ഹോം › വേദ മന്ത്രങ്ങൾ › ശ്രീമഹാലക്ഷ്മ്യഷ്ടകമ്

ശ്രീമഹാലക്ഷ്മ്യഷ്ടകമ്

സ്തോത്രങ്ങൾ · 14 ശ്ലോകങ്ങൾ

॥ അഥ ശ്രീ മഹാലക്ഷ്മ്യഷ്ടകമ് ॥

ശ്രീഗണേശായ നമഃ ॥ ഇംദ്ര ഉവാച ॥

നമസ്തേഽസ്തു മഹാമായേ ശ്രീപീഠേ സുരപൂജിതേ । ശംഖചക്ര ഗദാഹസ്തേ മഹാലക്ഷ്മി നമോഽസ്തുതേ ॥ ൧ ॥

നമസ്തേ ഗരുഡാരുഢേ കോലാസുര ഭയംകരീ । സര്വപാപഹരേ ദേവീ മഹാലക്ഷ്മി നമോഽസ്തുതേ ॥ ൨ ॥

സര്വജ്ഞേ സര്വവരദേ സര്വദുഷ്ടഭയംകരീ । സര്വദുഃഖഹരേ ദേവീ മഹാലക്ഷ്മി നമോഽസ്തുതേ ॥ ൩ ॥

സിദ്ധിബുദ്ധിപ്രദേ ദേവീ ഭുക്തിമുക്തിപ്രദായിനി । മംത്രമൂര്തേ സദാ ദേവീ മഹാലക്ഷ്മി നമോഽസ്തുതേ ॥ ൪ ॥

ആദ്യംതരഹിതേ ദേവീ ആദ്യശക്തി മഹേശ്വരി । യോഗജേ യോഗസംഭൂതേ മഹാലക്ഷ്മി നമോഽസ്തുതേ ॥ ൫ ॥

ശൂല സൂക്ഷ്മമഹാരൌദ്രേ മഹാശക്തി മഹോദരേ । മഹാപാപഹരേ ദേവീ മഹാലക്ഷ്മി നമോഽസ്തുതേ ॥ ൬ ॥

പദ്മാസനസ്ഥിതേ ദേവീ പരബ്രഹ്മസ്വരുപിണി । പരമേശി ജഗന്മാതാര്മഹാലക്ഷ്മി നമോഽസ്തുതേ ॥ ൭ ॥

ശ്വേതാംബരധരേ ദേവീ നാനാലംകാര ഭൂഷിതേ । ജഗത്സ്ഥിതേ ജഗന്മാതാര്മഹാലക്ഷ്മി നമോഽസ്തുതേ ॥ ൮ ॥

മഹാലക്ഷ്മ്യഷ്ടകം സ്തോത്രം യഃ പഠേദ്ഭക്തിമാന്നരഃ । സര്വസിദ്ധിമവാപ്നോതി രാജ്യ പ്രാപ്തേതി സര്വദാ ॥ ൯ ॥

ഏകകാലേ പഠേന്നിത്യം മഹാപാപവിനാശനമ് । ദ്വികാലം യഃ പഠേന്നിത്യം ധനധാന്യസമന്വിതഃ ॥ ൧൦ ॥

ത്രികാലം യഃ പഠേന്നിത്യം മഹാശത്രുംവിനാശനമ് । മഹാലക്ഷ്മിര്ഭവേന്നിത്യം പ്രസന്നാ വരദാ ശുഭാ ॥ ൧൧ ॥

ഇതിംദ്രകൃതഃ ശ്രീമഹാലക്ഷ്മ്യഷ്ടകസ്തവഃ സംപൂര്ണഃ ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)