હોમ › વેદ મંત્રો › શ્રીશિવાષ્ટોત્તરશતનામસ્તોત્રમ્

શ્રીશિવાષ્ટોત્તરશતનામસ્તોત્રમ્

અષ્ટોત્તર શતનામ (108 નામ) · 16 શ્લોક

॥ શ્રીશિવાષ્ટોત્તરશતનામસ્તોત્રમ્ ॥

શિવો મહેશ્વરશ્શંભુઃ પિનાકી શશિશેખરઃ । વામદેવો વિરૂપાક્ષઃ કપર્દી નીલલોહિતઃ ॥ ૧

શંકરશ્શૂલપાણિશ્ચ ખટ્વાંગી વિષ્ણુવલ્લભઃ । શિપિવિષ્ટોંઽબિકાનાથઃ શ્રીકણ્ઠો ભક્તવત્સલઃ ॥૨

ભવશ્શર્વસ્ત્રિલોકેશશ્શિતિકણ્ઠશ્શિવાપ્રિયઃ । ઉગ્રઃ કપાલી કામારિરન્ધકાસુરસૂદનઃ ॥૩

ગંગાધરો લલાટાક્ષઃ કાલકાલઃ કૃપાનિધિઃ। ભીમઃ પરશુહસ્તશ્ચ મૃગપાણિર્જટાધરઃ ॥૪

કૈલાસવાસી કવચી કઠોરસ્ત્રિપુરાન્તકઃ। વૃષાંકો વૃષભારૂઢો ભસ્મોદ્ધૂળિતવિગ્રહઃ ॥

સામપ્રિયસ્વરમયસ્ત્રયીમૂર્તિરનીશ્વરઃ । સર્વજ્ઞઃ પરમાત્મા ચ સોમસૂર્યાગ્નિલોચનઃ ॥

હવિર્યજ્ઞમયસ્સોમઃ પંચવક્ત્રસદાશિવઃ । વિશ્વેશ્વરો વીરભદ્રો ગણનાથઃ પ્રજાપતિઃ ॥

હિરણ્યરેતા દુર્ધર્ષો ગિરીશો ગિરિશોઽનઘઃ । ભુજંગભૂષણો ભર્ગો ગિરિધન્વા ગિરિપ્રિયઃ॥

કૃત્તિવાસાઃ પુરારાતિર્ભગવાન્ પ્રમથાધિપઃ । મૃત્યુંજયસ્સૂક્ષ્મતનુર્જગદ્વ્યાપી જગદ્ગુરુઃ ॥

વ્યોમકેશો મહાસેનજનકશ્વારુવિક્રમઃ । રુદ્રો ભૂતપતિઃ સ્થાણુરહિર્બુધ્ન્યો દિગમ્બરઃ ॥

અષ્ટમૂર્તિરનેકાત્મા સાત્ત્વિકશ્શુદ્ધવિગ્રહઃ । શાશ્વતઃ ખણ્ડપરશુરજઃ પાશવિમોચકઃ ॥

મૃડઃ પશુપતિર્દેવો મહાદેવોઽવ્યયો હરિઃ । પૂષદન્તભિદવ્યગ્રો દક્ષાધ્વરહરો હરઃ ॥

ભગનેત્રભિદવ્યક્તસ્સહસ્રાક્ષસ્સહસ્રપાત્ । અપવર્ગપ્રદોઽનન્તસ્તારકઃ પરમેશ્વરઃ ॥

એવં શ્રીશંભુદેવસ્ય નામ્નામષ્ટોત્તરં શતમ્ ॥

॥શ્રીશિવાષ્ટોત્તરશતનામસ્તોત્રં સમાપ્તમ્ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)