॥ ಅಥ ಶ್ರೀ ಮಹಾಲಕ್ಷ್ಮ್ಯಷ್ಟಕಮ್ ॥
ಶ್ರೀಗಣೇಶಾಯ ನಮಃ ॥ ಇಂದ್ರ ಉವಾಚ ॥
ನಮಸ್ತೇಽಸ್ತು ಮಹಾಮಾಯೇ ಶ್ರೀಪೀಠೇ ಸುರಪೂಜಿತೇ । ಶಂಖಚಕ್ರ ಗದಾಹಸ್ತೇ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೧ ॥
ನಮಸ್ತೇ ಗರುಡಾರುಢೇ ಕೋಲಾಸುರ ಭಯಂಕರೀ । ಸರ್ವಪಾಪಹರೇ ದೇವೀ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೨ ॥
ಸರ್ವಜ್ಞೇ ಸರ್ವವರದೇ ಸರ್ವದುಷ್ಟಭಯಂಕರೀ । ಸರ್ವದುಃಖಹರೇ ದೇವೀ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೩ ॥
ಸಿದ್ಧಿಬುದ್ಧಿಪ್ರದೇ ದೇವೀ ಭುಕ್ತಿಮುಕ್ತಿಪ್ರದಾಯಿನಿ । ಮಂತ್ರಮೂರ್ತೇ ಸದಾ ದೇವೀ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೪ ॥
ಆದ್ಯಂತರಹಿತೇ ದೇವೀ ಆದ್ಯಶಕ್ತಿ ಮಹೇಶ್ವರಿ । ಯೋಗಜೇ ಯೋಗಸಂಭೂತೇ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೫ ॥
ಶೂಲ ಸೂಕ್ಷ್ಮಮಹಾರೌದ್ರೇ ಮಹಾಶಕ್ತಿ ಮಹೋದರೇ । ಮಹಾಪಾಪಹರೇ ದೇವೀ ಮಹಾಲಕ್ಷ್ಮಿ ನಮೋಽಸ್ತುತೇ ॥ ೬ ॥
ಪದ್ಮಾಸನಸ್ಥಿತೇ ದೇವೀ ಪರಬ್ರಹ್ಮಸ್ವರುಪಿಣಿ । ಪರಮೇಶಿ ಜಗನ್ಮಾತಾರ್ಮಹಾಲಕ್ಷ್ಮಿ ನಮೋಽಸ್ತುತೇ ॥ ೭ ॥
ಶ್ವೇತಾಂಬರಧರೇ ದೇವೀ ನಾನಾಲಂಕಾರ ಭೂಷಿತೇ । ಜಗತ್ಸ್ಥಿತೇ ಜಗನ್ಮಾತಾರ್ಮಹಾಲಕ್ಷ್ಮಿ ನಮೋಽಸ್ತುತೇ ॥ ೮ ॥
ಮಹಾಲಕ್ಷ್ಮ್ಯಷ್ಟಕಂ ಸ್ತೋತ್ರಂ ಯಃ ಪಠೇದ್ಭಕ್ತಿಮಾನ್ನರಃ । ಸರ್ವಸಿದ್ಧಿಮವಾಪ್ನೋತಿ ರಾಜ್ಯ ಪ್ರಾಪ್ತೇತಿ ಸರ್ವದಾ ॥ ೯ ॥
ಏಕಕಾಲೇ ಪಠೇನ್ನಿತ್ಯಂ ಮಹಾಪಾಪವಿನಾಶನಮ್ । ದ್ವಿಕಾಲಂ ಯಃ ಪಠೇನ್ನಿತ್ಯಂ ಧನಧಾನ್ಯಸಮನ್ವಿತಃ ॥ ೧೦ ॥
ತ್ರಿಕಾಲಂ ಯಃ ಪಠೇನ್ನಿತ್ಯಂ ಮಹಾಶತ್ರುಂವಿನಾಶನಮ್ । ಮಹಾಲಕ್ಷ್ಮಿರ್ಭವೇನ್ನಿತ್ಯಂ ಪ್ರಸನ್ನಾ ವರದಾ ಶುಭಾ ॥ ೧೧ ॥
ಇತಿಂದ್ರಕೃತಃ ಶ್ರೀಮಹಾಲಕ್ಷ್ಮ್ಯಷ್ಟಕಸ್ತವಃ ಸಂಪೂರ್ಣಃ ॥
ಮೂಲ: Wikisource · CC BY-SA 4.0