શ્રીરુદ્રમ્ (ચમકમ્)
વૈદિક સૂક્તો · તૈત્તિરીય સંહિતા (કૃષ્ણ યજુર્વેદ) · 20 શ્લોક
અગ્નાવિષ્ણૂ સજોષસેમા વર્ધન્તુ વાં ગિરઃ । દ્યુમ્નૈર્વાજેભિરાગતમ્ । વાજશ્ચ મે પ્રસવશ્ચ મે પ્રયતિશ્ચ મે પ્રસિતિશ્ચ મે ધીતિશ્ચ મે ક્રતુશ્ચ મે સ્વરશ્ચ મે શ્લોકશ્ચ મે શ્રાવશ્ચ મે શ્રુતિશ્ચ મે જ્યોતિશ્ચ મે સુવશ્ચ મે પ્રાણશ્ચ મેઽપાનઃ
ચ મે વ્યાનશ્ચ મેઽસુશ્ચ મે ચિત્તં ચ મ આધીતં ચ મે વાક્ચ મે મનશ્ચ મે ચક્ષુશ્ચ મે શ્રોત્રં ચ મે દક્ષશ્ચ મે બલં ચ મ ઓજશ્ચ મે સહશ્ચ મ આયુશ્ચ મે જરા ચ મ આત્મા ચ મે તનૂશ્ચ મે શર્મ ચ મે વર્મ ચ મેઽંગાનિ ચ મેઽસ્થાનિ ચ મે પરૂગ્ંષિ ચ મે શરીરાણિ ચ મે ॥
જ્યૈષ્ઠ્યં ચ મ આધિપત્યં ચ મે મન્યુશ્ચ મે ભામશ્ચ મેઽમશ્ચ મેઽમ્ભશ્ચ મે જેમા ચ મે મહિમા ચ મે વરિમા ચ મે પ્રથિમા ચ મે વર્ષ્મા ચ મે દ્રાઘુયા ચ મે વૃદ્ધં ચ મે વૃદ્ધિશ્ચ મે સત્યં ચ મે શ્રદ્ધા ચ મે જગચ્ચ
મે ધનં ચ મે વશશ્ચ મે ત્વિષિશ્ચ મે ક્રીડા ચ મે મોદશ્ચ મે જાતં ચ મે જનિષ્યમાણં ચ મે સૂક્તં ચ મે સુકૃતં ચ મે વિત્તં ચ મે વેદ્યં ચ મે ભૂતં ચ મે ભવિષ્યચ્ચ મે સુગં ચ મે સુપથં ચ મ ઋદ્ધં ચ મ ઋદ્ધિશ્ચ મે કૢપ્તં ચ મે કૢપ્તિશ્ચ મે મતિશ્ચ મે સુમતિશ્ચ મે ॥
શં ચ મે મયશ્ચ મે પ્રિયં ચ મેઽનુકામશ્ચ મે કામશ્ચ મે સૌમનસશ્ચ મે ભદ્રં ચ મે શ્રેયશ્ચ મે વસ્યશ્ચ મે યશશ્ચ મે ભગશ્ચ મે દ્રવિણં ચ મે યન્તા ચ મે ધર્તા ચ મે ક્ષેમશ્ચ મે ધૃતિશ્ચ મે વિશ્વં ચ
મે મહશ્ચ મે સંવિચ્ચ મે જ્ઞાત્રં ચ મે સૂશ્ચ મે પ્રસૂશ્ચ મે સીરં ચ મે લયશ્ચ મ ઋતં ચ મેઽમૃતં ચ મેઽયક્ષ્મં ચ મેઽનામયચ્ચ મે જીવાતુશ્ચ મે દીર્ઘાયુત્વં ચ મેઽનમિત્રં ચ મેઽભયં ચ મે સુગં ચ મે શયનં ચ મે સૂષા ચ મે સુદિનં ચ મે ॥
ઊર્ક્ચ મે સૂનૃતા ચ મે પયશ્ચ મે રસશ્ચ મે ઘૃતં ચ મે મધુ ચ મે સગ્ધિશ્ચ મે સપીતિશ્ચ મે કૃષિશ્ચ મે વૃષ્ટિશ્ચ મે જૈત્રં ચ મ ઔદ્ભિદ્યં ચ મે રયિશ્ચ મે રાયશ્ચ મે પુષ્ટં ચ મે પુષ્ટિશ્ચ મે વિભુ ચ
મે પ્રભુ ચ મે બહુ ચ મે ભૂયશ્ચ મે પૂર્ણં ચ મે પૂર્ણતરં ચ મેઽક્ષિતિશ્ચ મે કૂયવાશ્ચ મેઽન્નં ચ મેઽક્ષુચ્ચ મે વ્રીહયશ્ચ મે યવાશ્ચ મે માષાશ્ચ મે તિલાશ્ચ મે મુદ્ગાશ્ચ મે ખલ્વાશ્ચ મે ગોધૂમાશ્ચ મે મસુરાશ્ચ મે પ્રિયંગવશ્ચ મેઽણવશ્ચ મે શ્યામાકાશ્ચ મે નીવારાશ્ચ મે ॥
અશ્મા ચ મે મૃત્તિકા ચ મે ગિરયશ્ચ મે પર્વતાશ્ચ મે સિકતાશ્ચ મે વનસ્પતયશ્ચ મે હિરણ્યં ચ મેઽયશ્ચ મે સીસં ચ મે ત્રપુશ્ચ મે શ્યામં ચ મે લોહં ચ મેઽગ્નિશ્ચ મ આપશ્ચ મે વીરુધશ્ચ મ ઓષધયશ્ચ મે કૃષ્ટપચ્યં ચ
મેઽકૃષ્ટપચ્યં ચ મે ગ્રામ્યાશ્ચ મે પશવ આરણ્યાશ્ચ યજ્ઞેન કલ્પન્તાં વિત્તં ચ મે વિત્તિશ્ચ મે ભૂતં ચ મે ભૂતિશ્ચ મે વસુ ચ મે વસતિશ્ચ મે કર્મ ચ મે શક્તિશ્ચ મેઽર્થશ્ચ મ એમશ્ચ મ ઇતિશ્ચ મે ગતિશ્ચ મે ॥
અગ્નિશ્ચ મ ઇન્દ્રશ્ચ મે સોમશ્ચ મ ઇન્દ્રશ્ચ મે સવિતા ચ મ ઇન્દ્રશ્ચ મે સરસ્વતી ચ મ ઇન્દ્રશ્ચ મે પૂષા ચ મ ઇન્દ્રશ્ચ મે બૃહસ્પતિશ્ચ મ ઇન્દ્રશ્ચ મે મિત્રશ્ચ મ ઇન્દ્રશ્ચ મે વરુણશ્ચ મ ઇન્દ્રશ્ચ મે ત્વષ્ટા ચ
મ ઇન્દ્રશ્ચ મે ધાતા ચ મ ઇન્દ્રશ્ચ મે વિષ્ણુશ્ચ મ ઇન્દ્રશ્ચ મેઽશ્વિનૌ ચ મ ઇન્દ્રશ્ચ મે મરુતશ્ચ મ ઇન્દ્રશ્ચ મે વિશ્વે ચ મે દેવા ઇન્દ્રશ્ચ મે પૃથિવી ચ મ ઇન્દ્રશ્ચ મેઽન્તરિક્ષંચ મ ઇન્દ્રશ્ચ મે દ્યૌશ્ચ મ ઇન્દ્રશ્ચ મે દિશશ્ચ મ ઇન્દ્રશ્ચ મે મૂર્ધા ચ મ ઇન્દ્રશ્ચ મે પ્રજાપતિશ્ચ મ ઇન્દ્રશ્ચ મે ॥
અગ્ંશુશ્ચ મે રશ્મિશ્ચ મેઽદાભ્યશ્ચ મેઽધિપતિશ્ચ મ ઉપાગ્ંશુશ્ચ મેઽન્તર્યામશ્ચ મ ઐન્દ્રવાયવશ્ચ મે મૈત્રાવરુણશ્ચ મ આશ્વિનશ્ચ મે પ્રતિપ્રસ્થાનશ્ચ મે શુક્રશ્ચ મે મન્થી ચ મ આગ્રયણશ્ચ મે વૈશ્વદેવશ્ચ મે ધ્રુવશ્ચ મે વૈશ્વાનરશ્ચ મ ઋતુગ્રહાશ્ચ
મેઽતિગ્રાહ્યાશ્ચ મ ઐન્દ્રાગ્નશ્ચ મે વૈશ્વદેવશ્ચ મે મરુત્વતીયાશ્ચ મે માહેન્દ્રશ્ચ મ આદિત્યશ્ચ મે સાવિત્રશ્ચ મે સારસ્વતશ્ચ મે પૌષ્ણશ્ચ મે પાત્નીવતશ્ચ મે હારિયોજનશ્ચ મે ॥
ઇધ્મશ્ચ મે બર્હિશ્ચ મે વેદિશ્ચ મે ધિષ્ણિયાશ્ચ મે સ્રુચશ્ચ મે ચમસાશ્ચ મે ગ્રાવાણશ્ચ મે સ્વરવશ્ચ મ ઉપરવાશ્ચ મેઽધિષવણે ચ મે દ્રોણકલશશ્ચ મે વાયવ્યાનિ ચ મે પૂતભૃચ્ચ મ આધવનીયશ્ચ મ આગ્નીધ્રં ચ મે હવિર્ધાનં ચ મે ગૃહાશ્ચ મે સદશ્ચ મે પુરોડાશાશ્ચ મે પચતાશ્ચ મેઽવભૃથશ્ચ મે સ્વગાકારશ્ચ મે ॥
અગ્નિશ્ચ મે ઘર્મશ્ચ મેઽર્કશ્ચ મે સૂર્યશ્ચ મે પ્રાણશ્ચ મેઽશ્વમેધશ્ચ મે પૃથિવી ચ મેઽદિતિશ્ચ મે દિતિશ્ચ મે દ્યૌશ્ચ મે શક્વરીરંગુલયો દિશશ્ચ મે યજ્ઞેન કલ્પન્તામૃક્ચ મે સામ ચ મે સ્તોમશ્ચ મે યજુશ્ચ મે દીક્ષા ચ મે તપશ્ચ મ ઋતુશ્ચ મે વ્રતં ચ મેઽહોરાત્રયોર્વૃષ્ટ્યા બૃહદ્રથન્તરે ચ મે યજ્ઞેન કલ્પેતામ્ ॥
ગર્ભાશ્ચ મે વત્સાશ્ચ મે ત્ર્યવિશ્ચ મે ત્ર્યવી ચ મે દિત્યવાટ્ચ મે દિત્યૌહી ચ મે પંચાવિશ્ચ મે પંચાવી ચ મે ત્રિવત્સશ્ચ મે ત્રિવત્સા ચ મે તુર્યવાટ્ચ મે તુર્યૌહી ચ મે પષ્ઠવાચ્ચ મે પષ્ઠૌહી ચ મ ઉક્ષા ચ મે વશા ચ મ ઋષભશ્ચ
મે વેહચ્ચમેઽનડ્વાંચ મે ધેનુશ્ચ મ આયુર્યજ્ઞેન કલ્પતામ્પ્રાણો યજ્ઞેન કલ્પતામપાનો યજ્ઞેન કલ્પતાં વ્યાનો યજ્ઞેન કલ્પતાંચક્ષુર્યજ્ઞેન કલ્પતાગ્ં શ્રોત્રં યજ્ઞેન કલ્પતામ્મનો યજ્ઞેન કલ્પતાં વાગ્યજ્ઞેન કલ્પતામાત્મા યજ્ઞેન કલ્પતાં યજ્ઞો યજ્ઞેન કલ્પતામ્ ॥
એકા ચ મે તિસ્રશ્ચ મે પંચ ચ મે સપ્ત ચ મે નવ ચ મ એકાદશ ચ મે ત્રયોદશ ચ મે પંચદશ ચ મે સપ્તદશ ચ મે નવદશ ચ મ એકવિગ્ંશતિશ્ચ મે ત્રયોવિગ્ંશતિશ્ચ મે પંચવિગ્ંશતિશ્ચ મે સપ્તવિગ્ંશતિશ્ચ મે નવવિગ્ંશતિશ્ચ મ એકત્રિગ્ંશચ્ચ મે ત્રયસ્ત્રિગ્ંશચ્ચ
મે ચતસ્રશ્ચ મેઽષ્ટૌ ચ મે દ્વાદશ ચ મે ષોડશ ચ મે વિગ્ંશતિશ્ચ મે ચતુર્વિગ્ંશતિશ્ચ મેઽષ્ટાવિગ્ંશતિશ્ચ મે દ્વાત્રિગ્ંશચ્ચ મે ષટ્ત્રિગ્ંશચ્ચ મે ચત્વારિગ્ંશચ્ચ મે ચતુશ્ચત્વારિગ્ંશચ્ચ મેઽષ્ટાચત્વારિગ્ંશચ્ચ મે વાજશ્ચ પ્રસવશ્ચાપિજશ્ચ ક્રતુશ્ચ સુવશ્ચ મૂર્ધા ચ વ્યશ્નિયશ્ચાન્ત્યાયનશ્ચાન્ત્યશ્ચ ભૌવનશ્ચ ભુવનશ્ચાધિપતિશ્ચ ॥
સ્રોત: Wikisource · CC BY-SA 4.0