होम › वेद मंत्र › श्रीसुब्रह्मण्याष्टोत्तरशतनामस्तोत्रम्

श्रीसुब्रह्मण्याष्टोत्तरशतनामस्तोत्रम्

अष्टोत्तर शतनाम (108 नाम) · 17 श्लोक

॥ अथ सुब्रह्मण्याष्टोत्तरशतनामस्तोत्रम् ॥

शक्तिहस्तं विरूपाक्षं शिखिवाहं षडाननम् । दारुणं रिपुरोगघ्नं भावये कुक्कुटध्वजम् ॥

( इति ध्यानम् ) स्कन्दो गुहष्षण्मुखश्च फालनेत्रसुतः प्रभुः। पिङ्गळः कृत्तिकासूनुः शिखिवाहो द्विषड्भुजः ॥१

द्विषण्णेत्रश्शक्तिधरः पिशिताशप्रभञ्जनः । तारकासुरसंहारी रक्षोबलविमर्दनः । मत्तः प्रमत्तोन्मत्तश्च सुरसैन्य सुरक्षकः । देवसेनापतिः प्राज्ञः कृपालुर्भक्तवत्सलः ॥ ३

उमासुतश्शक्तिधरः कुमारः क्रौञ्चदारण। सेनानीरग्निजन्मा च विशाखः शङ्करात्मजः ॥ ४

शिवस्वामी गणस्वामी सर्वस्वामी सनातनः । अनन्त शक्तिरक्षोभ्यः पार्वतीप्रियनन्दनः ॥५

गङ्गासुतश्शरोद्भूतं आहूतः पावकात्मजः । जृम्भः प्रजृम्भ उज्जृम्भः कमलासनसंस्तुतः ॥६

एकवर्णो द्विवर्णश्च त्रिवर्णस्सुमनोहरः । चतुर्वर्णः पञ्चवर्णः प्रजापतिरहर्पतिः॥७

अग्निगर्भश्शमीगर्भो विश्वरेतास्सुरारिहा । हरिद्वर्णश्शुभकरो वटुश्च पटुवेषभृत् ॥

पूषा गभस्तिर्गहनश्चन्द्रवर्णः कलाधरः । मायाधरो महामायी कैवल्यश्शङ्करात्मजः ॥ ९

विश्वयोनिरमेयात्मा तेजोनिधिरनामयः । परमेष्ठी परब्रह्मा वेदगर्भो विराट्सुतः ॥१०

पुळिन्दकन्याभर्ता च महासारस्वतावृतः । आश्रिताखिलदाताच रोगघ्नो रोगनाशनः ॥ ११

अनन्तमूर्तिरानन्दः शिखण्डिकृतकेतनः । डम्भः परमडम्भश्च महाडम्भो वृषाकपिः ॥ १२

कारणोत्पत्तिदेहश्च कारणानीतविग्रहः । अनीश्वरोऽमृतः प्राणः प्राणायामपरायणः ॥ १३

विरुद्धहन्ता वीरघ्नः रक्तश्यामगळोऽपि च । सुब्रह्मण्यो ग्रहः प्रीतः ब्राह्मण्यो ब्राह्मणप्रियः ॥ १४

वंशवृद्धिकरो वेदवेद्योऽक्षयफलप्रदः ॥

॥सुब्रह्मण्याष्टोत्तरशतनामस्तोत्रं सम्पूर्णम् ॥

स्रोत: Wikisource · CC BY-SA 4.0

अपनी राय भेजें

बताइए क्या बेहतर करें, क्या गलत है, या आपको क्या अच्छा लगा। हम हर संदेश पढ़ते हैं।

किस बारे में
शंख आपके लिए कितना उपयोगी है? (वैकल्पिक)