śrīaṅgārakāṣṭottaraśatanāmastotram
Ashtottarams (108 names) · 19 verses
|| śrīaṅgārakāṣṭottaraśatanāmastotram ||
maṅgala bīja mantra - oṃ krām̐ krīṃ krauṃ saḥ bhaumāya namaḥ ||
mahīsuto mahābhāgo maṃgaḻo maṃgaḻapradaḥ | mahāvīro mahāśūro mahābalaparākramaḥ || 1 ||
mahāraudro mahābhadro mānanīyo dayākaraḥ | mānajo'marṣaṇaḥ krūraḥ tāpapāpavivarjitaḥ || 2 ||
supratīpaḥ sutāmrākṣaḥ subrahmaṇyaḥ sukhapradaḥ | vakrastambhādigamano vareṇyo varadaḥ sukhī || 3 ||
vīrabhadro virūpākṣo vidūrastho vibhāvasuḥ | nakṣatracakrasañcārī kṣatrapaḥ kṣātravarjitaḥ || 4 ||
kṣayavṛddhivinirmuktaḥ kṣamāyukto vicakṣaṇaḥ | akṣīṇaphaladaḥ cakṣurgocaraṣṣubhalakṣaṇaḥ || 5 ||
vītarāgo vītabhayo vijvaro viśvakāraṇaḥ | nakṣatrarāśisañcāro nānābhayanikṛntanaḥ || 6 ||
kamanīyo dayāsāraḥ kanatkanakabhūṣaṇaḥ | bhayaghno bhavyaphalado bhaktābhayavarapradaḥ || 7 ||
śatruhantā śamopetaḥ śaraṇāgatapoṣakaḥ | sāhasaḥ sadguṇādhyakṣaḥ sādhuḥ samaradurjayaḥ || 8 ||
duṣṭadūraḥ śiṣṭapūjyaḥ sarvakaṣṭanivārakaḥ | duśceṣṭavārako duḥkhabhañjano durdharo hariḥ || 9 ||
duḥsvapnahantā durdharṣo duṣṭagarvavimocakaḥ | bharadvājakulodbhūto bhūsuto bhavyabhūṣaṇaḥ || 10 ||
raktāmbaro raktavapurbhaktapālanatatparaḥ | caturbhujo gadādhārī meṣavāho mitāśanaḥ || 11 ||
śaktiśūladharaśśaktaḥ śastravidyāviśāradaḥ | tārkikaḥ tāmasādhāraḥ tapasvī tāmralocanaḥ || 12 ||
taptakāñcanasaṃkāśo raktakiñjalkasannibhaḥ | gotrādhidevo gomadhyacaro guṇavibhūṣaṇaḥ || 13 ||
asṛjaṃgārako'vantīdeśādhīśo janārdanaḥ | sūryayāmyapradeśastho yāvano yāmyadi'gmukhaḥ || 14 ||
trikoṇamaṇḍalagato tridaśādhipasannutaḥ | śuciḥ śucikaraḥ śūro śucivaśyaḥ śubhāvahaḥ || 15 ||
meṣavṛścikarāśīśo medhāvī mitabhāṣaṇaḥ | sukhapradaḥ surūpākṣaḥ sarvābhīṣṭaphalapradaḥ || 16 ||
|| iti maṅgala evaṃ aṅgārakāṣṭottaraśatanāmastotram sampūrṇam ||
Source: Wikisource · CC BY-SA 4.0