બ્રહ્મમુરારિ સુરાર્ચિત લિંગમ્ નિર્મલભાસિતશોભિતલિંગમ્ । જન્મજદુઃખવિનાશકલિંગમ્ તત્પ્રણમામિ સદાશિવલિંગમ્ ॥ ૧ ॥
દેવમુનિપ્રવરાર્ચિતલિંગમ્ કામદહનકરુણાકરલિંગમ્ । રાવણદર્પવિનાશનલિંગમ્ તત્પ્રણમામિ સદાશિવલિંગમ્ ॥ ૨ ॥
સર્વસુગન્ધસુલેપિતલિંગમ્ બુદ્ધિવિવર્ધનકારણલિંગમ્ । સિદ્ધસુરાસુરવન્દિતલિંગમ્ તત્પ્રણમામિ સદાશિવલિંગમ્ ॥ ૩ ॥
કનકમહામણિભૂષિતલિંગમ્ ફણિપતિવેષ્ટિતશોભિતલિંગમ્ । દક્ષસુયજ્ઞવિનાશનલિંગમ્ તત્પ્રણમામિ સદાશિવલિંગમ્ ॥ ૪ ॥
કુંકુમચન્દનલેપિતલિંગમ્ પંકજહારસુશોભિતલિંગમ્ । સંચિતપાપવિનાશનલિંગમ્ તત્પ્રણમામિ સદાશિવલિંગમ્ ॥ ૫ ॥
દેવગણાર્ચિતસેવિતલિંગમ્ ભાવૈર્ભક્તિભિરેવ ચ લિંગમ્ । દિનકરકોટિપ્રભાકરલિંગમ્ તત્પ્રણમામિ સદાશિવલિંગમ્ ॥ ૬ ॥
અષ્ટદલોપરિવેષ્ટિતલિંગમ્ સર્વસમુદ્ભવકારણલિંગમ્ । અષ્ટદરિદ્રવિનાશનલિંગમ્ તત્પ્રણમામિ સદાશિવલિંગમ્ ॥ ૭ ॥
સુરગુરુસુરવરપૂજિતલિંગમ્ સુરવનપુષ્પસદાર્ચિતલિંગમ્ । પરાત્પરં પરમાત્મકલિંગં તત્પ્રણમામિ સદાશિવલિંગમ્ ॥ ૮ ॥
લિંગાષ્ટકમિદં પુણ્યં યઃ પઠેશ્શિવ સન્નિધૌ । શિવલોકમવાપ્નોતિ શિવેન સહ મોદતે ॥
સ્રોત: Wikisource · CC BY-SA 4.0