હોમ › વેદ મંત્રો › નવગ્રહસ્તોત્રમ્

નવગ્રહસ્તોત્રમ્

સ્તોત્રો · 24 શ્લોક

॥ અથ નવગ્રહસ્તોત્રમ્ ॥

॥ રવિઃ ॥

જપાકુસુમસંકાશં કાશ્યપેયં મહાદ્યુતિમ્। તમોઽરિં સર્વપાપઘ્નં પ્રણતોઽસ્મિ દિવાકરમ્॥ ૧ ॥

॥ સોમઃ ॥

દધિશંખતુષારાભં ક્ષીરોદાર્ણવસમ્ભવમ્। નમામિ શશિનં સોમં શમ્ભોર્મુકુટભૂષણમ્॥ ૨ ॥

॥ મંગલઃ ॥

ધરણીગર્ભસમ્ભૂતં વિદ્યુત્કાન્તિસમપ્રભમ્। કુમારં શક્તિહસ્તં તં મંગલં પ્રણમામ્યહમ્॥ ૩ ॥

॥ બુધઃ ॥

પ્રિયંગુકલિકાશ્યામં રૂપેણાપ્રતિમં બુધમ્। સૌમ્યં સૌમ્યગુણોપેતં તં બુધં પ્રણમામ્યહમ્॥ ૪ ॥

॥ ગુરુઃ ॥

દેવાનાં ચ ઋષીણાં ચ ગુરું કાંચનસન્નિભમ્। બુદ્ધિભૂતં ત્રિલોકેશં તં નમામિ બૃહસ્પતિમ્॥ ૫ ॥

॥ શુક્રઃ ॥

હિમકુન્દમૃણાલાભં દૈત્યાનાં પરમં ગુરુમ્। સર્વશાસ્ત્રપ્રવક્તારં ભાર્ગવં પ્રણમામ્યહમ્॥ ૬ ॥

॥ શનિઃ ॥

નીલાંજનસમાભાસં રવિપુત્રં યમાગ્રજમ્। છાયામાર્તણ્ડસમ્ભૂતં તં નમામિ શનૈશ્ચરમ્॥ ૭ ॥

॥ રાહુઃ ॥

અર્ધકાયં મહાવીર્યં ચન્દ્રાદિત્યવિમર્દનમ્। સિંહિકાગર્ભસંભૂતં તં રાહું પ્રણમામ્યહમ્॥ ૮ ॥

॥ કેતુઃ ॥

પલાશપુષ્પસંકાશં તારકાગ્રહમસ્તકમ્। રૌદ્રં રૌદ્રાત્મકં ઘોરં તં કેતું પ્રણમામ્યહમ્॥ ૯ ॥

॥ ફલશ્રુતિઃ ॥

ઇતિ વ્યાસમુખોદ્ગીતં યઃ પઠેત્સુસમાહિતઃ। દિવા વા યદિ વા રાત્રૌ વિઘ્નશાન્તિર્ભવિષ્યતિ॥

નરનારીનૃપાણાં ચ ભવેદ્દુઃસ્વપ્નનાશનમ્। ઐશ્વર્યમતુલં તેષામારોગ્યં પુષ્ટિવર્ધનમ્॥

ગ્રહનક્ષત્રજાઃ પીડાસ્તસ્કરાગ્નિસમુદ્ભવાઃ। તાઃ સર્વાઃ પ્રશમં યાન્તિ વ્યાસો બ્રૂતે ન સંશયઃ॥

॥ ઇતિ શ્રીવ્યાસવિરચિતમ્ આદિત્યાદિનવગ્રહસ્તોત્રં સમ્પૂર્ણમ્ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)