ತ್ರಿದಲಂ ತ್ರಿಗುಣಾಕಾರಂ ತ್ರಿನೇತ್ರಂ ಚ ತ್ರಿಯಾಯುಧಮ್ । ತ್ರಿಜನ್ಮಪಾಪಸಂಹಾರಮ್ ಏಕಬಿಲ್ವಂ ಶಿವಾರ್ಪಣಮ್ ॥ ೧ ॥
ತ್ರಿಶಾಖೈರ್ಬಿಲ್ವಪತ್ರೈಶ್ಚ ಅಚ್ಛಿದ್ರೈಃ ಕೋಮಲೈಶ್ಶುಭೈಃ । ತವ ಪೂಜಾಂ ಕರಿಷ್ಯಾಮಿ ಏಕಬಿಲ್ವಂ ಶಿವಾರ್ಪಣಮ್ ॥ ೨ ॥
ದರ್ಶನಂ ಬಿಲ್ವವೃಕ್ಷಸ್ಯ ಸ್ಪರ್ಶನಂ ಪಾಪನಾಶನಮ್ । ಅಘೋರಪಾಪಸಂಹಾರಮ್ ಏಕಬಿಲ್ವಂ ಶಿವಾರ್ಪಣಮ್ ॥ ೩ ॥
ಕಾಶೀಕ್ಷೇತ್ರನಿವಾಸಂ ಚ ಕಾಲಭೈರವದರ್ಶನಮ್ । ಪ್ರಯಾಗೇ ಮಾಧವಂ ದೃಷ್ಟ್ವಾ ಏಕಬಿಲ್ವಂ ಶಿವಾರ್ಪಣಮ್ ॥ ೪ ॥
ತುಲಸೀ ಬಿಲ್ವನಿರ್ಗುಂಡೀ ಜಂಬೀರಾಮಲಕಂ ತಥಾ । ಪಂಚಬಿಲ್ವಮಿತಿ ಖ್ಯಾತಾ ಏಕಬಿಲ್ವಂ ಶಿವಾರ್ಪಣಮ್ ॥ ೫ ॥
ತಟಾಕಂ ಧನನಿಕ್ಷೇಪಂ ಬ್ರಹ್ಮಸ್ಥಾಪ್ಯಂ ಶಿವಾಲಯಮ್ । ಕೋಟಿಕನ್ಯಾಮಹಾದಾನಮ್ ಏಕಬಿಲ್ವಂ ಶಿವಾರ್ಪಣಮ್ ॥ ೬ ॥
ದಂತ್ಯಶ್ವಕೋಟಿದಾನಾನಿ ಅಶ್ವಮೇಧಶತಾನಿ ಚ । ಕೋಟಿಕನ್ಯಾಮಹಾದಾನಮ್ ಏಕಬಿಲ್ವಂ ಶಿವಾರ್ಪಣಮ್ ॥ ೭ ॥
ಸಾಲಗ್ರಾಮಸಹಸ್ರಾಣಿ ವಿಪ್ರಾನ್ನಂ ಶತಕೋಟಿಕಮ್ । ಯಜ್ಞಕೋಟಿಸಹಸ್ರಾಣಿ ಏಕಬಿಲ್ವಂ ಶಿವಾರ್ಪಣಮ್ ॥ ೮ ॥
ಅಜ್ಞಾನೇನ ಕೃತಂ ಪಾಪಂ ಜ್ಞಾನೇನಾಪಿ ಕೃತಂ ಚ ಯತ್ । ತತ್ಸರ್ವಂ ನಾಶಮಾಯಾತು ಏಕಬಿಲ್ವಂ ಶಿವಾರ್ಪಣಮ್ ॥ ೯ ॥
ಏಕೈಕಬಿಲ್ವಪತ್ರೇಣ ಕೋಟಿಯಜ್ಞಫಲಂ ಲಭೇತ್ । ಮಹಾದೇವಸ್ಯ ಪೂಜಾರ್ಥಮ್ ಏಕಬಿಲ್ವಂ ಶಿವಾರ್ಪಣಮ್ ॥ ೧೦ ॥
ಅಮೃತೋದ್ಭವವೃಕ್ಷಸ್ಯ ಮಹಾದೇವಪ್ರಿಯಸ್ಯ ಚ । ಮುಚ್ಯಂತೇ ಕಂಟಕಾಘಾತಾ ಕಂಟಕೇಭ್ಯೋ ಹಿ ಮಾನವಾಃ ॥ ೧೧ ॥
॥ ಓಂ ತತ್ಸತ್ ॥
ಮೂಲ: Wikisource · CC BY-SA 4.0