śrīrāmāṣṭottaraśatanāmastotram
Ashtottarams (108 names) · 21 verses
śrīrāghavaṃ daśarathātmajamaprameyaṃ sītāpatiṃ raghukulānvayaratnadīpam | ājānubāhumaravindadalāyatākṣaṃ rāmaṃ niśācaravināśakaraṃ namāmi ||
vaidehīsahitaṃ suradrumatale haime mahāmaṇḍape madhye puṣpakamāsane maṇimaye vīrāsane susthitam | agre vācayati prabhañjanasute tattvaṃ munibhyaḥ paraṃ vyākhyāntaṃ bharatādibhiḥ parivṛtaṃ rāmaṃ bhaje śyāmalam ||
śrīrāmo rāmabhadraśca rāmacandraśca śāśvataḥ | rājīvalocanaḥ śrīmān rājendro raghupuṅgavaḥ || 1 ||
jānakīvallabho jaitro jitāmitro janārdanaḥ | viśvāmitrapriyo dāntaḥ śatrujicchatrutāpanaḥ || 2 ||
vālipramathano vāgmī satyavāk satyavikramaḥ | satyavrato vratadharaḥ sadā hanumadāśritaḥ || 3 ||
kausaleyaḥ kharadhvaṃsī virādhavadhapaṇḍitaḥ | vibhīṣaṇaparitrātā harakodaṇḍakhaṇḍanaḥ || 4 ||
saptatālaprabhettā ca daśagrīvaśiroharaḥ | jāmadagnyamahādarpadalanastāṭakāntakaḥ || 5 ||
vedāntasāro vedātmā bhavarogasya bheṣajam | dūṣaṇatriśiro hantā trimūrtistriguṇātmakaḥ || 6 ||
trivikramastrilokātmā puṇyacāritrakīrtanaḥ | trilokarakṣako dhanvī daṇḍakāraṇyapāvanaḥ || 7 ||
ahalyāśāpaśamanaḥ pitṛbhakto varapradaḥ | jitendriyo jitakrodho jitāmitro jagadguruḥ || 8 ||
ṛkṣavānarasaṃghātī citrakūṭasamāśrayaḥ | jayantatrāṇavaradaḥ sumitrāputrasevitaḥ || 9 ||
sarvadevādidevaśca mṛtavānarajīvanaḥ | māyāmārīcahantā ca mahādevo mahābhujaḥ || 10 ||
sarvadevastutaḥ saumyo brahmaṇyo munisaṃstutaḥ | mahāyogī mahodāraḥ sugrīvepsitarājyadaḥ || 11 ||
sarvapuṇyādhikaphalaḥ smṛtasarvāghanāśanaḥ | ādidevo mahādevo mahāpūruṣa eva ca || 12 ||
puṇyodayo dayāsāraḥ purāṇapuruṣottamaḥ | smitavaktro mitābhāṣī pūrvabhāṣī ca rāghavaḥ || 13 ||
anantaguṇagambhīro dhīrodāttaguṇottamaḥ | māyāmānuṣacāritro mahādevādipūjitaḥ || 14 ||
setukṛjjitavārīśaḥ sarvatīrthamayo hariḥ | śyāmāṅgaḥ sundaraḥ śūraḥ pītavāsā dhanurdharaḥ || 15 ||
sarvayaṅyadhipo yajvā jarāmaraṇavarjitaḥ | śivaliṅgapratiṣṭhātā sarvāvaguṇavarjitaḥ || 16 ||
paramātmā paraṃ brahma saccidānandavigrahaḥ | paraṃ jyotiḥ paraṃdhāma parākāśaḥ parātparaḥ || 17 ||
pareśaḥ pāragaḥ pāraḥ sarvadevātmakaḥ paraḥ ||
|| iti śrīrāmāṣṭottaraśatanāmastotraṃ sampūrṇam ||
Source: Wikisource · CC BY-SA 4.0