||mantrapuṣpāñjaliḥ||
oṃ yajñena yajñamayajanta devāstāni dharmāṇi prathamānyāsan | te ha nākaṃ mahimānaḥ sacanta yatra pūrve sādhyāḥ santi devāḥ ||
oṃ rājādhirājāya prasahyasāhine | namo vayaṃ vaiśravaṇāya kurmahe | sa me kāmānkāmakāmāya mahyam | kāmeśvaro vaiśravaṇo dadātu | kuberāya vaiśravaṇāya | mahārājāya namaḥ ||
oṃ svasti | sāmrājyaṃ bhaujyaṃ svārājyaṃ vairājyaṃ pārameṣṭhyaṃ rājyaṃ mahārājyamādhipatyamayaṃ samantaparyāyī syātsārvabhaumaḥ sārvāyuṣa āntādāparārdhāt | pṛthivyai samudraparyantāyā ekarāḻiti ||
tadapyeṣa śloko'bhigīto marutaḥ pariveṣṭāro maruttasyāvasangṛhe | āvikṣitasya kāmaprerviśvedevāḥ sabhāsada iti ||
oṃ viśvataścakṣuruta viśvatomukho viśvatobāhuruta viśvataspāt | saṃ bāhubhyāṃ dhamati saṃ patatrairdyāvābhūmī janayandeva ekaḥ ||
Source: Wikisource · CC BY-SA 4.0