ഹോം › വേദ മന്ത്രങ്ങൾ › മന്ത്രപുഷ്പമ് (തൈത്തിരീയമ്)

മന്ത്രപുഷ്പമ് (തൈത്തിരീയമ്)

മന്ത്രങ്ങൾ · തൈത്തിരീയ ആരണ്യകം (കൃഷ്ണ യജുർവേദം) · 28 ശ്ലോകങ്ങൾ

ഓം ധാതാ പുരസ്താദ്യമുദാജഹാര । ശക്രഃ പ്രവിദ്വാന്പ്രദിശശ്ചതസ്രഃ । തമേവം വിദ്വാനമൃത ഇഹ ഭവതി । നാന്യഃ പന്ഥാ അയനായ വിദ്യതേ ॥

ഓം സഹസ്രശീര്ഷം ദേവം വിശ്വാക്ഷം വിശ്വശമ്ഭുവമ് । വിശ്വം നാരായണം ദേവമക്ഷരം പരമം പദമ് । വിശ്വതഃ പരമാന്നിത്യം വിശ്വം നാരായണഗ്ഗ്ം ഹരിമ് । വിശ്വമേവേദം പുരുഷസ്തദ്വിശ്വമുപജീവതി ॥

പതിം വിശ്വസ്യാത്മേശ്വരഗ്ഗ്ം ശാശ്വതഗ്ഗ്ം ശിവമച്യുതമ് । നാരായണം മഹാജ്ഞേയം വിശ്വാത്മാനം പരായണമ് । നാരായണഃ പരോ ജ്യോതിരാത്മാ നാരായണഃ പരഃ । നാരായണഃ പരം ബ്രഹ്മ തത്ത്വം നാരായണഃ പരഃ ॥

നാരായണഃ പരോ ധ്യാതാ ധ്യാനം നാരായണഃ പരഃ । യച്ച കിഞ്ചിജ്ജഗത്സര്വം ദൃശ്യതേ ശ്രൂയതേഽപി വാ । അന്തര്ബഹിശ്ച തത്സര്വം വ്യാപ്യ നാരായണസ്സ്ഥിതഃ । അനന്തമവ്യയം കവിഗ്ഗ്ം സമുദ്രേഽന്തം വിശ്വശമ്ഭുവമ് ॥

പദ്മകോശപ്രതീകാശഗ്ഗ്ം ഹൃദയം ചാപ്യധോമുഖമ് । അധോ നിഷ്ട്യാ വിതസ്ത്യാന്തേ നാഭ്യാമുപരി തിഷ്ഠതി । ജ്വാലമാലാകുലം ഭാതീ വിശ്വസ്യായതനം മഹത് । സന്തതഗ്ഗ്ം സിരാഭിസ്തു ലമ്ബത്യാകോശസന്നിഭമ് ॥

തസ്യാന്തേ സുഷിരഗ്ഗ്ം സൂക്ഷ്മം തസ്മിന് സര്വം പ്രതിഷ്ഠിതമ് । തസ്യ മധ്യേ മഹാനഗ്നിര്വിശ്വാര്ചിര്വിശ്വതോമുഖഃ । സോഽഗ്രഭുഗ്വിഭജന്തിഷ്ഠന്നാഹാരമജരഃ കവിഃ । തിര്യഗൂര്ധ്വമധശ്ശായീ രശ്മയസ്തസ്യ സന്തതാ ॥

സന്താപയതി സ്വം ദേഹമാപാദതലമസ്തകഃ । തസ്യ മധ്യേ വഹ്നിശിഖാ അണീയോര്ധ്വാ വ്യവസ്ഥിതാ । നീലതോയദമധ്യസ്ഥാ വിദ്യുല്ലേഖേവ ഭാസ്വരാ । നീവാരശൂകവത്തന്വീ പീതാ ഭാസ്വത്യണൂപമാ ॥

തസ്യാശ്ശിഖായാ മധ്യേ പരമാത്മാ വ്യവസ്ഥിതഃ । സ ബ്രഹ്മ സ ശിവസ്സ ഹരിസ്സേന്ദ്രസ്സോഽക്ഷരഃ പരമഃ സ്വരാട് ॥

യോഽപാം പുഷ്പം വേദ । പുഷ്പവാന്പ്രജാവാന്പശുമാന്ഭവതി । ചന്ദ്രമാ വാ അപാം പുഷ്പമ് । പുഷ്പവാന്പ്രജാവാന്പശുമാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । അഗ്നിര്വാ അപാമായതനമ് । ആയതനവാന്ഭവതി । യോഽഗ്നേരായതനം വേദ । ആയതനവാന്ഭവതി । ആപോ വാ അഗ്നേരായതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । വായുര്വാ അപാമായതനമ് । ആയതനവാന്ഭവതി । യോ വായോരായതനം വേദ । ആയതനവാന്ഭവതി । ആപോ വൈ വായോരായതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । അസൌ വൈ തപന്നപാമായതനമ് । ആയതനവാന്ഭവതി । യോഽമുഷ്യ തപത ആയതനം വേദ । ആയതനവാന്ഭവതി । ആപോ വാ അമുഷ്യ തപത ആയതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । ചന്ദ്രമാ വാ അപാമായതനമ് । ആയതനവാന്ഭവതി । യശ്ചന്ദ്രമസ ആയതനം വേദ । ആയതനവാന്ഭവതി । ആപോ വൈ ചന്ദ്രമസ ആയതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । നക്ഷത്രാണി വാ അപാമായതനമ് । ആയതനവാന്ഭവതി । യോ നക്ഷത്രാണാമായതനം വേദ । ആയതനവാന്ഭവതി । ആപോ വൈ നക്ഷത്രാണാമായതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । പര്ജന്യോ വാ അപാമായതനമ് । ആയതനവാന്ഭവതി । യഃ പര്ജന്യസ്യായതനം വേദ । ആയതനവാന്ഭവതി । ആപോ വൈ പര്ജന്യസ്യായതനമ് । ആയതനവാന്ഭവതി । യ ഏവം വേദ ॥

യോഽപാമായതനം വേദ । ആയതനവാന്ഭവതി । സംവത്സരോ വാ അപാമായതനമ് । ആയതനവാന്ഭവതി । യസ്സംവത്സരസ്യായതനം വേദ । ആയതനവാന്ഭവതി । ആപോ വൈ സംവത്സരസ്യായതനമ് । ആയതനവാന്ഭവതി । യ ഏവം വേദ ॥

യോഽപ്സു നാവം പ്രതിഷ്ഠിതാം വേദ । പ്രത്യേവ തിഷ്ഠതി ॥

കിം തദ്വിഷ്ണോര്ബലമാഹുഃ । കാ ദീപ്തിഃ കിം പരായണമ് । ഏകോ യദ്ധാരയദ്ദേവഃ । രേജതീ രോദസീ ഉഭേ । വാതാദ്വിഷ്ണോര്ബലമാഹുഃ । അക്ഷരാദ്ദീപ്തിരുച്യതേ । ത്രിപദാദ്ധാരയദ്ദേവഃ । യദ്വിഷ്ണോരേകമുത്തമമ് ॥

രാജാധിരാജായ പ്രസഹ്യസാഹിനേ । നമോ വയം വൈശ്രവണായ കുര്മഹേ । സ മേ കാമാന്കാമകാമായ മഹ്യമ് । കാമേശ്വരോ വൈശ്രവണോ ദദാതു । കുബേരായ വൈശ്രവണായ । മഹാരാജായ നമഃ ॥

ഓം തദ്ബ്രഹ്മ । ഓം തദ്വായുഃ । ഓം തദാത്മാ । ഓം തത്സത്യമ് । ഓം തത്സര്വമ് । ഓം തത്പുരോര്നമഃ ॥

അന്തശ്ചരതി ഭൂതേഷു ഗുഹായാം വിശ്വമൂര്തിഷു । ത്വം യജ്ഞസ്ത്വം വഷട്കാരസ്ത്വമിന്ദ്രസ്ത്വഗ്ഗ്ം രുദ്രസ്ത്വം വിഷ്ണുസ്ത്വം ബ്രഹ്മ ത്വം പ്രജാപതിഃ । ത്വം തദാപ ആപോ ജ്യോതീ രസോഽമൃതം ബ്രഹ്മ ഭൂര്ഭുവസ്സുവരോമ് ॥

ഈശാനസ്സര്വവിദ്യാനാമീശ്വരസ്സര്വഭൂതാനാം । ബ്രഹ്മാധിപതിര്ബ്രഹ്മണോഽധിപതിര്ബ്രഹ്മാ ശിവോ മേ അസ്തു സദാശിവോമ് ॥

തദ്വിഷ്ണോഃ പരമം പദഗ്ഗ്ം സദാ പശ്യന്തി സൂരയഃ । ദിവീവ ചക്ഷുരാതതമ് । തദ്വിപ്രാസോ വിപന്യവോ ജാഗൃവാഗ്ഗ്ംസസ്സമിന്ധതേ । വിഷ്ണോര്യത്പരമം പദമ് ॥

ഋതഗ്ഗ്ം സത്യം പരം ബ്രഹ്മ പുരുഷം കൃഷ്ണപിങ്ഗലമ് । ഊര്ധ്വരേതം വിരൂപാക്ഷം വിശ്വരൂപായ വൈ നമോ നമഃ ॥

ഓം നാരായണായ വിദ്മഹേ വാസുദേവായ ധീമഹി । തന്നോ വിഷ്ണുഃ പ്രചോദയാത് ॥

മഹാദേവ്യൈ ച വിദ്മഹേ വിഷ്ണുപത്നീ ച ധീമഹി । തന്നോ ലക്ഷ്മീഃ പ്രചോദയാത് ॥

ആകാശാത്പതിതം തോയം യഥാ ഗച്ഛതി സാഗരമ് । സര്വദേവനമസ്കാരഃ കേശവം പ്രതിഗച്ഛതി ॥

ഓം ശാന്തിശ്ശാന്തിശ്ശാന്തിഃ ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)