હોમ › વેદ મંત્રો › ભજગોવિન્દમ્

ભજગોવિન્દમ્

સ્તોત્રો · 34 શ્લોક

ભજગોવિન્દં ભજગોવિન્દં ગોવિન્દં ભજમૂઢમતે । સંપ્રાપ્તે સન્નિહિતે કાલે નહિ નહિ રક્ષતિ ડુકૃઞ્કરણે ॥ ૧ ॥

મૂઢ જહીહિ ધનાગમતૃષ્ણાં કુરુ સદ્બુદ્ધિં મનસિ વિતૃષ્ણામ્। યલ્લભસે નિજકર્મોપાત્તં વિત્તં તેન વિનોદય ચિત્તમ્ ॥ ૨ ॥

નારીસ્તનભર નાભીદેશં દૃષ્ટ્વા માગામોહાવેશમ્ । એતન્માંસવસાદિ વિકારં મનસિ વિચિન્તય વારં વારમ્ ॥ ૩ ॥

નલિનીદલગત જલમતિતરલં તદ્વજ્જીવિતમતિશયચપલમ્ । વિદ્ધિ વ્યાધ્યભિમાનગ્રસ્તં લોકં શોકહતં ચ સમસ્તમ્ ॥ ૪ ॥

યાવદ્વિત્તોપાર્જન સક્તઃ સ્તાવન્નિજ પરિવારો રક્તઃ । પશ્ચાજ્જીવતિ જર્જર દેહે વાર્તાં કોઽપિ ન પૃચ્છતિ ગેહે ॥ ૫ ॥

યાવત્પવનો નિવસતિ દેહે તાવત્પૃચ્છતિ કુશલં ગેહે । ગતવતિ વાયૌ દેહાપાયે ભાર્યા બિભ્યતિ તસ્મિન્કાયે ॥ ૬ ॥

બાલસ્તાવત્ક્રીડાસક્તઃ તરુણસ્તાવત્તરુણીસક્તઃ । વૃદ્ધસ્તાવચ્ચિન્તાસક્તઃ પરે બ્રહ્મણિ કોઽપિ ન સક્તઃ ॥ ૭ ॥

કાતે કાન્તા કસ્તે પુત્રઃ સંસારોઽયમતીવ વિચિત્રઃ । કસ્ય ત્વં કઃ કુત આયાતઃ તત્ત્વં ચિન્તય તદિહ ભ્રાતઃ ॥ ૮ ॥

સત્સંગત્વે નિસ્સ્ંગત્વં નિસ્સંગત્વે નિર્મોહત્વમ્ । નિર્મોહત્વે નિશ્ચલતત્ત્વં નિશ્ચલતત્ત્વે જીવન્મુક્તિઃ ॥ ૯ ॥

વયસિગતે કઃ કામવિકારઃ શુષ્કે નીરે કઃ કાસારઃ । ક્ષીણેવિત્તે કઃ પરિવારઃ જ્ઞાતે તત્ત્વે કઃ સંસારઃ ॥ ૧૦ ॥

મા કુરુ ધન જન યૌવન ગર્વં હરતિ નિમેષાત્કાલઃ સર્વમ્ । માયામયમિદમખિલં હિત્વા બ્રહ્મપદં ત્વં પ્રવિશ વિદિત્વા ॥ ૧૧ ॥

દિનયામિન્યૌ સાયં પ્રાતઃ શિશિરવસન્તૌ પુનરાયાતઃ । કાલઃ ક્રીડતિ ગચ્છત્યાયુઃ તદપિ ન મુંચત્યાશાવાયુઃ ॥ ૧૨ ॥

દ્વાદશમંજરિકાભિરશેષઃ કથિતો વૈયાકરણસ્યૈષઃ । ઉપદેશો ભૂદ્વિદ્યાનિપુણૈઃ શ્રીમચ્છન્કરભગવચ્છરણૈઃ ॥ ૧૨અ ॥

કાતે કાન્તા ધન ગતચિન્તા વાતુલ કિં તવ નાસ્તિ નિયન્તા । ત્રિજગતિ સજ્જનસં ગતિરૈકા ભવતિ ભવાર્ણવતરણે નૌકા ॥ ૧૩ ॥

જટિલો મુણ્ડી લુંછિતકેશઃ કાષાયામ્બરબહુકૃતવેષઃ । પશ્યન્નપિ ચન પશ્યતિ મૂઢઃ ઉદરનિમિત્તં બહુકૃતવેષઃ ॥ ૧૪ ॥

અંગં ગલિતં પલિતં મુણ્ડં દશનવિહીનં જતં તુણ્ડમ્ । વૃદ્ધો યાતિ ગૃહીત્વા દણ્ડં તદપિ ન મુંચત્યાશાપિણ્ડમ્ ॥ ૧૫ ॥

અગ્રે વહ્નિઃ પૃષ્ઠેભાનુઃ રાત્રૌ ચુબુકસમર્પિતજાનુઃ । કરતલભિક્ષસ્તરુતલવાસઃ તદપિ ન મુંચત્યાશાપાશઃ ॥ ૧૬ ॥

કુરુતે ગંગાસાગરગમનં વ્રતપરિપાલનમથવા દાનમ્ । જ્ઞાનવિહિનઃ સર્વમતેન મુક્તિં ન ભજતિ જન્મશતેન ॥ ૧૭ ॥

સુર મંદિર તરુ મૂલ નિવાસઃ શય્યા ભૂતલ મજિનં વાસઃ । સર્વ પરિગ્રહ ભોગ ત્યાગઃ કસ્ય સુખં ન કરોતિ વિરાગઃ ॥ ૧૮ ॥

યોગરતો વાભોગરતોવા સંગરતો વા સંગવીહિનઃ । યસ્ય બ્રહ્મણિ રમતે ચિત્તં નન્દતિ નન્દતિ નન્દત્યેવ ॥ ૧૯ ॥

ભગવદ્ ગીતા કિંચિદધીતા ગંગા જલલવ કણિકાપીતા । સકૃદપિ યેન મુરારિ સમર્ચા ક્રિયતે તસ્ય યમેન ન ચર્ચા ॥ ૨૦ ॥

પુનરપિ જનનં પુનરપિ મરણં પુનરપિ જનની જઠરે શયનમ્ । ઇહ સંસારે બહુદુસ્તારે કૃપયાઽપારે પાહિ મુરારે ॥ ૨૧ ॥

રથ્યા ચર્પટ વિરચિત કન્થઃ પુણ્યાપુણ્ય વિવર્જિત પન્થઃ । યોગી યોગનિયોજિત ચિત્તો રમતે બાલોન્મત્તવદેવ ॥ ૨૨ ॥

કસ્ત્વં કોઽહં કુત આયાતઃ કા મે જનની કો મે તાતઃ । ઇતિ પરિભાવય સર્વમસારમ્ વિશ્વં ત્યક્ત્વા સ્વપ્ન વિચારમ્ ॥ ૨૩ ॥

ત્વયિ મયિ ચાન્યત્રૈકો વિષ્ણુઃ વ્યર્થં કુપ્યસિ મય્યસહિષ્ણુઃ । ભવ સમચિત્તઃ સર્વત્ર ત્વં વાંછસ્યચિરાદ્યદિ વિષ્ણુત્વમ્ ॥ ૨૪ ॥

શત્રૌ મિત્રે પુત્રે બન્ધૌ મા કુરુ યત્નં વિગ્રહસન્ધૌ । સર્વસ્મિન્નપિ પશ્યાત્માનં સર્વત્રોત્સૃજ ભેદાજ્ઞાનમ્ ॥ ૨૫ ॥

કામં ક્રોધં લોભં મોહં ત્યક્ત્વાઽત્માનં ભાવય કોઽહમ્ । આત્મજ્ઞાન વિહીના મૂઢાઃ તે પચ્યન્તે નરકનિગૂઢાઃ ॥ ૨૬ ॥

ગેયં ગીતા નામ સહસ્રં ધ્યેયં શ્રીપતિ રૂપમજસ્રમ્ । નેયં સજ્જન સંગે ચિત્તં દેયં દીનજનાય ચ વિત્તમ્ ॥ ૨૭ ॥

સુખતઃ ક્રિયતે રામાભોગઃ પશ્ચાદ્ધન્ત શરીરે રોગઃ । યદ્યપિ લોકે મરણં શરણં તદપિ ન મુંચતિ પાપાચરણમ્ ॥ ૨૮ ॥

અર્થમનર્થં ભાવય નિત્યં નાસ્તિતતઃ સુખલેશઃ સત્યમ્ । પુત્રાદપિ ધન ભાજાં ભીતિઃ સર્વત્રૈષા વિહિઆ રીતિઃ ॥ ૨૯ ॥

પ્રાણાયામં પ્રત્યાહારં નિત્યાનિત્ય વિવેકવિચારમ્ । જાપ્યસમેત સમાધિવિધાનં કુર્વવધાનં મહદવધાનમ્ ॥ ૩૦ ॥

ગુરુચરણામ્બુજ નિર્ભર ભકતઃ સંસારાદચિરાદ્ભવ મુક્તઃ । સેન્દ્રિયમાનસ નિયમાદેવં દ્રક્ષ્યસિ નિજ હૃદયસ્થં દેવમ્ ॥ ૩૧ ॥

મૂઢઃ કશ્ચન વૈયાકરણો ડુકૃઞ્કરણાધ્યયન ધુરિણઃ । શ્રીમચ્છમ્કર ભગવચ્છિષ્યૈ બોધિત આસિચ્છોધિતકરણઃ ॥ ૩૨ ॥

ભજગોવિન્દં ભજગોવિન્દં ગોવિન્દં ભજમૂઢમતે । નામસ્મરણાદન્યમુપાયં નહિ પશ્યામો ભવતરણે ॥ ૩૩ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)