ഹോം › വേദ മന്ത്രങ്ങൾ › ശ്രീമദാഞ്ജനേയാഷ്ടോത്തരശതനാമസ്തോത്രമ്

ശ്രീമദാഞ്ജനേയാഷ്ടോത്തരശതനാമസ്തോത്രമ്

അഷ്ടോത്തര ശതനാമങ്ങൾ (108 നാമങ്ങൾ) · 25 ശ്ലോകങ്ങൾ

॥ ശ്രീമദാഞ്ജനേയാഷ്ടോത്തരശതനാമസ്തോത്രമ് കാലികാരഹസ്യതഃ ॥

ആഞ്ജനേയോ മഹാവീരോ ഹനുമാന്മാരുതാത്മജഃ । തത്വജ്ഞാനപ്രദഃ സീതാദേവീമുദ്രാപ്രദായകഃ ॥ ൧ ॥

അശോകവനികാച്ഛേത്താ സര്വമായാവിഭഞ്ജനഃ । സര്വബന്ധവിമോക്താ ച രക്ഷോവിധ്വംസകാരകഃ ॥ ൨ ॥

പരവിദ്യാപരീഹാരഃ പരശൌര്യവിനാശനഃ । പരമന്ത്രനിരാകര്താ പരയന്ത്രപ്രഭേദകഃ ॥ ൩ ॥

സര്വഗ്രഹവിനാശീ ച ഭീമസേനസഹായകൃത് । സര്വദുഃഖഹരഃ സര്വലോകചാരീ മനോജവഃ ॥ ൪ ॥

പാരിജാതദ്രുമൂലസ്ഥഃ സര്വമന്ത്രസ്വരൂപവാന് । സര്വതന്ത്രസ്വരൂപീ ച സര്വയന്ത്രാത്മകസ്തഥാ ॥ ൫ ॥

കപീശ്വരോ മഹാകായഃ സര്വരോഗഹരഃ പ്രഭുഃ । ബലസിദ്ധികരഃ സര്വവിദ്യാസമ്പത്പ്രദായകഃ ॥ ൬ ॥

കപിസേനാനായകശ്ച ഭവിഷ്യച്ചതുരാനനഃ । കുമാരബ്രഹ്മചാരീ ച രത്നകുണ്ഡലദീപ്തിമാന് ॥ ൭ ॥

സഞ്ചലദ്വാലസന്നദ്ധലമ്ബമാനശിഖോജ്ജ്വലഃ । ഗന്ധര്വവിദ്യാതത്ത്വജ്ഞോ മഹാബലപരാക്രമഃ ॥ ൮ ॥

കാരാഗൃഹവിമോക്താ ച ശൃങ്ഖലാബന്ധമോചകഃ । സാഗരോത്താരകഃ പ്രാജ്ഞോ രാമദൂതഃ പ്രതാപവാന് ॥ ൯ ॥

വാനരഃ കേസരിസുതഃ സീതാശോകനിവാരകഃ । അഞ്ജനാഗര്ഭസമ്ഭൂതോ ബാലാര്കസദൃശാനനഃ ॥ ൧൦ ॥

വിഭീഷണപ്രിയകരോ ദശഗ്രീവകുലാന്തകഃ । ലക്ഷ്മണപ്രാണദാതാ ച വജ്രകായോ മഹാദ്യുതിഃ ॥ ൧൧ ॥

ചിരഞ്ജീവീ രാമഭക്തോ ദൈത്യകാര്യവിഘാതകഃ । അക്ഷഹന്താ കാഞ്ചനാഭഃ പഞ്ചവക്ത്രോ മഹാതപാഃ ॥ ൧൨ ॥

ലങ്കിണീഭഞ്ജനഃ ശ്രീമാന് സിംഹികാപ്രാണഭഞ്ജനഃ । ഗന്ധമാദനശൈലസ്ഥോ ലങ്കാപുരവിദാഹകഃ ॥ ൧൩ ॥

സുഗ്രീവസചിവോ ധീരഃ ശൂരോ ദൈത്യകുലാന്തകഃ । സുരാര്ചിതോ മഹാതേജാ രാമചൂഡാമണിപ്രദഃ ॥ ൧൪ ॥

കാമരൂപീ പിങ്ഗലാക്ഷോ വാര്ധിമൈനാകപൂജിതഃ । കബലീകൃതമാര്തണ്ഡമണ്ഡലോ വിജിതേന്ദിര്യഃ ॥ ൧൫ ॥

രാമസുഗ്രീവസന്ധാതാ മഹാരാവണമര്ദനഃ । സ്ഫടികാഭോ വാഗധീശോ നവവ്യാകൃതിപണ്ഡിതഃ ॥ ൧൬ ॥

ചതുര്ബാഹുര്ദീനബന്ധുര്മഹാത്മാ ഭക്തവത്സലഃ । സഞ്ജീവനനഗാഹര്താ ശുചിര്വാഗ്മീ ദൃഢവ്രതഃ ॥ ൧൭ ॥

കാലനേമിപ്രമഥനോ ഹരിമര്കടമര്കടഃ । ദാന്തഃ ശാന്തഃ പ്രസന്നാത്മാ ശതകണ്ഠമദാപഹൃത് ॥ ൧൮ ॥

യോഗീ രാമകഥാലോലഃ സീതാന്വേഷണപണ്ഡിതഃ । വജ്രദംഷ്ട്രോ വജ്രനഖോ രുദ്രവീര്യസമുദ്ഭവഃ ॥ ൧൯ ॥

ഇന്ദ്രജിത്പ്രഹിതാമോഘബ്രഹ്മാസ്ത്രവിനിവാരകഃ । പാര്ഥധ്വജാഗ്രസംവാസീ ശരപഞ്ജരഭേദകഃ ॥ ൨൦ ॥

ദശബാഹുലോര്കപൂജ്യോ ജാമ്ബവത്പ്രീതി വര്ധനഃ । സീതാസമേത ശ്രീരാമഭദ്രപൂജാധുരന്ധരഃ ॥ ൨൧ ॥

ഇത്യേവം ശ്രീഹനുമതോ നാമ്നാമഷ്ടോത്തരം ശതമ് ॥

യഃ പഠേച്ഛൃണുയാന്നിത്യം സര്വാന്കാമാനവാപ്നുയാത് ॥ ൨൨ ॥

॥ ഇതി ശ്രീമദാഞ്ജനേയാഷ്ടോത്തരശതനാമസ്തോത്രം സമ്പൂര്ണമ് ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)