હોમ › વેદ મંત્રો › સંકટનાશનગણેશસ્તોત્રમ્

સંકટનાશનગણેશસ્તોત્રમ્

સ્તોત્રો · 10 શ્લોક

॥સંકટનાશનગણેશસ્તોત્રમ્॥

નારદ ઉવાચ — પ્રણમ્ય શિરસા દેવં ગૌરીપુત્રં વિનાયકમ્। ભક્તાવાસં સ્મરેન્નિત્યમાયુઃકામાર્થસિદ્ધયે॥ ૧ ॥

પ્રથમં વક્રતુણ્ડં ચ એકદન્તં દ્વિતીયકમ્। તૃતીયં કૃષ્ણપિંગાક્ષં ગજવક્ત્રં ચતુર્થકમ્॥ ૨ ॥

લમ્બોદરં પંચમં ચ ષષ્ઠં વિકટમેવ ચ। સપ્તમં વિઘ્નરાજં ચ ધૂમ્રવર્ણં તથાષ્ટમમ્॥ ૩ ॥

નવમં ભાલચન્દ્રં ચ દશમં તુ વિનાયકમ્। એકાદશં ગણપતિં દ્વાદશં તુ ગજાનનમ્॥ ૪ ॥

દ્વાદશૈતાનિ નામાનિ ત્રિસન્ધ્યં યઃ પઠેન્નરઃ। ન ચ વિઘ્નભયં તસ્ય સર્વસિદ્ધિકરં પ્રભો॥ ૫ ॥

વિદ્યાર્થી લભતે વિદ્યાં ધનાર્થી લભતે ધનમ્। પુત્રાર્થી લભતે પુત્રાન્મોક્ષાર્થી લભતે ગતિમ્॥ ૬ ॥

જપેદ્ગણપતિસ્તોત્રં ષડ્ભિર્માસૈઃ ફલં લભેત્। સંવત્સરેણ સિદ્ધિં ચ લભતે નાત્ર સંશયઃ॥ ૭ ॥

અષ્ટભ્યો બ્રાહ્મણેભ્યશ્ચ લિખિત્વા યઃ સમર્પયેત્। તસ્ય વિદ્યા ભવેત્સર્વા ગણેશસ્ય પ્રસાદતઃ॥ ૮ ॥

॥ ઇતિ શ્રીનારદપુરાણે સંકટનાશનં નામ ગણેશસ્તોત્રં સમ્પૂર્ણમ્ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)