ഹോം › വേദ മന്ത്രങ്ങൾ › അച്യുതാഷ്ടകമ്

അച്യുതാഷ്ടകമ്

സ്തോത്രങ്ങൾ · 10 ശ്ലോകങ്ങൾ

അച്യുതം കേശവം രാമനാരായണം കൃഷ്ണദാമോദരം വാസുദേവം ഹരിമ് ॥ ശ്രീധരം മാധവം ഗോപികാവല്ലഭം ജാനകീനായകം രാമചന്ദ്രം ഭജേ ॥ ൧ ॥

അച്യുതം കേശവം സത്യഭാമാധവം മാധവം ശ്രീധരം രാധികാരാധിതമ് ॥ ഇന്ദിരാമന്ദിരം ചേതസാ സുന്ദരം ദേവകീനന്ദനം നന്ദനം സംദധേ ॥ ൨ ॥

വിഷ്ണവേ ജിഷ്ണവേ ശങ്ഖിനേ ചക്രിണേ രുക്മിണീരാഗിണേ ജാനകീജാനയേ ॥ വല്ലവീവല്ലഭായാഽര്ചിതായാത്മനേ കംസവിധ്വംസിനേ വംശിനേ തേ നമഃ ॥ ൩ ॥

കൃഷ്ണ ഗോവിന്ദ ഹേ രാമ നാരായണ ശ്രീപതേ വാസുദേവാജിത ശ്രീനിധേ ॥ അച്യുതാനന്ത ഹേ മാധവാധോക്ഷജ ദ്വാരകാനായക ദ്രൌപദീരക്ഷക ॥ ൪ ॥

രാക്ഷസക്ഷോഭിതഃ സീതയാ ശോഭിതോ ദണ്ഡകാരണ്യഭൂപുണ്യതാകാരണഃ ॥ ലക്ഷ്മണേനാന്വിതോ വാനരൈഃ സേവിതോഽ ഗസ്ത്യസംപൂജിതോ രാഘവഃ പാതു മാമ് ॥ ൫ ॥

ധേനുകാരിഷ്ടകോഽനിഷ്ടകൃദ്ദ്വേഷിണാം കേശിഹാ കംസഹൃദ്വംശികാവാദകഃ ॥ പൂതനാകോപകഃ സൂരജാഖേലനോ ബാലഗോപാലകഃ പാതു മാമ് സര്വദാ ॥ ൬ ॥

വിദ്യുദുദ്യോതവാനപ്രസ്ഫുരദ്വാസസം പ്രാവൃഡമ്ഭോദവത്പ്രോല്ലസദ്വിഗ്രഹമ് ॥ വന്യയാ മാലയാ ശോഭിതോരഃസ്ഥലം ലോഹിതാംഘ്രിദ്വയം വാരിജാക്ഷം ഭജേ ॥ ൭ ॥

കുഞ്ചിതൈഃ കുന്തലൈര്ഭ്രാജമാനാനനം രത്നമൌലിം ലസത് കുണ്ഡലം ഗണ്ഡയോഃ ॥ ഹാരകേയൂരകം കങ്കണപ്രോജ്ജ്വലം കിങ്കിണീമഞ്ജുലം ശ്യാമലം തം ഭജേ ॥ ൮ ॥

അച്യുതസ്യാഷ്ടകം യഃ പഠേദിഷ്ടദം പ്രേമതഃ പ്രത്യഹം പൂരുഷഃ സസ്പൃഹമ് । വൃത്തതഃ സുംദരം കര്തൃ വിശ്വംഭരം തസ്യ വശ്യോ ഹരിര്ജായതേ സത്വരമ് ॥ ൯ ॥

॥ ഇതി ശ്രീശംകരാചാര്യവിരചിതമച്യുതാഷ്ടകം സംപൂര്ണമ് ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)