brahmamurāri surārcita liṅgam nirmalabhāsitaśobhitaliṅgam | janmajaduḥkhavināśakaliṅgam tatpraṇamāmi sadāśivaliṅgam || 1 ||
devamunipravarārcitaliṅgam kāmadahanakaruṇākaraliṅgam | rāvaṇadarpavināśanaliṅgam tatpraṇamāmi sadāśivaliṅgam || 2 ||
sarvasugandhasulepitaliṅgam buddhivivardhanakāraṇaliṅgam | siddhasurāsuravanditaliṅgam tatpraṇamāmi sadāśivaliṅgam || 3 ||
kanakamahāmaṇibhūṣitaliṅgam phaṇipativeṣṭitaśobhitaliṅgam | dakṣasuyajñavināśanaliṅgam tatpraṇamāmi sadāśivaliṅgam || 4 ||
kuṅkumacandanalepitaliṅgam paṅkajahārasuśobhitaliṅgam | sañcitapāpavināśanaliṅgam tatpraṇamāmi sadāśivaliṅgam || 5 ||
devagaṇārcitasevitaliṅgam bhāvairbhaktibhireva ca liṅgam | dinakarakoṭiprabhākaraliṅgam tatpraṇamāmi sadāśivaliṅgam || 6 ||
aṣṭadalopariveṣṭitaliṅgam sarvasamudbhavakāraṇaliṅgam | aṣṭadaridravināśanaliṅgam tatpraṇamāmi sadāśivaliṅgam || 7 ||
suragurusuravarapūjitaliṅgam suravanapuṣpasadārcitaliṅgam | parātparaṃ paramātmakaliṅgaṃ tatpraṇamāmi sadāśivaliṅgam || 8 ||
liṅgāṣṭakamidaṃ puṇyaṃ yaḥ paṭheśśiva sannidhau | śivalokamavāpnoti śivena saha modate ||
Source: Wikisource · CC BY-SA 4.0