ಮುಖಪುಟ › ವೇದ ಮಂತ್ರಗಳು › ಋಣವಿಮೋಚನಗಣೇಶಸ್ತೋತ್ರಮ್

ಋಣವಿಮೋಚನಗಣೇಶಸ್ತೋತ್ರಮ್

ಸ್ತೋತ್ರಗಳು · 12 ಶ್ಲೋಕಗಳು

॥ಋಣವಿಮೋಚನಗಣೇಶಸ್ತೋತ್ರಮ್॥

ಸಿಂದೂರವರ್ಣಂ ದ್ವಿಭುಜಂ ಗಣೇಶಂ ಲಂಬೋದರಂ ಪದ್ಮದಲೇ ನಿವಿಷ್ಟಮ್। ಬ್ರಹ್ಮಾದಿದೇವೈಃ ಪರಿಸೇವ್ಯಮಾನಂ ಸಿದ್ಧೈರ್ಯುತಂ ತಂ ಪ್ರಣಮಾಮಿ ದೇವಮ್॥

ಸೃಷ್ಟ್ಯಾದೌ ಬ್ರಹ್ಮಣಾ ಸಮ್ಯಕ್ ಪೂಜಿತಃ ಫಲಸಿದ್ಧಯೇ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೧ ॥

ತ್ರಿಪುರಸ್ಯ ವಧಾತ್ಪೂರ್ವಂ ಶಂಭುನಾ ಸಮ್ಯಗರ್ಚಿತಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೨ ॥

ಹಿರಣ್ಯಕಶ್ಯಪಾದೀನಾಂ ವಧಾರ್ಥೇ ವಿಷ್ಣುನಾರ್ಚಿತಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೩ ॥

ಮಹಿಷಸ್ಯ ವಧೇ ದೇವ್ಯಾ ಗಣನಾಥಃ ಪ್ರಪೂಜಿತಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೪ ॥

ತಾರಕಸ್ಯ ವಧಾತ್ಪೂರ್ವಂ ಕುಮಾರೇಣ ಪ್ರಪೂಜಿತಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೫ ॥

ಭಾಸ್ಕರೇಣ ಗಣೇಶೋ ಹಿ ಪೂಜಿತಶ್ಛವಿಸಿದ್ಧಯೇ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೬ ॥

ಶಶಿನಾ ಕಾಂತಿವೃದ್ಧ್ಯರ್ಥಂ ಪೂಜಿತೋ ಗಣನಾಯಕಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೭ ॥

ಪಾಲನಾಯ ಚ ತಪಸಾಂ ವಿಶ್ವಾಮಿತ್ರೇಣ ಪೂಜಿತಃ। ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ॥ ೮ ॥

ಇದಂ ತ್ವೃಣಹರಂ ಸ್ತೋತ್ರಂ ತೀವ್ರದಾರಿದ್ರ್ಯನಾಶನಮ್। ಏಕವಾರಂ ಪಠೇನ್ನಿತ್ಯಂ ವರ್ಷಮೇಕಂ ಸಮಾಹಿತಃ॥ ದಾರಿದ್ರ್ಯಂ ದಾರುಣಂ ತ್ಯಕ್ತ್ವಾ ಕುಬೇರಸಮತಾಂ ವ್ರಜೇತ್॥ ೯ ॥

॥ ಇತಿ ಶ್ರೀಕೃಷ್ಣಯಾಮಲತಂತ್ರೇ ಉಮಾಮಹೇಶ್ವರಸಂವಾದೇ ಋಣವಿಮೋಚನಗಣೇಶಸ್ತೋತ್ರಂ ಸಂಪೂರ್ಣಮ್ ॥

ಮೂಲ: Wikisource · CC BY-SA 4.0

ನಿಮ್ಮ ಅಭಿಪ್ರಾಯ ಕಳುಹಿಸಿ

ಏನನ್ನು ಸುಧಾರಿಸಬೇಕು, ಯಾವುದು ತಪ್ಪಾಗಿದೆ, ಅಥವಾ ನಿಮಗೆ ಏನು ಇಷ್ಟವಾಯಿತು ಎಂದು ತಿಳಿಸಿ. ನಾವು ಪ್ರತಿ ಸಂದೇಶವನ್ನೂ ಓದುತ್ತೇವೆ.

ಯಾವುದರ ಬಗ್ಗೆ
ಶಂಖ್ ನಿಮಗೆ ಎಷ್ಟು ಉಪಯುಕ್ತ? (ಐಚ್ಛಿಕ)