Home › Veda Mantras › śrīsūktam

śrīsūktam

Vedic Suktams · Rig Veda Khila (Parishishta) · 15 verses

hiraṇyavarṇāṃ hariṇīṃ suvarṇarajatasrajām | candrāṃ hiraṇmayīṃ lakṣmīṃ jātavedo ma āvaha || 1 ||

tāṃ ma āvaha jātavedo lakṣmīmanapagāminīm | yasyāṃ hiraṇyaṃ vindeyaṃ gāmaśvaṃ puruṣānaham || 2 ||

aśvapūrvāṃ rathamadhyāṃ hastinādaprabodhinīm | śriyaṃ devīmupahvaye śrīrmā devī juṣatām || 3 ||

kāṃsosmitāṃ hiraṇyaprākārāmārdrāṃ jvalantīṃ tṛptāṃ tarpayantīm | padme sthitāṃ padmavarṇāṃ tāmihopahvaye śriyam || 4 ||

candrāṃ prabhāsāṃ yaśasā jvalantīṃ śriyaṃ loke devajuṣṭāmudārām | tāṃ padminīmīṃ śaraṇamahaṃ prapadye'lakṣmīrme naśyatāṃ tvāṃ vṛṇe || 5 ||

ādityavarṇe tapaso'dhijāto vanaspatistava vṛkṣo'tha bilvaḥ | tasya phalāni tapasā nudantu māyāntarāyāśca bāhyā alakṣmīḥ || 6 ||

upaitu māṃ devasakhaḥ kīrtiśca maṇinā saha | prādurbhūto'smi rāṣṭre'smin kīrtimṛddhiṃ dadātu me || 7 ||

kṣutpipāsāmalāṃ jyeṣṭhāmalakṣmīṃ nāśayāmyaham | abhūtimasamṛddhiṃ ca sarvān nirṇuda me gṛhāt || 8 ||

gandhadvārāṃ durādharṣāṃ nityapuṣṭāṃ karīṣiṇīm | īśvarīṃ sarvabhūtānāṃ tāmihopahvaye śriyam || 9 ||

manasaḥ kāmamākūtiṃ vācaḥ satyamaśīmahi | paśūnāṃ rūpamannasya mayi śrīḥ śrayatāṃ yaśaḥ || 10 ||

kardamena prajā bhūtā mayi sambhava kardama | śriyaṃ vāsaya me kule mātaraṃ padmamālinīm || 11 ||

āpaḥ sṛjantu snigdhāni ciklīta vasa me gṛhe | ni ca devīṃ mātaraṃ śriyaṃ vāsaya me kule || 12 ||

ārdrāṃ puṣkariṇīṃ puṣṭiṃ piṅgalāṃ padmamālinīm | candrāṃ hiraṇmayīṃ lakṣmīṃ jātavedo ma āvaha || 13 ||

ārdrāṃ yaḥ kariṇīṃ yaṣṭiṃ suvarṇāṃ hemamālinīm | sūryāṃ hiraṇmayīṃ lakṣmīṃ jātavedo ma āvaha || 14 ||

tāṃ ma āvaha jātavedo lakṣmīmanapagāminīm | yasyāṃ hiraṇyaṃ prabhūtaṃ gāvo dāsyo'śvān vindeyaṃ puruṣānaham || 15 ||

Source: Wikisource · CC BY-SA 4.0

Send us your feedback

Tell us what to improve, what is wrong, or what you liked. We read every message.

About
How useful is Sankh for you? (optional)