adharaṃ madhuraṃ vadanaṃ madhuraṃ, nayanaṃ madhuraṃ hasitaṃ madhuram | hṛdayaṃ madhuraṃ, gamanaṃ madhuraṃ, madhurādhipaterakhilaṃ madhuram || 1 ||
vasanaṃ madhuraṃ, caritaṃ madhuraṃ, vacanaṃ madhuraṃ valitaṃ madhuram, calitaṃ madhuraṃ, bhramitaṃ madhuraṃ, madhurādhipaterakhilaṃ madhuram|| 2 ||
veṇarmadhuro reṇurmadhuraḥ pāṇirmadhuraḥ pādau madhurau, nṛtyaṃ madhuraṃ sakhyaṃ madhuraṃ madhurādhipaterakhilaṃ madhuram || 3 ||
gītaṃ madhuraṃ pītaṃ madhuraṃ, bhuktaṃ madhuraṃ suptaṃ madhuram, rūpaṃ madhuraṃ tilakaṃ madhuraṃ madhurādhipaterakhilaṃ madhuram || 4 ||
karaṇaṃ madhuraṃ, taraṇaṃ madhuraṃ, haraṇaṃ madhuraṃ, ramaṇaṃ madhuram, vamitaṃ madhuraṃ, śamitaṃ madhuraṃ, madhurādhipaterakhilaṃ madhuram || 5 ||
guñjā madhurā mālā madhurā yamunā madhurā vīcī madhurā, salilaṃ madhuraṃ, kamalaṃ madhuraṃ madhurādhipaterakhilaṃ madhuram || 6 ||
gopī madhurā līlā madhurā, rādhā madhurā milanaṃ madhuram, dṛṣṭaṃ madhuraṃ śiṣṭaṃ madhuraṃ madhurādhipaterakhilaṃ madhuram || 7 ||
gopā madhurā gāvo madhurā, yaṣṭirmadhurā sṛṣṭirmadhurā, dalitaṃ madhuraṃ, phalitaṃ madhuraṃ, madhurādhipaterakhilaṃ madhuram || 8 ||
|| iti śrīmadvallābhācārya viracita madhurāṣṭakaṃ saṃpūrṇaṃ ||
|| śrīkṛṣṇārpaṇamastu ||
Source: Wikisource · CC BY-SA 4.0