શ્રીરામાષ્ટોત્તરશતનામસ્તોત્રમ્
અષ્ટોત્તર શતનામ (108 નામ) · 21 શ્લોક
શ્રીરાઘવં દશરથાત્મજમપ્રમેયં સીતાપતિં રઘુકુલાન્વયરત્નદીપમ્ । આજાનુબાહુમરવિન્દદલાયતાક્ષં રામં નિશાચરવિનાશકરં નમામિ ॥
વૈદેહીસહિતં સુરદ્રુમતલે હૈમે મહામણ્ડપે મધ્યે પુષ્પકમાસને મણિમયે વીરાસને સુસ્થિતમ્ । અગ્રે વાચયતિ પ્રભંજનસુતે તત્ત્વં મુનિભ્યઃ પરં વ્યાખ્યાન્તં ભરતાદિભિઃ પરિવૃતં રામં ભજે શ્યામલમ્ ॥
શ્રીરામો રામભદ્રશ્ચ રામચન્દ્રશ્ચ શાશ્વતઃ । રાજીવલોચનઃ શ્રીમાન્ રાજેન્દ્રો રઘુપુંગવઃ ॥ ૧ ॥
જાનકીવલ્લભો જૈત્રો જિતામિત્રો જનાર્દનઃ । વિશ્વામિત્રપ્રિયો દાન્તઃ શત્રુજિચ્છત્રુતાપનઃ ॥ ૨ ॥
વાલિપ્રમથનો વાગ્મી સત્યવાક્ સત્યવિક્રમઃ । સત્યવ્રતો વ્રતધરઃ સદા હનુમદાશ્રિતઃ ॥ ૩ ॥
કૌસલેયઃ ખરધ્વંસી વિરાધવધપણ્ડિતઃ । વિભીષણપરિત્રાતા હરકોદણ્ડખણ્ડનઃ ॥ ૪ ॥
સપ્તતાલપ્રભેત્તા ચ દશગ્રીવશિરોહરઃ । જામદગ્ન્યમહાદર્પદલનસ્તાટકાન્તકઃ ॥ ૫ ॥
વેદાન્તસારો વેદાત્મા ભવરોગસ્ય ભેષજમ્ । દૂષણત્રિશિરો હન્તા ત્રિમૂર્તિસ્ત્રિગુણાત્મકઃ ॥ ૬ ॥
ત્રિવિક્રમસ્ત્રિલોકાત્મા પુણ્યચારિત્રકીર્તનઃ । ત્રિલોકરક્ષકો ધન્વી દણ્ડકારણ્યપાવનઃ ॥ ૭ ॥
અહલ્યાશાપશમનઃ પિતૃભક્તો વરપ્રદઃ । જિતેન્દ્રિયો જિતક્રોધો જિતામિત્રો જગદ્ગુરુઃ ॥ ૮ ॥
ઋક્ષવાનરસંઘાતી ચિત્રકૂટસમાશ્રયઃ । જયન્તત્રાણવરદઃ સુમિત્રાપુત્રસેવિતઃ ॥ ૯ ॥
સર્વદેવાદિદેવશ્ચ મૃતવાનરજીવનઃ । માયામારીચહન્તા ચ મહાદેવો મહાભુજઃ ॥ ૧૦ ॥
સર્વદેવસ્તુતઃ સૌમ્યો બ્રહ્મણ્યો મુનિસંસ્તુતઃ । મહાયોગી મહોદારઃ સુગ્રીવેપ્સિતરાજ્યદઃ ॥ ૧૧ ॥
સર્વપુણ્યાધિકફલઃ સ્મૃતસર્વાઘનાશનઃ । આદિદેવો મહાદેવો મહાપૂરુષ એવ ચ ॥ ૧૨ ॥
પુણ્યોદયો દયાસારઃ પુરાણપુરુષોત્તમઃ । સ્મિતવક્ત્રો મિતાભાષી પૂર્વભાષી ચ રાઘવઃ ॥ ૧૩ ॥
અનન્તગુણગમ્ભીરો ધીરોદાત્તગુણોત્તમઃ । માયામાનુષચારિત્રો મહાદેવાદિપૂજિતઃ ॥ ૧૪ ॥
સેતુકૃજ્જિતવારીશઃ સર્વતીર્થમયો હરિઃ । શ્યામાંગઃ સુન્દરઃ શૂરઃ પીતવાસા ધનુર્ધરઃ ॥ ૧૫ ॥
સર્વયઙ્ય઼ાધિપો યજ્વા જરામરણવર્જિતઃ । શિવલિંગપ્રતિષ્ઠાતા સર્વાવગુણવર્જિતઃ ॥ ૧૬ ॥
પરમાત્મા પરં બ્રહ્મ સચ્ચિદાનન્દવિગ્રહઃ । પરં જ્યોતિઃ પરંધામ પરાકાશઃ પરાત્પરઃ ॥ ૧૭ ॥
પરેશઃ પારગઃ પારઃ સર્વદેવાત્મકઃ પરઃ ॥
॥ ઇતિ શ્રીરામાષ્ટોત્તરશતનામસ્તોત્રં સમ્પૂર્ણમ્ ॥
સ્રોત: Wikisource · CC BY-SA 4.0