śrīrudram (namakam)
Vedic Suktams · Taittiriya Samhita (Krishna Yajurveda) · 27 verses
namaste rudra manyava uto ta iṣave namaḥ | namaste astu dhanvane bāhubhyāmuta te namaḥ | yā ta iṣuḥ śivatamā śivambabhūva te dhanuḥ | śivā śaravyā yā tava tayā no rudra mṛḍaya | yā te rudra śivā tanūraghorāpāpakāśinī | tayā nastanuvā śaṃtamayā giriśantābhi cākaśīhi | yāmiṣuṃ giriśanta haste
bibharṣyastave | śivāṃ giritra tāṃ kuru mā higṃsīḥ puruṣaṃ jagat | śivena vacasā tvā giriśācchā vadāmasi | yathā naḥ sarvamijjagadayakṣmagṃ sumanā asat | adhyavocadadhivaktā prathamo daivyo bhiṣak | ahīgṃśca sarvāñjambhayantsarvāśca yātudhānyaḥ | asau yastāmro aruṇa uta babhruḥ sumaṅgalaḥ | ye cemāgṃ rudrā abhito dikṣu
śritāḥ sahasraśo'vaiṣāgṃ heḍa īmahe | asau yo'vasarpati nīlagrīvo vilohitaḥ | utainaṃ gopā adṛśannadṛśannudahāryaḥ | utainaṃ viśvā bhūtāni sa dṛṣṭo mṛḍayāti naḥ | namo astu nīlagrīvāya sahasrākṣāya mīḍhuṣe | atho ye asya satvāno'haṃ tebhyo'karaṃ namaḥ | pra muñca dhanvanastvamubhayorārtniyorjyām | yāśca te hasta iṣavaḥ
parā tā bhagavo vapa | avatatya dhanustvagṃ sahasrākṣa śateṣudhe | niśīrya śalyānāmmukhā śivo naḥ sumanā bhava | vijyaṃ dhanuḥ kapardino viśalyo bāṇavāgṃ uta | aneśannasyeṣava ābhurasya niṣaṅgathiḥ | yā te hetirmīḍhuṣṭama haste babhūva te dhanuḥ | tayāsmānviśvatastvamayakṣmayā pari bbhuja | namaste astvāyudhāyānātatāya dhṛṣṇave | ubhābhyāmuta te namo bāhubhyāṃ tava dhanvane | pari te dhanvano hetirasmānvṛṇaktu viśvataḥ | atho ya iṣudhistavāre asmanni dhehi tam ||
namo hiraṇyabāhave senānye diśāṃ ca pataye namo namo vṛkṣebhyo harikeśebhyaḥ paśūnāmpataye namo namaḥ saspiñjarāya tviṣīmate pathīnāmpataye namo namo babhluśāya vivyādhine'nnānāmpataye namo namo harikeśāyopavītine puṣṭānāmpataye namo namo bhavasya hetyai jagatāmpataye namo namo rudrāyātatāvine kṣetrāṇāmpataye namo namaḥ sūtāyāhantyāya vanānāmpataye namo namaḥ
rohitāya sthapataye vṛkṣāṇāmpataye namo namo mantriṇe vāṇijāya kakṣāṇāmpataye namo namo bhuvantaye vārivaskṛtāyauṣadhīnāmpataye namo nama uccairghoṣāyākrandayate pattīnāmpataye namo namaḥ kṛtsnavītāya dhāvate satvanāmpataye namaḥ ||
namaḥ sahamānāya nivyādhina āvyādhinīnāmpataye namo namaḥ kakubhāya niṣaṅgiṇe stenānāmpataye namo namo niṣaṅgiṇa iṣudhimate taskarāṇāmpataye namo namo vañcate parivañcate stāyūnāmpataye namo namo nicerave paricarāyāraṇyānāmpataye namo namaḥ sṛkāvibhyo jighāgṃsadbhyo muṣṇatāmpataye namo namo'simadbhyo naktaṃ caradbhyaḥ prakṛntānāmpataye namo nama uṣṇīṣiṇe giricarāya kuluñcānāmpataye namo namaḥ
iṣumadbhyo dhanvāvibhyaśca vo namo nama ātanvānebhyaḥ pratidadhānebhyaśca vo namo nama āyacchadbhyo visṛjadbhyaśca vo namo namo'syadbhyo vidhyadbhyaśca vo namo nama āsīnebhyaḥ śayānebhyaśca vo namo namaḥ svapadbhyo jāgradbhyaśca vo namo namastiṣṭhadbhyo dhāvadbhyaśca vo namo namaḥ sabhābhyaḥ sabhāpatibhyaśca vo namo namo aśvebhyo'śvapatibhyaśca vo namaḥ ||
nama āvyādhinībhyo vividhyantībhyaśca vo namo nama ugaṇābhyastṛgṃhatībhyaśca vo namo namo gṛtsebhyo gṛtsapatibhyaśca vo namo namo vrātebhyo vrātapatibhyaśca vo namo namo gaṇebhyo gaṇapatibhyaśca vo namo namo virūpebhyo viśvarūpebhyaśca vo namo namo mahadbhyaḥ kṣullakebhyaśca vo namo namo rathibhyo'rathebhyaśca vo namo namo rathebhyaḥ
rathapatibhyaśca vo namo namaḥ senābhyaḥ senānibhyaśca vo namo namaḥ kṣattṛbhyaḥ saṃgrahītṛbhyaśca vo namo namastakṣabhyo rathakārebhyaśca vo namo namaḥ kulālebhyaḥ karmārebhyaśca vo namo namaḥ puñjiṣṭebhyo niṣādebhyaśca vo namo nama iṣukṛdbhyo dhanvakṛdbhyaśca vo namo namo mṛgayubhyaḥ śvanibhyaśca vo namo namaḥ śvabhyaḥ śvapatibhyaśca vo namaḥ ||
namo bhavāya ca rudrāya ca namaḥ śarvāya ca paśupataye ca namo nīlagrīvāya ca śitikaṇṭhāya ca namaḥ kapardine ca vyuptakeśāya ca namaḥ sahasrākṣāya ca śatadhanvane ca namo giriśāya ca śipiviṣṭāya ca namo mīḍhuṣṭamāya ceṣumate ca namo hrasvāya ca vāmanāya ca namo bṛhate ca varṣīyase ca namo vṛddhāya ca saṃvṛdhvane ca
namo agriyāya ca prathamāya ca nama āśave cājirāya ca namaḥ śīghriyāya ca śībhyāya ca nama ūrmyāya cāvasvanyāya ca namaḥ srotasyāya ca dvīpyāya ca ||
namo jyeṣṭhāya ca kaniṣṭhāya ca namaḥ pūrvajāya cāparajāya ca namo madhyamāya cāpagalbhāya ca namo jaghanyāya ca budhniyāya ca namaḥ sobhyāya ca pratisaryāya ca namo yāmyāya ca kṣemyāya ca nama urvaryāya ca khalyāya ca namaḥ ślokyāya cāvasānyāya ca namo vanyāya ca kakṣyāya ca namaḥ śravāya ca pratiśravāya ca
nama āśuṣeṇāya cāśurathāya ca namaḥ śūrāya cāvabhindate ca namo varmiṇe ca varūthine ca namo bilmine ca kavacine ca namaḥ śrutāya ca śrutasenāya ca ||
namo dundubhyāya cāhananyāya ca namo dhṛṣṇave ca pramṛśāya ca namo dūtāya ca prahitāya ca namo niṣaṅgiṇe ceṣudhimate ca namastīkṣṇeṣave cāyudhine ca namaḥ svāyudhāya ca sudhanvane ca namaḥ srutyāya ca pathyāya ca namaḥ kāṭyāya ca nīpyāya ca namaḥ sūdyāya ca sarasyāya ca namo nādyāya ca vaiśantāya ca
namaḥ kūpyāya cāvaṭyāya ca namo varṣyāya cāvarṣyāya ca namo meghyāya ca vidyutyāya ca nama īdhriyāya cātapyāya ca namo vātyāya ca reṣmiyāya ca namo vāstavyāya ca vāstupāya ca ||
namaḥ somāya ca rudrāya ca namastāmrāya cāruṇāya ca namaḥ śaṃgāya ca paśupataye ca nama ugrāya ca bhīmāya ca namo agrevadhāya ca dūrevadhāya ca namo hantre ca hanīyase ca namo vṛkṣebhyo harikeśebhyo namastārāya namaḥ śambhave ca mayobhave ca namaḥ śaṃkarāya ca mayaskarāya ca namaḥ śivāya ca śivatarāya ca
namastīrthyāya ca kūlyāya ca namaḥ pāryāya cāvāryāya ca namaḥ prataraṇāya cottaraṇāya ca nama ātāryāya cālādyāya ca namaḥ śaṣpyāya ca phenyāya ca namaḥ sikatyāya ca pravāhyāya ca ||
nama iriṇyāya ca prapathyāya ca namaḥ kigṃśilāya ca kṣayaṇāya ca namaḥ kapardine ca pulastaye ca namo goṣṭhyāya ca gṛhyāya ca namastalpyāya ca gehyāya ca namaḥ kāṭyāya ca gahvareṣṭhāya ca namo hradayyāya ca niveṣpyāya ca namaḥ pāgṃsavyāya ca rajasyāya ca namaḥ śuṣkyāya ca harityāya ca namo lopyāya colapyāya ca
nama ūrvyāya ca sūrmyāya ca namaḥ parṇyāya ca parṇaśadyāya ca namo'paguramāṇāya cābhighnate ca nama ākkhidate ca prakkhidate ca namo vaḥ kirikebhyo devānāgṃ hṛdayebhyo namo vikṣīṇakebhyo namo vicinvatkebhyo nama ānirhatebhyo nama āmīvatkebhyaḥ ||
drāpe andhasaspate daridrannīlalohita | eṣāmpuruṣāṇāmeṣāmpaśūnāmmā bhermāro mo eṣāṃ kiṃ canāmamat | yā te rudra śivā tanūḥ śivā viśvāhabheṣajī | śivā rudrasya bheṣajī tayā no mṛḍa jīvase | imāgṃ rudrāya tavase kapardine kṣayadvīrāya pra bharāmahe matim | yathā naḥ śamasaddvipade catuṣpade viśvampuṣṭamgrāme asminn
anāturam | mṛḍā no rudrota no mayaskṛdhi kṣayadvīrāya namasā vidhema te | yacchaṃ ca yośca manurāyaje pitā tadaśyāma tava rudra praṇītau | mā no mahāntamuta mā no arbhakammā na ukṣantamuta mā na ukṣitam | mā no vadhīḥ pitarammota mātarampriyā mā nastanuvaḥ
rudra rīriṣaḥ | mā nastoke tanaye mā na āyuṣi mā no goṣu mā no aśveṣu rīriṣaḥ | vīrānmā no rudra bhāmito vadhīrhaviṣmanto namasā vidhema te | ārātte goghna uta pūruṣaghne kṣayadvīrāya sumnamasme te astu | rakṣā ca no adhi ca deva brūhyadhā ca naḥ śarma yaccha dvibarhāḥ | stuhi
śrutaṃ gartasadaṃ yuvānammṛgaṃ na bhīmamupahatnumugram | mṛḍā jaritre rudra stavāno anyaṃ te asmanni vapantu senāḥ | pari ṇo rudrasya hetirvṛṇaktu pari tveṣasya durmatiraghāyoḥ | ava sthirā maghavadbhyastanuṣva mīḍhvastokāya tanayāya mṛḍaya | mīḍhuṣṭama śivatama śivo naḥ sumanā bhava | parame vṛkṣa āyudhaṃ nidhāya kṛttiṃ vasāna ā cara pinākam
bibhradā gahi | vikirida vilohita namaste astu bhagavaḥ | yāste sahasragṃ hetayo'nyamasmanni vapantu tāḥ | sahasrāṇi sahasradhā bāhuvostava hetayaḥ | tāsāmīśāno bhagavaḥ parācīnā mukhā kṛdhi ||
sahasrāṇi sahasraśo ye rudrā adhi bhūmyām | teṣāgṃ sahasrayojane'va dhanvāni tanmasi | asminmahatyarṇave'ntarikṣe bhavā adhi | nīlagrīvāḥ śitikaṇṭhāḥ śarvā adhaḥ kṣamācarāḥ | nīlagrīvāḥ śitikaṇṭhā divagṃ rudrā upaśritāḥ | ye vṛkṣeṣu saspiñjarā nīlagrīvā vilohitāḥ | ye bhūtānāmadhipatayo viśikhāsaḥ kapardinaḥ | ye anneṣu vividhyanti pātreṣu pibato janān | ye pathāmpathirakṣaya ailabṛdā yavyudhaḥ | ye tīrthāni
pracaranti sṛkāvanto niṣaṅgiṇaḥ | ya etāvantaśca bhūyāgṃsaśca diśo rudrā vitasthire | teṣāgṃ sahasrayojane'va dhanvāni tanmasi | namo rudrebhyo ye pṛthivyāṃ ye'ntarikṣe ye divi yeṣāmannaṃ vāto varṣamiṣavastebhyo daśa prācīrdaśa dakṣiṇā daśa pratīcīrdaśodīcīrdaśordhvāstebhyo namaste no mṛḍayantu te yaṃ dviṣmo yaśca no dveṣṭi taṃ vo jambhe dadhāmi ||
Source: Wikisource · CC BY-SA 4.0