ശ്രീവിഘ്നേശ്വരാഷ്ടോത്തരശതനാമസ്തോത്രമ്
അഷ്ടോത്തര ശതനാമങ്ങൾ (108 നാമങ്ങൾ) · 18 ശ്ലോകങ്ങൾ
॥ ശ്രീ വിഘ്നേശ്വരാഷ്ടോത്തര ശതനാമസ്തോത്രമ് ॥
വിനായകോ വിഘ്നരാജോ ഗൌരീപുത്രോ ഗണേശ്വരഃ । സ്കംദാഗ്രജോവ്യയഃ പൂതോ ദക്ഷോഽധ്യക്ഷോ ദ്വിജപ്രിയഃ ॥ ൧ ॥
അഗ്നിഗര്വച്ഛിദ ഇന്ദ്രശ്രീപ്രദഃ । വാണീപ്രദോഅഃ അവ്യയഃ സര്വസിദ്ധിപ്രദശ്ശര്വതനോ ശര്വരീപ്രിയഃ ॥ ൨ ॥
സര്വാത്മകഃ സൃഷ്ടികര്താ ദേവോനേകാര്ചിതശ്ശിവഃ । ശുദ്ധബുദ്ധി പ്രിയശ്ശാംതോ ബ്രഹ്മചാരീ ഗജാനനഃ ॥ ൩ ॥
ദ്വൈമാത്രേയോ മുനിസ്തുത്യോ ഭക്തവിഘ്നവിനാശനഃ । ഏകദന്തശ്ചതുര്ബാഹുശ്ഛതുരശ്ശക്തിസംയുതഃ ॥ ൪ ॥
ലമ്ബോദരശ്ശൂര്പകര്ണോ ഹരര്ബ്രഹ്മ വിദുത്തമഃ । കാലോ ഗ്രഹപതിഃ കാമീ സോമസൂര്യാഗ്നിലോചനഃ ॥ ൫ ॥
പാശാങ്കുശധരശ്ചണ്ഡോ ഗുണാതീതോ നിരഞ്ജനഃ । അകല്മഷസ്സ്വയംസിദ്ധസ്സിദ്ധാര്ചിതഃ പദാമ്ബുജഃ ॥ ൬ ॥
ബീജപൂരഫലാസക്തോ വരദശ്ശാശ്വതഃ കൃതിഃ । ദ്വിജപ്രിയോ വീതഭയോ ഗദീ ചക്രീക്ഷുചാപധൃത് ॥ ൭ ॥
ശ്രീദോജ ഉത്പലകരഃ ശ്രീപതിഃ സ്തുതിഹര്ഷിതഃ । കുലാദ്രിഭേത്താ ജടിലഃ കലികല്മഷനാശനഃ ॥ ൮ ॥
ചന്ദ്രചൂഡാമണിഃ കാന്തഃ പാപഹാരീ സമാഹിതഃ । അശ്രിതശ്രീകരസ്സൌമ്യോ ഭക്തവാംഛിതദായകഃ ॥ ൯ ॥
ശാന്തഃ കൈവല്യസുഖദസ്സച്ചിദാനന്ദ വിഗ്രഹഃ । ജ്ഞാനീ ദയായുതോ ദാംതോ ബ്രഹ്മദ്വേഷവിവര്ജിതഃ ॥ ൧൦ ॥
പ്രമത്തദൈത്യഭയദഃ ശ്രീകംഥോ വിബുധേശ്വരഃ । രാമാര്ചിതോവിധിര്നാഗരാജയജ്ഞോപവീതകഃ ॥ ൧൧ ॥
സ്ഥൂലകംഠഃ സ്വയംകര്താ സാമഘോഷപ്രിയഃ പരഃ । സ്ഥൂലതുണ്ഡോഽഗ്രണീ ധീരോ വാഗീശസ്സിദ്ധിദായകഃ ॥ ൧൨ ॥
ദൂര്വാബില്വപ്രിയോഽവ്യക്തമൂര്തിരദ്ഭുതമൂര്തിമാന് । ശൈലേന്ദ്രതനുജോത്സങ്ഗഖേലനോത്സുകമാനസഃ ॥ ൧൩ ॥
സ്വലാവണ്യസുധാസാരോ ജിതമന്മഥവിഗ്രഹഃ । സമസ്തജഗദാധാരോ മായീ മൂഷകവാഹനഃ ॥ ൧൪ ॥
ഹൃഷ്ടസ്തുഷ്ടഃ പ്രസന്നാത്മാ സര്വസിദ്ധിപ്രദായകഃ । അഷ്ടോത്തരശതേനൈവം നാമ്നാം വിഘ്നേശ്വരം വിഭും ॥ ൧൫ ॥
തുഷ്ടാവ ശംകരഃ പുത്രം ത്രിപുരം ഹംതുമുത്യതഃ । യഃ പൂജയേദനേനൈവ ഭക്ത്യാ സിദ്ധിവിനായകമ് ॥ ൧൬ ॥
ദൂര്വാദലൈര്ബില്വപത്രൈഃ പുഷ്പൈര്വാ ചംദനാക്ഷതൈഃ । സര്വാന്കാമാനവാപ്നോതി സര്വവിഘ്നൈഃ പ്രമുച്യതേ ॥
ഉറവിടം: Wikisource · CC BY-SA 4.0