॥മന്ത്രപുഷ്പാഞ്ജലിഃ॥
ഓം യജ്ഞേന യജ്ഞമയജന്ത ദേവാസ്താനി ധര്മാണി പ്രഥമാന്യാസന് । തേ ഹ നാകം മഹിമാനഃ സചന്ത യത്ര പൂര്വേ സാധ്യാഃ സന്തി ദേവാഃ ॥
ഓം രാജാധിരാജായ പ്രസഹ്യസാഹിനേ । നമോ വയം വൈശ്രവണായ കുര്മഹേ । സ മേ കാമാന്കാമകാമായ മഹ്യമ് । കാമേശ്വരോ വൈശ്രവണോ ദദാതു । കുബേരായ വൈശ്രവണായ । മഹാരാജായ നമഃ ॥
ഓം സ്വസ്തി । സാമ്രാജ്യം ഭൌജ്യം സ്വാരാജ്യം വൈരാജ്യം പാരമേഷ്ഠ്യം രാജ്യം മഹാരാജ്യമാധിപത്യമയം സമന്തപര്യായീ സ്യാത്സാര്വഭൌമഃ സാര്വായുഷ ആന്താദാപരാര്ധാത് । പൃഥിവ്യൈ സമുദ്രപര്യന്തായാ ഏകരാളിതി ॥
തദപ്യേഷ ശ്ലോകോഽഭിഗീതോ മരുതഃ പരിവേഷ്ടാരോ മരുത്തസ്യാവസന്ഗൃഹേ । ആവിക്ഷിതസ്യ കാമപ്രേര്വിശ്വേദേവാഃ സഭാസദ ഇതി ॥
ഓം വിശ്വതശ്ചക്ഷുരുത വിശ്വതോമുഖോ വിശ്വതോബാഹുരുത വിശ്വതസ്പാത് । സം ബാഹുഭ്യാം ധമതി സം പതത്രൈര്ദ്യാവാഭൂമീ ജനയന്ദേവ ഏകഃ ॥
ഉറവിടം: Wikisource · CC BY-SA 4.0