Home › Veda Mantras › mantrapuṣpam (taittirīyam)

mantrapuṣpam (taittirīyam)

Mantras · Taittiriya Aranyaka (Krishna Yajurveda) · 28 verses

oṃ dhātā purastādyamudājahāra | śakraḥ pravidvānpradiśaścatasraḥ | tamevaṃ vidvānamṛta iha bhavati | nānyaḥ panthā ayanāya vidyate ||

oṃ sahasraśīrṣaṃ devaṃ viśvākṣaṃ viśvaśambhuvam | viśvaṃ nārāyaṇaṃ devamakṣaraṃ paramaṃ padam | viśvataḥ paramānnityaṃ viśvaṃ nārāyaṇaggṃ harim | viśvamevedaṃ puruṣastadviśvamupajīvati ||

patiṃ viśvasyātmeśvaraggṃ śāśvataggṃ śivamacyutam | nārāyaṇaṃ mahājñeyaṃ viśvātmānaṃ parāyaṇam | nārāyaṇaḥ paro jyotirātmā nārāyaṇaḥ paraḥ | nārāyaṇaḥ paraṃ brahma tattvaṃ nārāyaṇaḥ paraḥ ||

nārāyaṇaḥ paro dhyātā dhyānaṃ nārāyaṇaḥ paraḥ | yacca kiñcijjagatsarvaṃ dṛśyate śrūyate'pi vā | antarbahiśca tatsarvaṃ vyāpya nārāyaṇassthitaḥ | anantamavyayaṃ kaviggṃ samudre'ntaṃ viśvaśambhuvam ||

padmakośapratīkāśaggṃ hṛdayaṃ cāpyadhomukham | adho niṣṭyā vitastyānte nābhyāmupari tiṣṭhati | jvālamālākulaṃ bhātī viśvasyāyatanaṃ mahat | santataggṃ sirābhistu lambatyākośasannibham ||

tasyānte suṣiraggṃ sūkṣmaṃ tasmin sarvaṃ pratiṣṭhitam | tasya madhye mahānagnirviśvārcirviśvatomukhaḥ | so'grabhugvibhajantiṣṭhannāhāramajaraḥ kaviḥ | tiryagūrdhvamadhaśśāyī raśmayastasya santatā ||

santāpayati svaṃ dehamāpādatalamastakaḥ | tasya madhye vahniśikhā aṇīyordhvā vyavasthitā | nīlatoyadamadhyasthā vidyullekheva bhāsvarā | nīvāraśūkavattanvī pītā bhāsvatyaṇūpamā ||

tasyāśśikhāyā madhye paramātmā vyavasthitaḥ | sa brahma sa śivassa harissendrasso'kṣaraḥ paramaḥ svarāṭ ||

yo'pāṃ puṣpaṃ veda | puṣpavānprajāvānpaśumānbhavati | candramā vā apāṃ puṣpam | puṣpavānprajāvānpaśumānbhavati | ya evaṃ veda ||

yo'pāmāyatanaṃ veda | āyatanavānbhavati | agnirvā apāmāyatanam | āyatanavānbhavati | yo'gnerāyatanaṃ veda | āyatanavānbhavati | āpo vā agnerāyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | vāyurvā apāmāyatanam | āyatanavānbhavati | yo vāyorāyatanaṃ veda | āyatanavānbhavati | āpo vai vāyorāyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | asau vai tapannapāmāyatanam | āyatanavānbhavati | yo'muṣya tapata āyatanaṃ veda | āyatanavānbhavati | āpo vā amuṣya tapata āyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | candramā vā apāmāyatanam | āyatanavānbhavati | yaścandramasa āyatanaṃ veda | āyatanavānbhavati | āpo vai candramasa āyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | nakṣatrāṇi vā apāmāyatanam | āyatanavānbhavati | yo nakṣatrāṇāmāyatanaṃ veda | āyatanavānbhavati | āpo vai nakṣatrāṇāmāyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | parjanyo vā apāmāyatanam | āyatanavānbhavati | yaḥ parjanyasyāyatanaṃ veda | āyatanavānbhavati | āpo vai parjanyasyāyatanam | āyatanavānbhavati | ya evaṃ veda ||

yo'pāmāyatanaṃ veda | āyatanavānbhavati | saṃvatsaro vā apāmāyatanam | āyatanavānbhavati | yassaṃvatsarasyāyatanaṃ veda | āyatanavānbhavati | āpo vai saṃvatsarasyāyatanam | āyatanavānbhavati | ya evaṃ veda ||

yo'psu nāvaṃ pratiṣṭhitāṃ veda | pratyeva tiṣṭhati ||

kiṃ tadviṣṇorbalamāhuḥ | kā dīptiḥ kiṃ parāyaṇam | eko yaddhārayaddevaḥ | rejatī rodasī ubhe | vātādviṣṇorbalamāhuḥ | akṣarāddīptirucyate | tripadāddhārayaddevaḥ | yadviṣṇorekamuttamam ||

rājādhirājāya prasahyasāhine | namo vayaṃ vaiśravaṇāya kurmahe | sa me kāmānkāmakāmāya mahyam | kāmeśvaro vaiśravaṇo dadātu | kuberāya vaiśravaṇāya | mahārājāya namaḥ ||

oṃ tadbrahma | oṃ tadvāyuḥ | oṃ tadātmā | oṃ tatsatyam | oṃ tatsarvam | oṃ tatpurornamaḥ ||

antaścarati bhūteṣu guhāyāṃ viśvamūrtiṣu | tvaṃ yajñastvaṃ vaṣaṭkārastvamindrastvaggṃ rudrastvaṃ viṣṇustvaṃ brahma tvaṃ prajāpatiḥ | tvaṃ tadāpa āpo jyotī raso'mṛtaṃ brahma bhūrbhuvassuvarom ||

īśānassarvavidyānāmīśvarassarvabhūtānāṃ | brahmādhipatirbrahmaṇo'dhipatirbrahmā śivo me astu sadāśivom ||

tadviṣṇoḥ paramaṃ padaggṃ sadā paśyanti sūrayaḥ | divīva cakṣurātatam | tadviprāso vipanyavo jāgṛvāggṃsassamindhate | viṣṇoryatparamaṃ padam ||

ṛtaggṃ satyaṃ paraṃ brahma puruṣaṃ kṛṣṇapiṅgalam | ūrdhvaretaṃ virūpākṣaṃ viśvarūpāya vai namo namaḥ ||

oṃ nārāyaṇāya vidmahe vāsudevāya dhīmahi | tanno viṣṇuḥ pracodayāt ||

mahādevyai ca vidmahe viṣṇupatnī ca dhīmahi | tanno lakṣmīḥ pracodayāt ||

ākāśātpatitaṃ toyaṃ yathā gacchati sāgaram | sarvadevanamaskāraḥ keśavaṃ pratigacchati ||

oṃ śāntiśśāntiśśāntiḥ ||

Source: Wikisource · CC BY-SA 4.0

Send us your feedback

Tell us what to improve, what is wrong, or what you liked. We read every message.

About
How useful is Sankh for you? (optional)