Home › Veda Mantras › śrīśivasahasranāmastotram (mahābhāratam)

śrīśivasahasranāmastotram (mahābhāratam)

Sahasranamams (1000 names) · 184 verses

|| śrīśivasahasranāmastotram ||

vande śaṃbhumumāpatiṃ suraguruṃ vande jagatkāraṇaṃ vande pannagabhūṣaṇaṃ mṛgadharaṃ vande paśūnāṃ patim | vande sūryaśaśāṅkavahninayanaṃ vande mukundapriyaṃ vande bhaktajanāśrayaṃ ca varadaṃ vande śivaṃ śaṅkaram vāsudevaḥ- tatassa prayato bhūtvā mama tāta yudhiṣṭhira | prāñjaliḥ prāha viprarṣināmasaṃgrahamāditaḥ ||

upamanyuḥ- brahmaproktairṛṣiproktairvedavedāṅgasaṃbhavaiḥ| sarvalokeṣu vikhyātaṃ stutyaṃ stoṣyāmi nāmabhiḥ||

mahadbhirvihitaissatyaissiddhaissarvārthasādhakaiḥ| ṛṣiṇā taṇḍinā bhaktyā kṛtairvedakṛtātmanā ||

yathoktaissādhubhiḥ khyātairmunibhistattvadarśibhiḥ | pravaraṃ prathama svargyaṃ sarvabhūtahitaṃ śubham ||

śrutaissarvatra jagati brahmalokāvatāritaiḥ| satyaistatparamaṃ brahma brahmaproktaissanātanam ||5

vakṣye yadukulaśreṣṭha śṛṇuṣvāvahito mama | varayainaṃ bhavaṃ devaṃ bhaktasvaṃ parameśvaram ||6

tena te śrāvayiṣyāmi yattadbrahma sanātanam | na śakyaṃ vistarātkṛtsnaṃ vaktuṃ śarvasya kenacit || 7

yuktenāpi vibhūtīnāmapi varṣaśatairapi | yasyādimadhyamāntāni gamyante na surairapi ||8

kastasya śaknuyādvaktuṃ guṇān kārtsnyena mādhava | kintu devasya mahatassaṅkṣiptārthapadākṣaram ||9

śaktitaścaritaṃ vakṣye prasādāttasya dhīmataḥ| aprāpya tu tato'nujñāṃ na śakyaḥ stotumīśvaraḥ ||10

yadā tenābhyanujñātasstuto vai sa tadā mayā | anādinidhanasyāhaṃ jagadyonermahātmanaḥ ||11

nāmnāṃ kiñcitsamuddeśaṃ vakṣyāmyavyaktayoninaḥ | varadasya vareṇyasya viśvarūpasya dhīmataḥ || 12

śṛṇu nāmnāṃ cayaṃ kṛṣṇa yaduktaṃ padmayoninā | daśanāmasahasrāṇi yānyāha prapitāmahaḥ || 13

tāni nirmathya manasā dadhno ghṛtamivoddhṛtam | giressāraṃ yathā hema puṣpasāraṃ yathā madhu || 14

ghṛtātsāraṃ yathā maṇḍaṃ tathaitassāramuddhṛtam | sarvapāpāpahamidaṃ caturvedasamanvitam || 15

prayatnenādhigantavyaṃ dhārṃya ca prayatātmanā | māṅgaḻyaṃ pauṣṭikaṃ caiva rakṣoghnaṃ pāvanaṃ mahat || 16

idaṃ bhaktāya dātavyaṃ śraddhayā'nāstikāya ca | nāśraddadhānarūpāya nāstikāyājitātmane ||17

yaścābhyasūyate devaṃ kāraṇātmānamīśvaram | sa kṛṣṇa narakaṃ yāti saha pūrvaissahātmajaḥ || 18

idaṃ dhyānamidaṃ yogamidaṃ dhyeyamanuttamam | idaṃ japyamidaṃ jñānaṃ rahasyamidamuttamam ||19

yaṃ jñātvā hyantakāle'pi gaccheta paramāṃ gatim | pavitraṃ maṅgaḻaṃ medhyaṃ kalyāṇamidamuttamam ||20

idaṃ brahmā purā kṛtvā sarvalokapitāmahaḥ | sarvastavānāṃ rājatve divyānāṃ samakalpayat || 21

tadāprabhṛti caivāyamīśvarasya mahātmanaḥ | stavarāja iti khyāto jagatyamarapūjitaḥ || 22

brahmalokādayaṃ svarge stavarājo'vatāritaḥ| yatastaṇḍiḥ purā prāpa tena taṇḍikṛto'bhavat ||23

svargāścaivātra bhūlokaṃ taṇḍinā hyavatāritaḥ | sarvamaṅgaḻamāṅgalyaṃ sarvapāpapraṇāśanam ||24

nigadiṣye mahābāho stavānāmuttamaṃ stavam | brahmaṇāmapi yadbrahma parāṇāmapi yatparam ||25

tejasāmapi yattejastapasāmapi yattapaḥ | śāntānāmapi yaśśānto dyutīnāmapi yā dyutiḥ||26

dāntānāmapi yo dānto dhīmatāmapi yā ca dhīḥ | devānāmapi yo deva ṛṣīṇāmapi yastvṛṣiḥ || 27

yajñānāmapi yo yajñaśiśavānāmapi yaśśivaḥ | rudrāṇāmapi yo rudraḥ prabhā prabhavatāmapi ||28

yogināmapi yo yogī kāraṇānāṃ ca kāraṇam | yato lokāssambhavanti na bhavanti yataḥ punaḥ|| 29

sarvabhūtātmabhūtasya harasyāmitatejasaḥ | aṣṭottarasahasraṃ tu nāmnāṃ sarvasya me śṛṇu ||30

yacchrutvā manujavyāghra sarvān kāmānavāpsyasi | sthiraḥ sthāṇuḥ prabhurbhīmaḥ pravaro varado varaḥ || 31

sarvātmā sarvavikhyātaḥ sarvassarvakaro bhavaḥ | jaṭī carmī śikhaṇḍī ca sarvāṅgassarvabhāvanaḥ || 32

haraśca hariṇākṣaśva sarvabhūtaharaḥ prabhuḥ| pravṛttiśca nivṛttiśca niyataśśāśvato dhruvaḥ ||33

śmaśānavāsī bhagavān khacaro gocaro'rdanaḥ | abhivādyo mahākarmā tapasvī bhūtabhāvanaḥ ||34

unmattaveṣaḥ pracchannassarvalokaprajāpatiḥ| mahārūpo mahākāyo vṛṣarūpo mahāyaśāḥ ||35

mahātmā sarvabhūtātmā viśvarūpo mahāhanu | lokapālo'ntarhitātmā prasādo nīlalohitaḥ ||36

pavitraṃ ca mahāṃścaiva niyamo niyamāśritaḥ| sarvakarmā svayaṃbhūta ādirādikaro nidhiḥ ||37

sahasrākṣo viśālākṣassomo nakṣatrasādhakaḥ | candrassūryaśśaniḥ keturgraho grahapatirvaraḥ ||38

ādiranto layaḥ kartā mṛgabāṇārpaṇo'naghaḥ | mahātapā ghoratapā adīno dīnasādhakaḥ || 39

saṃvatsarakaro mantraḥ pramāṇaṃ paramaṃ tapaḥ| yogī yojyo mahābījo mahāretā mahābalaḥ || 40

suvarṇaretāssarvajñassubījo bījavāhanaḥ | daśabāhussvanimiṣo nīlakaṇṭha umāpatiḥ||41

viśvarūpasvayaṃśreṣṭho balavīro balo gaṇaḥ | gaṇakartā gaṇapatirdigvāsāḥ kāma eva ca || 42

mantravitparamo mantraḥ sarvabhāvakaro haraḥ| kamaṇḍaludharo dhanvī bāṇahastaḥ kapālavān || 43

aśanī śataghnī khaḍgī paṭṭiśī cāyudhī mahān | suvahastassurūpaśca tejastejaskaro nidhiḥ ||44

uṣṇīṣī va suvaktraśca udagro vinatastathā | dīrghaśca harikeśaśca sutīrthaḥ kṛṣṇa eva ca ||45

sṛgālarūpaḥ siddhārtho muṇḍassarvaśubhaṅkaraḥ | ajaśca bahurūpaśca gaṅgādhārī kapardyapi ||46

ūrdhvaretā ūrdhvaliṅga ūrdhvaśāyī nabhaḥ sthalaḥ | trijaṭaścīravāsāśca rudrassenāpatirvibhuḥ ||47

naktañcaro'haścaraśca tigmamanyussuvarcasaḥ | gajahā daityahā kālo lokadhātā guṇākaraḥ|| 48

siṃhaśārdūlarūpaśca vyāghracarmāmbarāvṛtaḥ | kālayogī mahānāthassarvakāmaścatuṣpathaḥ ||49

niśācaraḥ pretarājo bhūtacārī maheśvaraḥ| bahubhūto bahudharaḥ svarbhānuramito gatiḥ ||50

nṛtyapriyo nityanarto nartakassavalālasaḥ| mahāghoratapāśśūro nityo'nīho nirālayaḥ|| 51

sahasrahasto vijayo vyavasāyo hyatandritaḥ | amarṣaṇo'marṣaṇātmā yajñahā kāmanāśakaḥ || 52

dakṣayāgāpahārī ca susaho madhyamastathā | tejopahārī balahā mudito'rtho'jitā varaḥ || 53

gambhīraghoṣo gambhīro gambhīrabalavāhanaḥ | nyagrodharūpo nyagrodhavṛkṣakarṇasthitirvibhuḥ || 54

sutīkṣṇadaśanaścaiva mahākāyo mahānanaḥ | viṣvakseno hariyajñassaṃyugāpīḍavāhanaḥ ||55

tīkṣṇatāpaśca haryaśvassahāyaḥ karmakālavit | viṣṇuprasādito yajñassamudro baḍabāmukhaḥ ||56

hutāśanasahāyaśca praśāntātmā hutāśanaḥ | ugratejā mahātejā janyo vijayakālavit ||57

jyotiṣāmayanaṃ siddhissarvavigraha eva ca | śikhī muṇḍī jaṭī jvālī mūrtijo mūrdhago balī ||58

vaiṣṇavaḥ prajavī tāḻī khelī kālakaṭaṅkaṭaḥ| nakṣatravigrahamatirguṇabuddhirlayo'gamaḥ || 59

prajāpatirviśvabāhurvibhāgaḥ sarvatomukhaḥ| vimocanassumaraṇo hiraṇyakavacodbhavaḥ ||60

meghajo balacārīca mahīcārī stutastathā | sarvatūryavinodī ca sarvavādyaparigrahaḥ || 61

vyāḻarūpo guhāvāsī grahamālī taraṅgavit | tridaśaḥ kāladṛkkarmasarvabandhavimocanaḥ || 62

bandhanastvasurendrāṇāṃ yudhi śatruvināśanaḥ| sāṃkhyaprasādo durvāsāssarvasādhuniṣevitaḥ ||63

praskandano vibhāgajño hyatulyo yajñabhāgavit | sarvavāsassarvacārī durvāsā vāsavo'maraḥ || 64

haimo hemakaro yajñassarvadhārī dharottamaḥ | lohitākṣo mahākṣaśva vijayākṣo viśāradaḥ || 65

saṃgraho nigrahaḥ kartā sarpacīranivāsanaḥ | mukhyo'mukhyaśca dehaśca kāhaḻissarvakāmadaḥ || 66

sarvakālaprasādaśca subalo balarūpabhṛt | sarvakāmapradaścaiva sarvadassarvatomukhaḥ ||67

ākāśanirvirūpaśca nipāto hyavaśaḥ khagaḥ | raudrarūpoṃ'śurādityo bahuraśmissuvarcasī || 68

vasuvego mahāvego manovego niśācaraḥ| sarvavāsī śriyāvāsī upadeśakaro'karaḥ || 69

munirātmā nirālokassambhagnaśca sahasradaḥ | pakṣī ca plakṣarūpaśca atidīpto viśāṃ patiḥ||70

unmādo madanaḥ kāmo hyaśvattho'rthakaro yaśaḥ| vāmadevaśca vāmaśca prāgdakṣiṇa udaṅmukhaḥ ||71

siddhayogī maharṣiśca siddhārthassiddhasādhakaḥ| bhikṣuśca bhikṣurūpaśca vipago mṛduravyayaḥ ||72

mahāseno viśākhaśca ṣaṣṭibhāgo gavāṃ patiḥ | vajrahastaśva viṣkambhī camūstambhana eva ca ||73

vṛttavṛttakarastālo madhurmadhukalocanaḥ | vācaspatyo vājasano nityamāśritapūjitaḥ ||74

brahmacārī lokacārī sarvacārī vicāravit | īśāna īśvaraḥ kālo niśācārī pinākabhṛt || 75

nimittastho nimittaṃ ca nandirnandikaro hariḥ| nandīśvaraśca nandī ca nandano nandivardhanaḥ || 76

bhagahārī nihantā ca kālo brahmā pitāmahaḥ | caturmukho mahāliṅgaścāruliṅgastathaiva ca ||77

liṅgādhyakṣassurādhyakṣo yogādhyakṣo rugāvahaḥ | bījādhyakṣo bījakartā adhyātmānugato balaḥ ||78

itihāsassakalpaśca gautamo'tha niśākaraḥ | danbho hyadambho vaidambho vaśyo vaśakaraḥ kaliḥ||79

lokakartā paśupatirmahākartā hyanauṣadhaḥ | akṣaraṃ paramaṃ brahma balavān śakta eva ca ||80

nītirhyanītiśśuddhāmā śuddho mānyo gatāgataḥ | bahuprasādassusvapno darpaṇo'tha tvamitrajit ||81

vedakāro mantrakāro viddhānsamaramardanaḥ| mahāmeghanivāsī ca mahāghoro vaśīkaraḥ || 82

agnijvālo mahājvālo hyatidhūmro huto haviḥ | vṛṣabhaśśaṅkaro nityaṃ varcasvī dhūmaketanaḥ || 83

nīlastathāṅgalubdhaśca śobhano niravagrahaḥ| svastidassvastibhāgaśca bhāgī bhāgakaro laghuḥ|| 84

utsaṅgaśca mahāṅgaśca mahāgarbhaparāyaṇaḥ | kṛṣṇavarṇassuvarṇaśca indriyaṃ sarvadehinām ||85

mahāpādo mahāhasto mahākāyo mahāyaśāḥ | mahāmūrdhī mahāmātro mahānetrī niśālayaḥ ||86

mahāntako mahākarṇo mahoṣṭhaśca mahāhanuḥ | mahānāso mahākamburmahāgrīvaśśmaśānabhāk ||87

mahāvakṣā mahorasko hyantarātmā mṛgālayaḥ | lambano lambitoṣṭhaśca mahāmāyaḥ payonidhiḥ|| 88

mahādanto mahādaṃṣṭro mahājihvo mahāmukhaḥ | mahānakho mahāromā mahākeśo mahājaṭaḥ ||89

prasannaśca prasādaśca pratyayo girisādhanaḥ | snehano'snehanaścaiva ajitaśca mahāmuniḥ || 90

vṛkṣākāro vṛkṣaketuranalo vāyuvāhanaḥ | gaṇḍalī merudhāmā ca devādhipatireva ca ||91

atharvaśīrṣassāmāsya ṛksahasrāmitekṣaṇaḥ | yajuḥpādabhujo guhyaḥ prakāśo jaṅgamastathā || 92

amoghārthaḥ prasādaśca abhigamyassudarśanaḥ | upakāraḥ priyassarvaḥ kanakaḥ kāñcanacchaviḥ || 93

nābhirnandikaro bhāvaḥ puṣkarasthapatiḥ sthiraḥ | dvādaśastrāsanaścādyo yajño yajñasamāhitaḥ ||94

naktaṃ kaliśca kālaśca makaraḥ kālapūjitaḥ| sagaṇo gaṇakāraśca bhūtavāhanasārathiḥ || 95

bhasmāśayo bhasmagoptā bhasmabhūtastarurgaṇaḥ | lokapālastathā loko mahātmā sarvapūjitaḥ || 96

śuklastriśuklasampannaśśucirbhūtaniṣevitaḥ | āśramasthaḥ kriyāvastho viśvakarmamatirvaraḥ ||97

viśālaśākhastāmroṣṭhohyambujālassuniścalaḥ | kapilā kapiśaśśukla āyuścaiva paro'paraḥ ||98

gandharvo hyaditistārkṣyassuvijñeyassuśāradaḥ | paraśvadhāyudho devo hyanukārī subāndhavaḥ ||99

tumbavīṇo mahākrodho ūrdhvaretā jaleśayaḥ| ugro vaśaṅkaro vaṃśo vaṃśanādo hyaninditaḥ || 100

sarvāṅgarūpo māyāvī suhṛdo hyanilo'nalaḥ | bandhano bandhakartā ca subandhanavimocanaḥ || 101

sa yajñārissa kāmārirmahādaṃṣṭro mahāyudhaḥ | bahudhā'ninditassarvaśśaṅkaraścandraśekharaḥ ||102

amareśo mahādevo viśvadevassurārihā | ahirbudhnyo'nilābhaśca cekitāno haristathā ||103

ajaikapācca kāpālī triśaṅkurajitaśiśavaḥ | dhanvantarirdhūmaketusskando vaiśravaṇastathā ||104

dhātā śakraśca viṣṇuśca mitrastvaṣṭā dhruvo dharaḥ | prabhāvassarvago vāyuraryamā savitā raviḥ || 105

uṣaṅguśca vidhātā ca māndhātā bhūtabhāvanaḥ | vibhurvarṇavibhāvī ca sarvakāmaguṇāvahaḥ || 106

padmanābho mahāgarbhaścandravaktro'nilo'nalaḥ| balavāṃścopaśāntaśca purāṇaḥ puṇyacañcurī || 107

kurukartā kuruvāsī kurubhūto guṇauṣadhaḥ | sarvāśayo darbhacārī sarveṣāṃ prāṇināṃ patiḥ || 108

devadevassukhāsaktassadasatsarvaratnavit | kailāsagirivāsī ca himavadbhirisaṃśrayaḥ ||109

kūlahārī kūlakartā bahuvidyo bahudaḥ| vaṇijo vardhakī vṛkṣo vakuḻaścandanacchadaḥ || 110

sāragrīco mahājatruralolaśca mahauṣadhaḥ | siddhārthakārī siddhārthaśchandovyākaraṇottaraḥ || 111

siṃhanādassiṃhadaṃṣṭrassiṃhagassiṃhavāhanaḥ | prabhāvātmā jagatkālaḥ kālo lokahitastaraḥ||112

sārāṅgo navacakrāṅgaḥ ketumālī sabhāvanaḥ | bhūtālayo bhūtapatirahorātramaninditaḥ ||113

vardhitassarvabhūtānāṃ nilayaśca vibhurbhavaḥ | amoghassaṃyato hyaśvo bhojanaḥ prāṇadhāraṇaḥ ||114

dhṛtimān matimān dakṣaḥ satkṛtaśca yugādhipaḥ | gopālī gopatirgrāmo gocarmavasano hariḥ || 115

hiraṇyabāhuśca tathā guhāpālaḥ praveśakaḥ | prakṛṣṭārirmahāharṣo jitakāmo jitendriyaḥ || 116

gāndhāraśca suvāsaśca tapassakto ratirnaraḥ | mahāgīto mahānṛtyo hypsarogaṇasevitaḥ || 117

mahāketurmahādhāturnaikasānucaraścalaḥ | āvedanīya āveśaḥ sarvagandhasukhāvahaḥ || 118

toraṇastāraṇo vātaḥ paridhīpatikhecaraḥ| saṃyogo vardhano vṛddho hyativṛddho guṇādhikaḥ ||119

nitya ātmā sahāyaśca devāsurapatiḥ patiḥ | yuktaśca yuktabāhuśca devo divi suparvaṇaḥ ||120

āṣāḍhaśca suṣāḍhaśca dhruvo'tha hariṇo haraḥ| vapurāvartamānebhyo vasuśreṣṭho mahāpathaḥ ||121

śirohārī vimarśaśca sarvalakṣaṇalakṣitaḥ| akṣaśca rathayogī ca sarvayogī mahābalaḥ || 122

samāmnāyo'samāmnāyastīrthadevo mahārathaḥ| nirjīvo jīvano mantraśśubhākṣo bahukarkaśaḥ ||123

ratnaprabhūto raktāṅgo mahārṇavanipānavit | mūlaṃ viśālo hyamṛto vyaktāvyaktastaponidhiḥ ||124

ārohaṇo'dhirohaśva śīladhārī mahāyaśāḥ| senākalpe mahākalpe yogo yogakaro hariḥ || 125

yugarūpo mahārūpo mahānāgahano vadhaḥ | nyāyanirvapaṇaḥ pādaḥ paṇḍito hyacalopamaḥ ||126

bahumālo mahāmālaśśaśī harisulocanaḥ | vistāro lavaṇaḥ kūpastriyugaḥ saphalodayaḥ || 127

trilocano viṣaṇṇāṅgo maṇividdhau jaṭādharaḥ | bindurvisargassumukhaḥ śarassarvāyudhassahaḥ || 128

nivedanassukhājātaḥ sugandhāro mahādhanuḥ | gandhapālī ca bhagavānutthānassarvakarmaṇām || 129

manthāno bahuḻo vāyuḥ sakalassarvalocanaḥ | talastāla karasthālī ūrdhvasaṃhanano mahān || 130

chatraṃ suchatro vikhyāto lokassarvāśrayaḥ kramaḥ | muṇḍo virūpo vikṛto daṇḍī kuṇḍī vikurvaṇaḥ ||131

haryakṣaḥ kakubho vajrī śatajihvassahasrapāt | sahasramūrdhā devendrassarvadevamayo guruḥ ||132

sahasrabāhussarvāṅgaḥ śaraṇyassarvalokakṛt | pavitraṃ trikakunmantraḥ kaniṣṭhaḥ kṛṣṇapiṅgaḻaḥ ||133

brahmadaṇḍavinirmātā śataghnīpāśaśaktimān | padmagarbho mahāgarbho brahmagarbho jalodbhavaḥ || 134

gabhastirbrahmakṛdbrahma brahmavidbrāhmaṇo gatiḥ| anantarūpaścaikātmā tigmatejāssvayambhuvaḥ || 135

ūrdhvagātmā paśupatirvātaraṃhā manojavaḥ | candanī padmanāḻāgrassurabhyuttaraṇo naraḥ ||136

karṇikāramahāsragvī nīlamauḻiḥ pinākabhṛt | umāpatirumākānto jāhnavībhṛdumādhavaḥ ||137

varo varāho varado vareṇyassumahāsvanaḥ | mahāprasādo damanaḥ śatruhā śvetapiṅgaḻaḥ ||138

prītātmā paramātmā ca prayatātmā pradhānadhṛt | sarvapārśvasukhastryakṣo dharmasādhāraṇo varaḥ||139

carācarātmā sūkṣmātmā amṛto govṛṣeśvaraḥ | sādhyarṣirvasurādityo vivasvān savitā'mṛtaḥ ||140

vyāsassargassusaṅkṣepo vistaraḥ paryayo naraḥ | ṛtussaṃvatsaro māsaḥ pakṣassaṃkhyāsamāpanaḥ ||141

kaḻā kāṣṭhā lavā mātrā muhūrtāhaḥkṣapākṣaṇāḥ | viśvakṣetraṃ prajābīja liṅgamādyassunirgamaḥ ||142

sadasadvyaktamavyaktaṃ pitā mātā pitāmahaḥ | svargadvāraṃ prajādvāraṃ mokṣadvāraṃ triviṣṭapam ||143

nirvāṇaṃ hlādanaścaiva brahmalokaḥ parā gatiḥ | devāsuravinirmātā devāsuraparāyaṇaḥ ||144

devāsuragururdevo devāsuranamaskṛtaḥ | devāsuramahāmātro devāsuragaṇāśrayaḥ ||145

devāsuragaṇādhyakṣo devāsuragaṇāgraṇīḥ | devādidevo devarṣirdevāsuravarapradaḥ ||146

devāsureśvaro viśvo devāsuramaheśvaraḥ | sarvadevamayo'cintyo devatātmātmasambhavaḥ || 147

ūdbhittrivikramo vaidyo virajo nīrajo'maraḥ | īḍyo hastīśvaro vyāghro devasiṃho nararṣabhaḥ||148

vibudho'gravarassūkṣmassarvadevastapomayaḥ | suyuktaśśobhano vajrī prāsānāṃ prabhavo'vyayaḥ ||149

guhaḥ kānto nijassargaḥ pavitraṃ sarvapāvanaḥ | śṛṅgī śṛṅgapriyo babhrū rājarājo nirāmayaḥ || 150

abhirāmassuragaṇo virāmassarvasādhanaḥ | lalāṭākṣo viśvadevo hariṇo brahmavarcasaḥ || 111

sthāvarāṇāṃ patiścaiva niyamendriyavardhanaḥ | siddhārthassiddhabhūtārtho'cintyassatyavrataśśuciḥ||152

vratadhipaḥ paraṃ brahma bhaktānugrahakārakaḥ | vimukto muktatejāśca śrīmān śrīvardhano jagat ||153

yathāpradhānaṃ bhagavāniti bhakttyā stuto mayā | yaṃ na brahmādayo devā vidustatvena narṣayaḥ|| 154

stotavyamarcyaṃ vandyaṃ ca kaḥ stoṣyati jagatpatim | bhakttyā tvevaṃ puraskṛtya mayā yajñapatirvibhuḥ ||155

tato'bhyanujñā samprāpya stuto matimatāṃ varaḥ| śivamebhiḥ stuvan devaṃ nāmabhiḥ puṣṭivardhanaiḥ ||156

nityayuktaśśucirbhūtaḥ prāpnotyātmānamātmanā | etaddhi paramaṃ brahma paraṃ brahmādhigacchati ||157

ṛṣayaścaiva devāśca stuvantyetena tatparāḥ | stūyamāno mahādevastuṣyate niyatātmabhiḥ || 158

bhaktānukampī bhagavānātmasaṃsthākaro vibhuḥ| tathaiva ca manuṣyeṣu ye manuṣyāḥ pradhānataḥ || 159

āstikāśśraddadhānāśca bahubhirjanmabhisstavaiḥ| bhaktyā hyananyamīśānaṃ paraṃ devaṃ sanātanam || 160

karmaṇā manasā vācā bhāvenāmitatejasaḥ | śayānā jāgramāṇāśca vrajannupaviśaṃstathā ||161

unmiṣannimiṣaṃścaiva cintayantaḥ punaḥ punaḥ | śṛṇvantaśśrāvayantaśca kathayantaśca te bhavam || 162

stuvantasstūyamānāśca tuṣyanti ca ramanti ca | janmakoṭisahasreṣu nānāsaṃsārayoniṣu || 163

jantorvigatapāpasya bhave bhaktiḥ prajāyate | utpannā ca bhave bhaktirananyā sarvabhāvataḥ || 164

bhāvinaḥ kāraṇaṃ cāsya sarvamuktasya sarvadā | etaddeveṣu duṣpāpaṃ manuṣyeṣu na labhyate ||165

nirvighnā nirmalā rudre bhaktiravyabhicāriṇī| tasyaiva ca prasādena bhaktirutpadyate nṛṇām || 166

yena yānti parāṃ siddhiṃ tadbhāvagatacetasaḥ | yaṃ sarvabhāvānugatāḥ prapadyante maheśvaram ||167

prapannavatsalo devasaṃsārāttān samuddharet | evamanye na kurvanti devāssaṃsāramocanam || 168

manuṣyāṇāmṛte devaṃ nānyā śaktistapobalam | iti tenendrakalpena bhagavān sadasatpatiḥ || 169

kṛttivāsāsstutaḥ kṛṣṇa taṇḍinā śubhabuddhinā| stavametaṃ bhagavato brahmā svayamadhārayat ||170

gīyate ca sa budhyeta brahmaśaṅkarasannidhau | idaṃ puṇyaṃ pavitraṃ ca sarvadā pāpanāśanam || 171

yogadaṃ mokṣadaṃ caiva svargadaṃ toṣadaṃ tathā | evametatpaṭhante ya ekabhaktyā tu śaṅkaram || 172

yā gatissāṃkhyayogānāṃ vrajante tāṃ gatiṃ tathā | stavamenaṃ prayatnena sadā rudrasya sannidhau ||173

abdamekaṃ caredbhaktaḥ prāpnuyādīpsitaṃ phalam | etadrahasyaṃ paramaṃ brahmaṇo hṛdi saṃsthitam ||174

brahmā provāca śakrāya śakraḥ provāca mṛtyave| mṛtyuḥ provāca rudrebhyo rudrebhyastaṇḍimāgamat||175

mahatā tapasā prāptaṃ taṇḍinā brahmasadmani | taṇḍiḥ provāca śukrāya gautamāya ca bhārgavaḥ||176

vaivasvatāya manave gautamaḥ prāha mādhava | nārāyaṇāya sādhyāya manuriṣṭāya dhīmate || 177

yamāya prāha bhagavān sādhyo nārāyaṇo'cyutaḥ| nāciketāya bhagavānāha vaivasvato yamaḥ|| 178

mārkaṇḍeyāya vārṣṇeya nāciketo'bhyabhāṣata | mārkaṇḍeyānmayā prāpto niyamena janārdana ||179

tavāpyahamamitranaghna stavaṃ dadyāṃ hyaviśrutam | svaryamārogyamāyuṣyaṃ dhanyaṃ vedena sammitam || 180

nāsya vighnaṃ vikurvanti dānavā yakṣarākṣasāḥ | piśācā yātudhānā vā guhyakā bhujagā api ||

yaḥ paṭheta śuciḥ pārtha brahmacārī jitendriyaḥ| abhagnayogo varṣaṃ tu so'śvamedhaphalaṃ labhet || 182

iti śrīmanmahābhārate ānuśāsanikaparvaṇi dānadharmaparvaṇi śrīśivasahasranāmastotraratnakathanaṃ nāma saptadaśo'dhyāyaḥ śrīśivasahasranāmastotraratnaṃ samāptam ||

Source: Wikisource · CC BY-SA 4.0

Send us your feedback

Tell us what to improve, what is wrong, or what you liked. We read every message.

About
How useful is Sankh for you? (optional)