હોમ › વેદ મંત્રો › શ્રીરામરક્ષાસ્તોત્રમ્

શ્રીરામરક્ષાસ્તોત્રમ્

સ્તોત્રો · 45 શ્લોક

અસ્ય શ્રીરામરક્ષાસ્તોત્રમન્ત્રસ્ય । બુધકૌશિકઋષિઃ । શ્રીસીતારામચન્દ્રો દેવતા । અનુષ્ટુપ્ છ્ન્દઃ । સીતા શક્તિઃ । શ્રીમદ્ હનુમાન્ કીલકમ્ । શ્રીરામચન્દ્રપ્રીત્યર્થે જપે વિનિયોગઃ । અથ ધ્યાનમ્ । ધ્યાયેદાજાનુબાહું ધૃતશરધનુષં । બદ્ધપદ્માસનસ્થમ્ । પીતં વાસો વસાનં નવકમલદલસ્પર્ધિનેત્રં પ્રસન્નમ્ । વામાંકારૂઢસીતામુખકમલમિલલ્લોચનં નીરદાભમ્ । નાનાલંકારદીપ્તં દધતમુરુજટામણ્ડનં રામચન્દ્રમ્ ॥

ઇતિ ધ્યાનમ્ । ચરિતં રઘુનાથસ્ય શતકોટિપ્રવિસ્તરમ્ । એકૈકમક્ષરં પુંસાં મહાપાતકનાશનમ્ ॥ ૧ ॥

ધ્યાત્વા નીલોત્પલશ્યામં રામં રાજીવલોચનમ્ । જાનકીલક્ષ્મણોપેતં જટામુકુટમણ્ડિતમ્ ॥ ૨ ॥

સાસિતૂણધનુર્બાણપાણિં નક્તંચરાન્તકમ્ । સ્વલીલયા જગત્ત્રાતુમાવિર્ભૂતમજં વિભુમ્ ॥ ૩ ॥

રામરક્ષામ્ પઠેત્ પ્રાજ્ઞઃ પાપઘ્નીં સર્વકામદામ્ । શિરો મે રાઘવઃ પાતુ ભાલં દશરથાત્મજઃ ॥ ૪ ॥

કૌસલ્યેયો દૃશૌ પાતુ વિશ્વામિત્રપ્રિયઃ શ્રુતી । ઘ્રાણં પાતુ મખત્રાતા મુખં સૌમિત્રિવત્સલઃ ॥ ૫ ॥

જિહ્વાં વિદ્યાનિધિઃ પાતુ કણ્ઠં ભરતવન્દિતઃ । સ્કન્ધૌ દિવ્યાયુધઃ પાતુ ભુજૌ ભગ્નેશકાર્મુકઃ ॥ ૬ ॥

કરૌ સીતાપતિઃ પાતુ હૃદયં જામદગ્ન્યજિત્ । મધ્યં પાતુ ખરધ્વંસી નાભિં જામ્બવદાશ્રયઃ ॥ ૭ ॥

સુગ્રીવેશઃ કટી પાતુ સક્થિની હનુમત્પ્રભુઃ । ઊરૂ રઘૂત્તમઃ પાતુ રક્ષઃકુલવિનાશકૃત્ ॥ ૮ ॥

જાનુની સેતુકૃત્ પાતુ જંઘે દશમુખાન્તકઃ । પાદૌ વિભીષણશ્રીદઃ પાતુ રામોઽખિલં વપુઃ ॥ ૯ ॥

એતાં રામબલોપેતાં રક્ષાં યઃ સુકૃતી પઠેત્ । સ ચિરાયુઃ સુખી પુત્રી વિજયી વિનયી ભવેત્ ॥ ૧૦ ॥

પાતાલભૂતલવ્યોમ ચારિણશ્છદ્મચારિણઃ । ન દ્રષ્ટુમપિ શક્તાસ્તે રક્ષિતં રામનામભિઃ ॥ ૧૧ ॥

રામેતિ રામભદ્રેતિ રામચન્દ્રેતિ વા સ્મરન્ । નરો ન લિપ્યતે પાપૈર્ભુક્તિં મુક્તિં ચ વિન્દતિ ॥ ૧૨ ॥

જગજ્જૈત્રેકમન્ત્રેણ રામનામ્નાભિરક્ષિતમ્ । યઃ કન્ઠે ધારયેત્તસ્ય કરસ્થાઃ સર્વસિધ્દયઃ ॥ ૧૩ ॥

વજ્રપંજરનામેદમં યો રામકવચં સ્મરેત્ । અવ્યાહતાજ્ઞઃ સર્વત્ર લભતે જયમંગલમ્ ॥ ૧૪ ॥

આદિષ્ટવાન્ યથા સ્વપ્ને રામરક્ષામિમાં હરઃ । તથા લિખિતવાન્ પ્રાતઃ પ્રબુદ્ધો બુધકૌશિકઃ ॥ ૧૫ ॥

આરામઃ કલ્પવૃક્ષાણાં વિરામઃ સકલાપદામ્ । અભિરામસ્ત્રિલોકાનાં રામઃ શ્રીમાન્ સ નઃ પ્રભુઃ ॥ ૧૬ ॥

તરુણૌ રૂપસંપન્નૌ સુકુમારૌ મહાબલૌ । પુણ્ડરીક વિશાલાક્ષૌ ચીરકૃષ્ણાજિનામ્બરૌ ॥ ૧૭ ॥

ફલમૂલાશિનૌ દાન્તૌ તાપસૌ બ્રહ્મચારિણૌ । પુત્રૌ દશરથસ્યૈતૌ ભ્રાતરૌ રામલક્ષ્મણૌ ॥ ૧૮ ॥

શરણ્યૌ સર્વસત્વાનાં શ્રેષ્ઠૌ સર્વધનુષ્મતામ્ । રક્ષઃ કુલનિહન્તારૌ ત્રાયેતાં નો રઘૂત્તમૌ ॥ ૧૯ ॥

આત્તસજ્જધનુષાવિષુસ્પૃશાવક્ષયાશુગનિષંગસંગિનૌ । રક્ષણાય મમ્ રામલક્ષ્મણાવગ્રતઃ પથિ સદૈવ ગચ્છતામ્ ॥ ૨૦ ॥

સંનદ્ધઃ કવચી ખડ્ગી ચાપબાણધરો યુવા । ગચ્છન્ મનોરથોઽસ્માકં રામઃ પાતુ સલક્ષ્મણઃ ॥ ૨૧ ॥

રામો દાશરથિઃ શૂરો લક્ષ્મણાનુચરો બલી । કાકુત્સ્થઃ પુરુષઃ પૂર્ણઃ કૌસલ્યેયો રઘૂત્તમઃ ॥ ૨૨ ॥

વેદાન્તવેદ્યો યજ્ઞેશઃ પુરાણપુરુષોત્તમઃ । જાનકીવલ્લભઃ શ્રીમાનપ્રમેયપરાક્રમઃ ॥ ૨૩ ॥

ઇત્યેતાનિ જપેન્નિત્યં મદ્ભક્તઃ શ્રદ્ધયાન્વિતઃ । અશ્વમેધાધિકં પુણ્યં સમ્પ્રાપ્નોતિ ન સંશયઃ ॥ ૨૪ ॥

રામંદૂર્વાદલશ્યામં પદ્માક્ષં પીતવાસસમ્ । સ્તુવન્તિ નામભિર્દિવ્યૈર્ન તે સંસારિણો નરઃ ॥ ૨૫ ॥

રામં લક્ષ્મણપૂર્વજમ્ રઘુવરં સીતાપતિં સુન્દરમ્ । કાકુત્સ્થં કરુણાર્ણવં ગુણનિધિં વિપ્રપ્રિયં ધાર્મિકમ્ ॥

રાજેન્દ્રં સત્યસન્ધં દશરથતનયં શ્યામલં શાન્તમૂર્તિમ્ । વન્દે લોકાભિરામં રઘુકુલતિલકમ્ રાઘવં રાવણારિમ્ ॥ ૨૬ ॥

રામાય રામભદ્રાય રામચન્દ્રાય વેધસે । રઘુનાથાય નાથાય સીતાયાઃ પતયે નમઃ ॥ ૨૭ ॥

શ્રીરામ રામ રઘુનન્દન રામ રામ । શ્રીરામ રામ ભરતાગ્રજ રામ રામ ॥

શ્રીરામ રામ રણકર્કશ રામ રામ । શ્રીરામ રામ શરણં ભવ રામ રામ ॥ ૨૮ ॥

શ્રીરામચન્દ્રચરણૌ મનસા સ્મરામિ । શ્રીરામચન્દ્રચરણૌ વચસા ગૃણામિ ॥

શ્રીરામચન્દ્રચરણૌ શિરસા નમામિ । શ્રીરામચન્દ્રચરણૌ શરણં પ્રપદ્યે ॥ ૨૯ ॥

માતા રામો મત્પિતા રામચન્દ્રઃ । સ્વામી રામો મત્સખા રામચન્દ્રઃ ॥

સર્વસ્વં મે રામચન્દ્રો દયાલુઃ । નાન્યં જાને નૈવ જાને ન જાને ॥ ૩૦ ॥

દક્ષિણે લક્ષ્મણો યસ્ય વામે તુ જનકાત્મજા । પુરતો મારુતિર્યસ્ય તં વન્દે રઘુનન્દનમ્ ॥ ૩૧ ॥

લોકાભિરામં રણરંગધીરં રાજીવનેત્રં રઘુવંશનાથમ્ । કારુણ્યરૂપં કરુણાકરં તં શ્રીરામચન્દ્રં શરણં પ્રપદ્યે ॥ ૩૨ ॥

મનોજવં મારુતતુલ્યવેગં જિતેન્દ્રિયં બુદ્ધિમતાં વરિષ્ઠમ્ । વાતાત્મજં વાનરયૂથમુખ્યં શ્રીરામદૂતં શરણં પ્રપદ્યે ॥ ૩૩ ॥

કૂજન્તં રામરામેતિ મધુરં મધુરાક્ષરમ્ । આરુહ્ય કવિતાશાખાં વન્દે વાલ્મીકિકોકિલમ્ ॥ ૩૪ ॥

આપદામપહર્તારં દાતારં સર્વસંપદામ્ । લોકાભિરામં શ્રીરામં ભૂયો ભૂયો નમામ્યહમ્ ॥ ૩૫ ॥

ભર્જનં ભવબીજાનામર્જનં સુખસંપદામ્ । તર્જનં યમદૂતાનાં રામરામેતિ ગર્જનમ્ ॥ ૩૬ ॥

રામો રાજમણિઃ સદા વિજયતે રામં રમેશં ભજે । રામેણાભિહતા નિશાચરચમૂ રામાય તસ્મૈ નમઃ ॥

રામાન્નાસ્તિ પરાયણં પરતરં રામસ્ય દાસોઽસ્મ્યહમ્ । રામે ચિત્તલયઃ સદા ભવતુ મે ભો રામ મામુદ્ધર ॥ ૩૭ ॥

રામરામેતિ રામેતિ રમે રામે મનોરમે । સહસ્ત્રનામતત્તુલ્યં રામનામ વરાનને ॥ ૩૮ ॥

ઇતિ શ્રીબુધકૌશિકવિરચિતં શ્રીરામરક્ષાસ્ત્રોત્રં સમ્પૂર્ણમ્ ।

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)