હોમ › વેદ મંત્રો › શિવતાણ્ડવસ્તોત્રમ્

શિવતાણ્ડવસ્તોત્રમ્

સ્તોત્રો · 20 શ્લોક

॥અથ સુસંશુદ્ધં રાવણકૃતશિવતાણ્ડવસ્તોત્રમ્॥

॥શ્રીગણેશાય નમઃ॥

જટાઽટવીગલજ્જલપ્રવાહપાવિતસ્થલે ગલેઽવલમ્બ્ય લમ્બિતાં ભુજંગતુંગમાલિકામ્। ડમડ્ડમડ્ડમડ્ડમન્નિનાદવડ્ડમર્વયં ચકાર ચણ્ડતાણ્ડવં તનોતુ નઃ શિવઃ શિવમ્ ॥ ૧ ॥

જટાકટાહસમ્ભ્રમભ્રમન્નિલિમ્પનિર્ઝરીવિલોલવીચિવલ્લરીવિરાજમાનમૂર્દ્ધનિ। ધગદ્ધગદ્ધગજ્જ્વલલ્લલાટપટ્ટપાવકે કિશોરચન્દ્રશેખરે રતિઃ પ્રતિક્ષણં મમ ॥ ૨ ॥

ધરાધરેન્દ્રનન્દિનીવિલાસબન્ધુબન્ધુરસ્ફુરદ્દિગન્તસન્તતિપ્રમોદમાનમાનસે। કૃપાકટાક્ષધોરણીનિરુદ્ધદુર્ધરાપદિ ક્વચિદ્દિગમ્બરે મનો વિનોદમેતુ વસ્તુનિ ॥ ૩ ॥

જટાભુજંગપિંગલસ્ફુરત્ફણામણિપ્રભાકદમ્બકુંકુમદ્રવપ્રલિપ્તદિગ્વધૂમુખે। મદાન્ધસિન્ધુરાસુરત્વગુત્તરીયમેદુરે મનો વિનોદમદ્ભુતં બિભર્તુ ભૂતભર્તરિ ॥ ૪ ॥

સહસ્રલોચનપ્રભૃત્યશેષલેખશેખરપ્રસૂનધૂલિધોરણીવિધૂસરાંઘ્રિપીઠભૂઃ। ભુજંગરાજમાલયા નિબદ્ધજાટજૂટકઃ શ્રિયે ચિરાય જાયતાં ચકોરબન્ધુશેખરઃ ॥ ૫ ॥

લલાટચત્વરજ્વલદ્ધનંજયસ્ફુલિંગભાનિપીતપંચસાયકં નમન્નિલિમ્પનાયકમ્। સુધામયૂખલેખયા વિરાજમાનશેખરં મહઃ કપાલિ સમ્પદે સરિજ્જટાલમસ્તુ નઃ ॥ ૬ ॥

કરાલભાલપટ્ટિકાધગદ્ધગદ્ધગજ્જ્વલદ્ધનંજયાહુતીકૃતપ્રચણ્ડપંચસાયકે। ધરાધરેન્દ્રનન્દિનીકુચાગ્રચિત્રપત્રકપ્રકલ્પનૈકશિલ્પિનિ ત્રિલોચને રતિર્મમ ॥ ૭ ॥

નવીનમેઘમણ્ડલીનિરુદ્ધદુર્ધરસ્ફુરત્કુહૂનિશીથિનીતમઃપ્રબન્ધબદ્ધકન્ધરઃ। નિલિમ્પનિર્ઝરીધરસ્તનોતુ કૃત્તિસિન્ધુરઃ કલાનિધાનબન્ધુરઃ શ્રિયં જગદ્ધુરન્ધરઃ ॥ ૮ ॥

પ્રફુલ્લનીલપંકજપ્રપંચકાલિમપ્રભાઽવલમ્બિકણ્ઠકન્દલીરુચિપ્રબદ્ધકન્ધરમ્। સ્મરચ્છિદં પુરચ્છિદં ભવચ્છિદં મખચ્છિદં ગજચ્છિદાન્ધકચ્છિદં તમન્તકચ્છિદં ભજે ॥ ૯ ॥

અખર્વસર્વમંગલાકલાકદમ્બમંજરીરસપ્રવાહમાધુરીવિજૃમ્ભણામધુવ્રતમ્। સ્મરાન્તકં પુરાન્તકં ભવાન્તકં મખાન્તકં ગજાન્તકાન્ધકાન્તકં તમન્તકાન્તકં ભજે ॥ ૧૦ ॥

જયત્વદભ્રવિભ્રમભ્રમદ્ભુજંગમશ્વસદ્વિનિર્ગમત્ક્રમસ્ફુરત્કરાલભાલહવ્યવાટ્। ધિમિદ્ધિમિદ્ધિમિદ્ધ્વનન્મૃદંગતુંગમંગલધ્વનિક્રમપ્રવર્તિતપ્રચણ્ડતાણ્ડવઃ શિવઃ ॥ ૧૧ ॥

દૃષદ્વિચિત્રતલ્પયોર્ભુજંગમૌક્તિકસ્રજોર્ગરિષ્ઠરત્નલોષ્ઠયોઃ સુહૃદ્વિપક્ષપક્ષયોઃ। તૃણારવિન્દચક્ષુષોઃ પ્રજામહીમહેન્દ્રયોઃ સમપ્રવૃત્તિકઃ કદા સદાશિવં ભજામ્યહમ્ ॥ ૧૨ ॥

કદા નિલિમ્પનિર્ઝરીનિકુંજકોટરે વસન્ વિમુક્તદુર્મતિઃ સદા શિરઃસ્થમંજલિં વહન્। વિમુક્તલોલલોચનાલલામભાલલગ્નકં શિવેતિ મન્ત્રમુચ્ચરન્ કદા સુખી ભવામ્યહમ્ ॥ ૧૩ ॥

નિલિમ્પનાથનાગરીકદમ્બમૌલમલ્લિકાનિગુમ્ફનિર્ભરક્ષરન્મધૂષ્ણિકામનોહરઃ। તનોતુ નો મનોમુદં વિનોદિનીમહર્નિશં પરશ્રિયઃ પરં પદં તદંગજત્વિષાં ચયઃ ॥ ૧૪ ॥

પ્રચણ્ડવાડવાનલપ્રભાશુભપ્રચારણી મહાષ્ટસિદ્ધિકામિનીજનાઽવહૂતજલ્પના। વિમુક્તવામલોચનાવિવાહકાલિકધ્વનિઃ શિવેતિ મન્ત્રભૂષણા જગજ્જયાય જાયતામ્ ॥ ૧૫ ॥

ઇમં હિ નિત્યમેવમુક્તમુત્તમોત્તમં સ્તવં પઠન્સ્મરન્બ્રુવન્નરો વિશુદ્ધિમેતિસન્તતમ્। હરે ગુરૌ સુભક્તિમાશુ યાતિ નાઽન્યથા ગતિં વિમોહનં હિ દેહિનાં સુશંકરસ્ય ચિન્તનમ્ ॥ ૧૬ ॥

પૂજાવસાનસમયે દશવક્ત્રગીતં યઃ શમ્ભુપૂજનપરં પઠતિ પ્રદોષે। તસ્ય સ્થિરાં રથગજેન્દ્રતુરંગયુક્તાં લક્ષ્મીં પ્રસાદસમયે પ્રદદાતિ શમ્ભુઃ ॥

॥ ઇતિ રાવણકૃતં શિવતાણ્ડવસ્તોત્રં સમ્પૂર્ણમ્ ॥

સ્રોત: Wikisource · CC BY-SA 4.0

તમારો પ્રતિભાવ મોકલો

શું સુધારવું, શું ખોટું છે, કે તમને શું ગમ્યું તે જણાવો. અમે દરેક સંદેશ વાંચીએ છીએ.

શેના વિશે
શંખ તમારા માટે કેટલું ઉપયોગી છે? (વૈકલ્પિક)