॥ઋણવિમોચનગણેશસ્તોત્રમ્॥
સિન્દૂરવર્ણં દ્વિભુજં ગણેશં લમ્બોદરં પદ્મદલે નિવિષ્ટમ્। બ્રહ્માદિદેવૈઃ પરિસેવ્યમાનં સિદ્ધૈર્યુતં તં પ્રણમામિ દેવમ્॥
સૃષ્ટ્યાદૌ બ્રહ્મણા સમ્યક્ પૂજિતઃ ફલસિદ્ધયે। સદૈવ પાર્વતીપુત્રઃ ઋણનાશં કરોતુ મે॥ ૧ ॥
ત્રિપુરસ્ય વધાત્પૂર્વં શમ્ભુના સમ્યગર્ચિતઃ। સદૈવ પાર્વતીપુત્રઃ ઋણનાશં કરોતુ મે॥ ૨ ॥
હિરણ્યકશ્યપાદીનાં વધાર્થે વિષ્ણુનાર્ચિતઃ। સદૈવ પાર્વતીપુત્રઃ ઋણનાશં કરોતુ મે॥ ૩ ॥
મહિષસ્ય વધે દેવ્યા ગણનાથઃ પ્રપૂજિતઃ। સદૈવ પાર્વતીપુત્રઃ ઋણનાશં કરોતુ મે॥ ૪ ॥
તારકસ્ય વધાત્પૂર્વં કુમારેણ પ્રપૂજિતઃ। સદૈવ પાર્વતીપુત્રઃ ઋણનાશં કરોતુ મે॥ ૫ ॥
ભાસ્કરેણ ગણેશો હિ પૂજિતશ્છવિસિદ્ધયે। સદૈવ પાર્વતીપુત્રઃ ઋણનાશં કરોતુ મે॥ ૬ ॥
શશિના કાન્તિવૃદ્ધ્યર્થં પૂજિતો ગણનાયકઃ। સદૈવ પાર્વતીપુત્રઃ ઋણનાશં કરોતુ મે॥ ૭ ॥
પાલનાય ચ તપસાં વિશ્વામિત્રેણ પૂજિતઃ। સદૈવ પાર્વતીપુત્રઃ ઋણનાશં કરોતુ મે॥ ૮ ॥
ઇદં ત્વૃણહરં સ્તોત્રં તીવ્રદારિદ્ર્યનાશનમ્। એકવારં પઠેન્નિત્યં વર્ષમેકં સમાહિતઃ॥ દારિદ્ર્યં દારુણં ત્યક્ત્વા કુબેરસમતાં વ્રજેત્॥ ૯ ॥
॥ ઇતિ શ્રીકૃષ્ણયામલતન્ત્રે ઉમામહેશ્વરસંવાદે ઋણવિમોચનગણેશસ્તોત્રં સમ્પૂર્ણમ્ ॥
સ્રોત: Wikisource · CC BY-SA 4.0