હોમ › વેદ મંત્રો › આદિત્યહૃદયમ્

આદિત્યહૃદયમ્

સ્તોત્રો · 37 શ્લોક

॥ આદિત્યહૃદયમ્ ॥

તતો યુદ્ધપરિશ્રાન્તં સમરે ચિન્તયા સ્થિતમ્। રાવણં ચાગ્રતો દૃષ્ટ્વા યુદ્ધાય સમુપસ્થિતમ્॥ ૧ ॥

દૈવતૈશ્ચ સમાગમ્ય દ્રષ્ટુમભ્યાગતો રણમ્। ઉપાગમ્યાબ્રવીદ્રામમગસ્ત્યો ભગવાન્ ઋષિઃ॥ ૨ ॥

રામ રામ મહાબાહો શૃણુ ગુહ્યં સનાતનમ્। યેન સર્વાનરીન્ વત્સ સમરે વિજયિષ્યસિ॥ ૩ ॥

આદિત્યહૃદયં પુણ્યં સર્વશત્રુવિનાશનમ્। જયાવહં જપેન્નિત્યમ્ અક્ષય્યં પરમં શિવમ્॥ ૪ ॥

સર્વમંગલમાંગલ્યં સર્વપાપપ્રણાશનમ્। ચિન્તાશોકપ્રશમનમ્ આયુર્વર્ધનમુત્તમમ્॥ ૫ ॥

રશ્મિમંતં સમુદ્યન્તં દેવાસુરનમસ્કૃતમ્। પૂજયસ્વ વિવસ્વન્તં ભાસ્કરં ભુવનેશ્વરમ્॥ ૬ ॥

સર્વદેવાત્મકો હ્યેષ તેજસ્વી રશ્મિભાવનઃ। એષ દેવાસુરગણાઁલ્લોકાન્ પાતિ ગભસ્તિભિઃ॥ ૭ ॥

એષ બ્રહ્મા ચ વિષ્ણુશ્ચ શિવઃ સ્કન્દઃ પ્રજાપતિઃ। મહેન્દ્રો ધનદઃ કાલો યમઃ સોમો હ્યપાં પતિઃ॥ ૮ ॥

પિતરો વસવઃ સાધ્યા હ્યશ્વિનૌ મરુતો મનુઃ। વાયુર્વહ્નિઃ પ્રજાપ્રાણ ઋતુકર્તા પ્રભાકરઃ॥ ૯ ॥

આદિત્યઃ સવિતા સૂર્યઃ ખગઃ પૂષા ગભસ્તિમાન્। સુવર્ણસદૃશો ભાનુર્હિરણ્યરેતા દિવાકરઃ॥ ૧૦ ॥

હરિદશ્વઃ સહસ્રાર્ચિઃ સપ્તસપ્તિર્મરીચિમાન્। તિમિરોન્મથનઃ શમ્ભુસ્ત્વષ્ટા માર્તાણ્ડ અંશુમાન્॥ ૧૧ ॥

હિરણ્યગર્ભઃ શિશિરસ્તપનો ભાસ્કરો રવિઃ। અગ્નિગર્ભોઽદિતેઃ પુત્રઃ શંખઃ શિશિરનાશનઃ॥ ૧૨ ॥

વ્યોમનાથસ્તમોભેદી ઋગ્યજુઃસામપારગઃ। ઘનવૃષ્ટિરપાં મિત્રો વિન્ધ્યવીથીપ્લવંગમઃ॥ ૧૩ ॥

આતપી મણ્ડલી મૃત્યુઃ પિંગલઃ સર્વતાપનઃ। કવિર્વિશ્વો મહાતેજાઃ રક્તઃ સર્વભવોદ્ભવઃ॥ ૧૪

નક્ષત્રગ્રહતારાણામધિપો વિશ્વભાવનઃ। તેજસામપિ તેજસ્વી દ્વાદશાત્મન્ નમોઽસ્તુ તે॥ ૧૫ ॥

નમઃ પૂર્વાય ગિરયે પશ્ચિમાયાદ્રયે નમઃ।

જ્યોતિર્ગણાનાં પતયે દિનાધિપતયે નમઃ॥ ૧૬ ॥

જયાય જયભદ્રાય હર્યશ્વાય નમો નમઃ।

નમો નમઃ સહસ્રાંશો આદિત્યાય નમો નમઃ॥ ૧૭ ॥

નમ ઉગ્રાય વીરાય સારંગાય નમો નમઃ।

નમઃ પદ્મપ્રબોધાય માર્તાણ્ડાય નમો નમઃ॥ ૧૮ ॥

બ્રહ્મેશાનાચ્યુતેશાય સૂર્યાયાદિત્યવર્ચસે। ભાસ્વતે સર્વભક્ષાય રૌદ્રાય વપુષે નમઃ॥ ૧૯ ॥

તમોઘ્નાય હિમઘ્નાય શત્રુઘ્નાયામિતાત્મને। કૃતઘ્નઘ્નાય દેવાય જ્યોતિષાં પતયે નમઃ॥ ૨૦ ॥

તપ્તચામીકરાભાય વહ્નયે વિશ્વકર્મણે। નમસ્તમોઽભિનિઘ્નાય રુચયે લોકસાક્ષિણે॥ ૨૧ ॥

નાશયત્યેષ વૈ ભૂતં તદેવ સૃજતિ પ્રભુઃ। પાયત્યેષ તપત્યેષ વર્ષત્યેષ ગભસ્તિભિઃ॥ ૨૨ ॥

એષ સુપ્તેષુ જાગર્તિ ભૂતેષુ પરિનિષ્ઠિતઃ। એષ એવાગ્નિહોત્રં ચ ફલં ચૈવાગ્નિહોત્રિણામ્॥ ૨૩ ॥

વેદાશ્ચ ક્રતવશ્ચૈવ ક્રતૂનાં ફલમેવ ચ। યાનિ કૃત્યાનિ લોકેષુ સર્વ એષ રવિઃ પ્રભુઃ॥ ૨૪ ॥

॥ ફલશ્રુતિઃ॥

એનમાપત્સુ કૃચ્છ્રેષુ કાન્તારેષુ ભયેષુ ચ। કીર્તયન્ પુરુષઃ કશ્ચિન્નાવસીદતિ રાઘવ॥ ૨૫ ॥

પૂજયસ્વૈનમેકાગ્રો દેવદેવં જગત્પતિમ્। એતત્ ત્રિગુણિતં જપ્ત્વા યુદ્ધેષુ વિજયિષ્યસિ॥ ૨૬ ॥

અસ્મિન્ ક્ષણે મહાબાહો રાવણં ત્વં વધિષ્યસિ। એવમુક્ત્વા તદાગસ્ત્યો જગામ ચ યથાગતમ્॥ ૨૭ ॥

એતચ્છ્રુત્વા મહાતેજા નષ્ટશોકોઽભવત્તદા। ધારયામાસ સુપ્રીતો રાઘવઃ પ્રયતાત્મવાન્॥ ૨૮ ॥

આદિત્યં પ્રેક્ષ્ય જપ્ત્વા તુ પરં હર્ષમવાપ્તવાન્। ત્રિરાચમ્ય શુચિર્ભૂત્વા ધનુરાદાય વીર્યવાન્॥ ૨૯ ॥

રાવણં પ્રેક્ષ્ય હૃષ્ટાત્મા યુદ્ધાય સમુપાગમત્। સર્વયત્નેન મહતા વધે તસ્ય ધૃતોઽભવત્॥ ૩૦ ॥

અથ રવિરવદન્નિરીક્ષ્ય રામં મુદિતમનાઃ પરમં પ્રહૃષ્યમાણઃ। નિશિચરપતિસંક્ષયં વિદિત્વા સુરગણમધ્યગતો વચસ્ત્વરેતિ॥ ૩૧ ॥

॥ ઇતિ આદિત્યહૃદયમ્ મન્ત્રસ્ય ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)