Home › Veda Mantras › śrīmahālakṣmyaṣṭakam

śrīmahālakṣmyaṣṭakam

Stotrams · 14 verses

|| atha śrī mahālakṣmyaṣṭakam ||

śrīgaṇeśāya namaḥ || iṃdra uvāca ||

namaste'stu mahāmāye śrīpīṭhe surapūjite | śaṃkhacakra gadāhaste mahālakṣmi namo'stute || 1 ||

namaste garuḍāruḍhe kolāsura bhayaṃkarī | sarvapāpahare devī mahālakṣmi namo'stute || 2 ||

sarvajñe sarvavarade sarvaduṣṭabhayaṃkarī | sarvaduḥkhahare devī mahālakṣmi namo'stute || 3 ||

siddhibuddhiprade devī bhuktimuktipradāyini | maṃtramūrte sadā devī mahālakṣmi namo'stute || 4 ||

ādyaṃtarahite devī ādyaśakti maheśvari | yogaje yogasaṃbhūte mahālakṣmi namo'stute || 5 ||

śūla sūkṣmamahāraudre mahāśakti mahodare | mahāpāpahare devī mahālakṣmi namo'stute || 6 ||

padmāsanasthite devī parabrahmasvarupiṇi | parameśi jaganmātārmahālakṣmi namo'stute || 7 ||

śvetāṃbaradhare devī nānālaṃkāra bhūṣite | jagatsthite jaganmātārmahālakṣmi namo'stute || 8 ||

mahālakṣmyaṣṭakaṃ stotraṃ yaḥ paṭhedbhaktimānnaraḥ | sarvasiddhimavāpnoti rājya prāpteti sarvadā || 9 ||

ekakāle paṭhennityaṃ mahāpāpavināśanam | dvikālaṃ yaḥ paṭhennityaṃ dhanadhānyasamanvitaḥ || 10 ||

trikālaṃ yaḥ paṭhennityaṃ mahāśatruṃvināśanam | mahālakṣmirbhavennityaṃ prasannā varadā śubhā || 11 ||

itiṃdrakṛtaḥ śrīmahālakṣmyaṣṭakastavaḥ saṃpūrṇaḥ ||

Source: Wikisource · CC BY-SA 4.0

Send us your feedback

Tell us what to improve, what is wrong, or what you liked. We read every message.

About
How useful is Sankh for you? (optional)