ಮುಖಪುಟ › ವೇದ ಮಂತ್ರಗಳು › ಅನ್ನಪೂರ್ಣಾಸ್ತೋತ್ರಮ್

ಅನ್ನಪೂರ್ಣಾಸ್ತೋತ್ರಮ್

ಸ್ತೋತ್ರಗಳು · 17 ಶ್ಲೋಕಗಳು

॥ ಅನ್ನಪೂರ್ಣಾಸ್ತೋತ್ರಮ್ ॥

ನಿತ್ಯಾನಂದಕರೀ ವರಾಭಯಕರೀ ಸೌಂದರ್ಯರತ್ನಾಕರೀ ನಿರ್ಧೂತಾಖಿಲಘೋರಪಾವನಕರೀ ಪ್ರತ್ಯಕ್ಷಮಾಹೇಶ್ವರೀ । ಪ್ರಾಲೇಯಾಚಲವಂಶಪಾವನಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೧ ॥

ನಾನಾರತ್ನವಿಚಿತ್ರಭೂಷಣಕರೀ ಹೇಮಾಂಬರಾಡಂಬರೀ ಮುಕ್ತಾಹಾರವಿಲಂಬಮಾನವಿಲಸದ್ವಕ್ಷೋಜಕುಂಭಾಂತರೀ । ಕಾಶ್ಮೀರಾಗುರೂವಾಸಿತಾ ರುಚಿಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೨ ॥

ಯೋಗಾನಂದಕರೀ ರಿಪುಕ್ಷಯಕರೀ ಧರ್ಮಾಥನಿಷ್ಠಾಕರೀ ಚಂದ್ರಾರ್ಕಾನಲಭಾಸಮಾನಲಹರೀ ತ್ರೈಲೋಕ್ಯರಕ್ಷಾಕರೀ । ಸರ್ವೈಶ್ವರ್ಯಸಮಸ್ತವಾಂಛನಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೩ ॥

ಕೈಲಾಸಾಚಲಕಂದರಾಲಯಕರೀ ಗೌರೀ ಉಮಾಶಂಕರೀ ಕೌಮಾರೀ ನಿಗಮಾರ್ಥಗೋಚರಕರೀ ಓಂಕಾರಬೀಜಾಕ್ಷರೀ । ಮೋಕ್ಷದ್ವಾರಕಪಾಟಪಾಟನಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೪ ॥

ದೃಶ್ಯಾದೃಶ್ಯವಿಭೂತವಾಹನಕರೀ ಬ್ರಹ್ಮಾಂಡಭಾಂಡೋದರೀ ಲೀಲಾನಾಟಕಸೂತ್ರಭೇದನಕರೀ ವಿಜ್ಞಾನದೀಪಾಂಕುರೀ । ಶ್ರೀವಿಶ್ವೇಶಮನಃಪ್ರಸಾದನಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೫ ॥

ಉರ್ವೀ ಸರ್ವಜನೇಶ್ವರೀ ಭಗವತೀ ಮಾತಾನ್ನಪೂರ್ಣೇಶ್ವರೀ ವೇಣೀನೀಲಸಮಾನಕುಂತಲಹರೀ ನಿತ್ಯಾನ್ನದಾನೇಶ್ವರೀ । ಸರ್ವಾನಂದಕರೀ ಸದಾಶುಭಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೬ ॥

ಆದಿಕ್ಷಾಂತಿಸಮಸ್ತವರ್ಣನಕರೀ ಶಂಭೋಸ್ತ್ರಿಭಾವಾಕರೀ ಕಾಶ್ಮೀರಾತ್ರಿಪುರೇಶ್ವರೀ ತ್ರಿನಯನೀ ನಿತ್ಯಾಂಕುರಾ ಶರ್ವರೀ । ಕಾಮಾಕಾಂಕ್ಷಕರೀ ಜನೋದಯಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೭ ॥

ದೇವೀ ಸರ್ವವಿಚಿತ್ರರತ್ನರಚಿತಾ ದಾಕ್ಷಾಯಣೀ ಸುಂದರೀ ವಾಮಾ ಸ್ವಾದುಪಯೋಗಧರಪ್ರಿಯಕರೀ ಸೌಭಾಗ್ಯಮಾಹೇಶ್ವರೀ । ಭಕ್ತಾಭೀಷ್ಟಕರೀ ದಶಾಶುಭಹರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೮ ॥

ಚಂದ್ರಾರ್ಕಾಲಯಕೋಟಿಕೋಟಿಸದೃಶಾ ಚಂದ್ರಾಂಶುಬಿಂಬಾಧರೀ ಚಂದ್ರಾರ್ಕಾಗ್ನಿಸಮಾನಕುಂಡಲಧರೀ ಚಂದ್ರಾರ್ಕವರ್ಣೇಶ್ವರೀ । ಮಾಲಾಪುಸ್ತಕಪಾಶಸಾಂಕುಶಧರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೯ ॥

ಕ್ಷತ್ರತ್ರಾಣಕರೀ ಮಹಾಽಭಯಕರೀ ಮಾತಾ ಕೃಪಾಸಾಗರೀ ಸಾಕ್ಷಾನ್ಮೋಕ್ಷಕರೀ ಸದಾ ಶಿವಕರೀ ವಿಶ್ವೇಶ್ವರೀ ಶ್ರೀಧರೀ । ದಕ್ಷಾಕ್ರಂದಕರೀ ನಿರಾಮಯಕರೀ ಕಾಶೀಪುರಾಧೀಶ್ವರೀ ಭಿಕ್ಷಾಂ ದೇಹಿ ಕೃಪಾವಲಂಬನಕರೀ ಮಾತಾನ್ನಪೂರ್ಣೇಶ್ವರೀ ॥ ೧೦ ॥

ಭಗವತಿ ಭವರೋಗಾತ್ಪೀಡಿತಂ ದುಷ್ಕೃತೋತ್ಥಾತ್ ಸುತದುಹಿತೃಕಲತ್ರೋಪದ್ರವೇಣಾನುಯಾತಮ್ । ವಿಲಸದಮೃತದೃಷ್ಟ್ಯಾ ವೀಕ್ಷ್ಯ ವಿಭ್ರಾಂತಚಿತ್ತಂ ಸಕಲಭುವನಮಾತಸ್ತ್ರಾಹಿ ಮಾಮೋಂ ನಮಸ್ತೇ ॥ ೧೧ ॥

ಮಾಹೇಶ್ವರೀಮಾಶ್ರಿತಕಲ್ಪವಲ್ಲೀಮಹಂಭವೋಚ್ಛೇದಕರೀಂ ಭವಾನೀಂಮ್ । ಕ್ಷುಧಾರ್ತಜಾಯಾತನಯಾದ್ಯುಪೇತಸ್ತ್ವಾಮನ್ನಪೂರ್ಣೇ ಶರಣಂ ಪ್ರಪದ್ಯೇ ॥ ೧೨ ॥

ದಾರಿದ್ರ್ಯದಾವಾನಲದಹ್ಯಮಾನಂ ಪಾಹ್ಯನ್ನಪೂರ್ಣೇ ಗಿರಿರಾಜಕನ್ಯೇ । ಕೃಪಾಂಬುಧೌ ಮಜ್ಜಯ ಮಾಂ ತ್ವದೀಯೇ ತ್ವತ್ಪಾದಪದ್ಮಾರ್ಪಿತಚಿತ್ತವೃತ್ತಿಮ್ ॥ ೧೩ ॥

ಅನ್ನಪೂರ್ಣೇ ಸದಾ ಪೂರ್ಣೇ ಶಂಕರಪ್ರಾಣವಲ್ಲಭೇ । ಜ್ಞಾನವೈರಾಗ್ಯಸಿದ್ಧ್ಯರ್ಥಂ ಭಿಕ್ಷಾಂ ದೇಹಿ ಚ ಪಾರ್ವತಿ ॥ ೧೪ ॥

ಮಾತಾ ಚ ಪಾರ್ವತೀ ದೇವೀ ಪಿತಾ ದೇವೋ ಮಹೇಶ್ವರಃ । ಬಾಂಧವಾಃ ಶಿವಭಕ್ತಾಶ್ಚ ಸ್ವೇದೇಶೋ ಭುವನತ್ರಯಮ್ ॥ ೧೫ ॥

ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಮನ್ನಪೂರ್ಣಾಸ್ತೋತ್ರಂ ಸಂಪೂರ್ಣಮ್ ।

ಮೂಲ: Wikisource · CC BY-SA 4.0

ನಿಮ್ಮ ಅಭಿಪ್ರಾಯ ಕಳುಹಿಸಿ

ಏನನ್ನು ಸುಧಾರಿಸಬೇಕು, ಯಾವುದು ತಪ್ಪಾಗಿದೆ, ಅಥವಾ ನಿಮಗೆ ಏನು ಇಷ್ಟವಾಯಿತು ಎಂದು ತಿಳಿಸಿ. ನಾವು ಪ್ರತಿ ಸಂದೇಶವನ್ನೂ ಓದುತ್ತೇವೆ.

ಯಾವುದರ ಬಗ್ಗೆ
ಶಂಖ್ ನಿಮಗೆ ಎಷ್ಟು ಉಪಯುಕ್ತ? (ಐಚ್ಛಿಕ)