હોમ › વેદ મંત્રો › શ્રીમદાંજનેયાષ્ટોત્તરશતનામસ્તોત્રમ્

શ્રીમદાંજનેયાષ્ટોત્તરશતનામસ્તોત્રમ્

અષ્ટોત્તર શતનામ (108 નામ) · 25 શ્લોક

॥ શ્રીમદાંજનેયાષ્ટોત્તરશતનામસ્તોત્રમ્ કાલિકારહસ્યતઃ ॥

આંજનેયો મહાવીરો હનુમાન્મારુતાત્મજઃ । તત્વજ્ઞાનપ્રદઃ સીતાદેવીમુદ્રાપ્રદાયકઃ ॥ ૧ ॥

અશોકવનિકાચ્છેત્તા સર્વમાયાવિભંજનઃ । સર્વબન્ધવિમોક્તા ચ રક્ષોવિધ્વંસકારકઃ ॥ ૨ ॥

પરવિદ્યાપરીહારઃ પરશૌર્યવિનાશનઃ । પરમન્ત્રનિરાકર્તા પરયન્ત્રપ્રભેદકઃ ॥ ૩ ॥

સર્વગ્રહવિનાશી ચ ભીમસેનસહાયકૃત્ । સર્વદુઃખહરઃ સર્વલોકચારી મનોજવઃ ॥ ૪ ॥

પારિજાતદ્રુમૂલસ્થઃ સર્વમન્ત્રસ્વરૂપવાન્ । સર્વતન્ત્રસ્વરૂપી ચ સર્વયન્ત્રાત્મકસ્તથા ॥ ૫ ॥

કપીશ્વરો મહાકાયઃ સર્વરોગહરઃ પ્રભુઃ । બલસિદ્ધિકરઃ સર્વવિદ્યાસમ્પત્પ્રદાયકઃ ॥ ૬ ॥

કપિસેનાનાયકશ્ચ ભવિષ્યચ્ચતુરાનનઃ । કુમારબ્રહ્મચારી ચ રત્નકુણ્ડલદીપ્તિમાન્ ॥ ૭ ॥

સંચલદ્વાલસન્નદ્ધલમ્બમાનશિખોજ્જ્વલઃ । ગન્ધર્વવિદ્યાતત્ત્વજ્ઞો મહાબલપરાક્રમઃ ॥ ૮ ॥

કારાગૃહવિમોક્તા ચ શૃંખલાબન્ધમોચકઃ । સાગરોત્તારકઃ પ્રાજ્ઞો રામદૂતઃ પ્રતાપવાન્ ॥ ૯ ॥

વાનરઃ કેસરિસુતઃ સીતાશોકનિવારકઃ । અંજનાગર્ભસમ્ભૂતો બાલાર્કસદૃશાનનઃ ॥ ૧૦ ॥

વિભીષણપ્રિયકરો દશગ્રીવકુલાન્તકઃ । લક્ષ્મણપ્રાણદાતા ચ વજ્રકાયો મહાદ્યુતિઃ ॥ ૧૧ ॥

ચિરંજીવી રામભક્તો દૈત્યકાર્યવિઘાતકઃ । અક્ષહન્તા કાંચનાભઃ પંચવક્ત્રો મહાતપાઃ ॥ ૧૨ ॥

લંકિણીભંજનઃ શ્રીમાન્ સિંહિકાપ્રાણભંજનઃ । ગન્ધમાદનશૈલસ્થો લંકાપુરવિદાહકઃ ॥ ૧૩ ॥

સુગ્રીવસચિવો ધીરઃ શૂરો દૈત્યકુલાન્તકઃ । સુરાર્ચિતો મહાતેજા રામચૂડામણિપ્રદઃ ॥ ૧૪ ॥

કામરૂપી પિંગલાક્ષો વાર્ધિમૈનાકપૂજિતઃ । કબલીકૃતમાર્તણ્ડમણ્ડલો વિજિતેન્દિર્યઃ ॥ ૧૫ ॥

રામસુગ્રીવસન્ધાતા મહારાવણમર્દનઃ । સ્ફટિકાભો વાગધીશો નવવ્યાકૃતિપણ્ડિતઃ ॥ ૧૬ ॥

ચતુર્બાહુર્દીનબન્ધુર્મહાત્મા ભક્તવત્સલઃ । સંજીવનનગાહર્તા શુચિર્વાગ્મી દૃઢવ્રતઃ ॥ ૧૭ ॥

કાલનેમિપ્રમથનો હરિમર્કટમર્કટઃ । દાન્તઃ શાન્તઃ પ્રસન્નાત્મા શતકણ્ઠમદાપહૃત્ ॥ ૧૮ ॥

યોગી રામકથાલોલઃ સીતાન્વેષણપણ્ડિતઃ । વજ્રદંષ્ટ્રો વજ્રનખો રુદ્રવીર્યસમુદ્ભવઃ ॥ ૧૯ ॥

ઇન્દ્રજિત્પ્રહિતામોઘબ્રહ્માસ્ત્રવિનિવારકઃ । પાર્થધ્વજાગ્રસંવાસી શરપંજરભેદકઃ ॥ ૨૦ ॥

દશબાહુલોર્કપૂજ્યો જામ્બવત્પ્રીતિ વર્ધનઃ । સીતાસમેત શ્રીરામભદ્રપૂજાધુરન્ધરઃ ॥ ૨૧ ॥

ઇત્યેવં શ્રીહનુમતો નામ્નામષ્ટોત્તરં શતમ્ ॥

યઃ પઠેચ્છૃણુયાન્નિત્યં સર્વાન્કામાનવાપ્નુયાત્ ॥ ૨૨ ॥

॥ ઇતિ શ્રીમદાંજનેયાષ્ટોત્તરશતનામસ્તોત્રં સમ્પૂર્ણમ્ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)