അധരം മധുരം വദനം മധുരം, നയനം മധുരം ഹസിതം മധുരമ് । ഹൃദയം മധുരം, ഗമനം മധുരം, മധുരാധിപതേരഖിലം മധുരമ് ॥ ൧ ॥
വസനം മധുരം, ചരിതം മധുരം, വചനം മധുരം വലിതം മധുരമ്, ചലിതം മധുരം, ഭ്രമിതം മധുരം, മധുരാധിപതേരഖിലം മധുരമ്॥ ൨ ॥
വേണര്മധുരോ രേണുര്മധുരഃ പാണിര്മധുരഃ പാദൌ മധുരൌ, നൃത്യം മധുരം സഖ്യം മധുരം മധുരാധിപതേരഖിലം മധുരമ് ॥ ൩ ॥
ഗീതം മധുരം പീതം മധുരം, ഭുക്തം മധുരം സുപ്തം മധുരമ്, രൂപം മധുരം തിലകം മധുരം മധുരാധിപതേരഖിലം മധുരമ് ॥ ൪ ॥
കരണം മധുരം, തരണം മധുരം, ഹരണം മധുരം, രമണം മധുരമ്, വമിതം മധുരം, ശമിതം മധുരം, മധുരാധിപതേരഖിലം മധുരമ് ॥ ൫ ॥
ഗുഞ്ജാ മധുരാ മാലാ മധുരാ യമുനാ മധുരാ വീചീ മധുരാ, സലിലം മധുരം, കമലം മധുരം മധുരാധിപതേരഖിലം മധുരമ് ॥ ൬ ॥
ഗോപീ മധുരാ ലീലാ മധുരാ, രാധാ മധുരാ മിലനം മധുരമ്, ദൃഷ്ടം മധുരം ശിഷ്ടം മധുരം മധുരാധിപതേരഖിലം മധുരമ് ॥ ൭ ॥
ഗോപാ മധുരാ ഗാവോ മധുരാ, യഷ്ടിര്മധുരാ സൃഷ്ടിര്മധുരാ, ദലിതം മധുരം, ഫലിതം മധുരം, മധുരാധിപതേരഖിലം മധുരമ് ॥ ൮ ॥
॥ ഇതി ശ്രീമദ്വല്ലാഭാചാര്യ വിരചിത മധുരാഷ്ടകം സംപൂര്ണം ॥
॥ ശ്രീകൃഷ്ണാര്പണമസ്തു ॥
ഉറവിടം: Wikisource · CC BY-SA 4.0