ಬ್ರಹ್ಮಮುರಾರಿ ಸುರಾರ್ಚಿತ ಲಿಂಗಮ್ ನಿರ್ಮಲಭಾಸಿತಶೋಭಿತಲಿಂಗಮ್ । ಜನ್ಮಜದುಃಖವಿನಾಶಕಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೧ ॥
ದೇವಮುನಿಪ್ರವರಾರ್ಚಿತಲಿಂಗಮ್ ಕಾಮದಹನಕರುಣಾಕರಲಿಂಗಮ್ । ರಾವಣದರ್ಪವಿನಾಶನಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೨ ॥
ಸರ್ವಸುಗಂಧಸುಲೇಪಿತಲಿಂಗಮ್ ಬುದ್ಧಿವಿವರ್ಧನಕಾರಣಲಿಂಗಮ್ । ಸಿದ್ಧಸುರಾಸುರವಂದಿತಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೩ ॥
ಕನಕಮಹಾಮಣಿಭೂಷಿತಲಿಂಗಮ್ ಫಣಿಪತಿವೇಷ್ಟಿತಶೋಭಿತಲಿಂಗಮ್ । ದಕ್ಷಸುಯಜ್ಞವಿನಾಶನಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೪ ॥
ಕುಂಕುಮಚಂದನಲೇಪಿತಲಿಂಗಮ್ ಪಂಕಜಹಾರಸುಶೋಭಿತಲಿಂಗಮ್ । ಸಂಚಿತಪಾಪವಿನಾಶನಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೫ ॥
ದೇವಗಣಾರ್ಚಿತಸೇವಿತಲಿಂಗಮ್ ಭಾವೈರ್ಭಕ್ತಿಭಿರೇವ ಚ ಲಿಂಗಮ್ । ದಿನಕರಕೋಟಿಪ್ರಭಾಕರಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೬ ॥
ಅಷ್ಟದಲೋಪರಿವೇಷ್ಟಿತಲಿಂಗಮ್ ಸರ್ವಸಮುದ್ಭವಕಾರಣಲಿಂಗಮ್ । ಅಷ್ಟದರಿದ್ರವಿನಾಶನಲಿಂಗಮ್ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೭ ॥
ಸುರಗುರುಸುರವರಪೂಜಿತಲಿಂಗಮ್ ಸುರವನಪುಷ್ಪಸದಾರ್ಚಿತಲಿಂಗಮ್ । ಪರಾತ್ಪರಂ ಪರಮಾತ್ಮಕಲಿಂಗಂ ತತ್ಪ್ರಣಮಾಮಿ ಸದಾಶಿವಲಿಂಗಮ್ ॥ ೮ ॥
ಲಿಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇಶ್ಶಿವ ಸನ್ನಿಧೌ । ಶಿವಲೋಕಮವಾಪ್ನೋತಿ ಶಿವೇನ ಸಹ ಮೋದತೇ ॥
ಮೂಲ: Wikisource · CC BY-SA 4.0