયક દ્રૌપદીરક્ષક ॥ ૪ ॥
રાક્ષસક્ષોભિતઃ સીતયા શોભિતો દણ્ડકારણ્યભૂપુણ્યતાકારણઃ ॥ લક્ષ્મણેનાન્વિતો વાનરૈઃ સેવિતોઽ ગસ્ત્યસંપૂજિતો રાઘવઃ પાતુ મામ્ ॥ ૫ ॥
ધેનુકારિષ્ટકોઽનિષ્ટકૃદ્દ્વેષિણાં કેશિહા કંસહૃદ્વંશિકાવાદકઃ ॥ પૂતનાકોપકઃ સૂરજાખેલનો બાલગોપાલકઃ પાતુ મામ્ સર્વદા ॥ ૬ ॥
વિદ્યુદુદ્યોતવાનપ્રસ્ફુરદ્વાસસં પ્રાવૃડમ્ભોદવત્પ્રોલ્લસદ્વિગ્રહમ્ ॥ વન્યયા માલયા શોભિતોરઃસ્થલં લોહિતાંઘ્રિદ્વયં વારિજાક્ષં ભજે ॥ ૭ ॥
કુંચિતૈઃ કુન્તલૈર્ભ્રાજમાનાનનં રત્નમૌલિં લસત્ કુણ્ડલં ગણ્ડયોઃ ॥ હારકેયૂરકં કંકણપ્રોજ્જ્વલં કિંકિણીમંજુલં શ્યામલં તં ભજે ॥ ૮ ॥
અચ્યુતસ્યાષ્ટકં યઃ પઠેદિષ્ટદં પ્રેમતઃ પ્રત્યહં પૂરુષઃ સસ્પૃહમ્ । વૃત્તતઃ સુંદરં કર્તૃ વિશ્વંભરં તસ્ય વશ્યો હરિર્જાયતે સત્વરમ્ ॥ ૯ ॥
॥ ઇતિ શ્રીશંકરાચાર્યવિરચિતમચ્યુતાષ્ટકં સંપૂર્ણમ્ ॥
સ્રોત: Wikisource · CC BY-SA 4.0