ഹോം › വേദ മന്ത്രങ്ങൾ › ഋണവിമോചനഗണേശസ്തോത്രമ്

ഋണവിമോചനഗണേശസ്തോത്രമ്

സ്തോത്രങ്ങൾ · 12 ശ്ലോകങ്ങൾ

॥ഋണവിമോചനഗണേശസ്തോത്രമ്॥

സിന്ദൂരവര്ണം ദ്വിഭുജം ഗണേശം ലമ്ബോദരം പദ്മദലേ നിവിഷ്ടമ്। ബ്രഹ്മാദിദേവൈഃ പരിസേവ്യമാനം സിദ്ധൈര്യുതം തം പ്രണമാമി ദേവമ്॥

സൃഷ്ട്യാദൌ ബ്രഹ്മണാ സമ്യക് പൂജിതഃ ഫലസിദ്ധയേ। സദൈവ പാര്വതീപുത്രഃ ഋണനാശം കരോതു മേ॥ ൧ ॥

ത്രിപുരസ്യ വധാത്പൂര്വം ശമ്ഭുനാ സമ്യഗര്ചിതഃ। സദൈവ പാര്വതീപുത്രഃ ഋണനാശം കരോതു മേ॥ ൨ ॥

ഹിരണ്യകശ്യപാദീനാം വധാര്ഥേ വിഷ്ണുനാര്ചിതഃ। സദൈവ പാര്വതീപുത്രഃ ഋണനാശം കരോതു മേ॥ ൩ ॥

മഹിഷസ്യ വധേ ദേവ്യാ ഗണനാഥഃ പ്രപൂജിതഃ। സദൈവ പാര്വതീപുത്രഃ ഋണനാശം കരോതു മേ॥ ൪ ॥

താരകസ്യ വധാത്പൂര്വം കുമാരേണ പ്രപൂജിതഃ। സദൈവ പാര്വതീപുത്രഃ ഋണനാശം കരോതു മേ॥ ൫ ॥

ഭാസ്കരേണ ഗണേശോ ഹി പൂജിതശ്ഛവിസിദ്ധയേ। സദൈവ പാര്വതീപുത്രഃ ഋണനാശം കരോതു മേ॥ ൬ ॥

ശശിനാ കാന്തിവൃദ്ധ്യര്ഥം പൂജിതോ ഗണനായകഃ। സദൈവ പാര്വതീപുത്രഃ ഋണനാശം കരോതു മേ॥ ൭ ॥

പാലനായ ച തപസാം വിശ്വാമിത്രേണ പൂജിതഃ। സദൈവ പാര്വതീപുത്രഃ ഋണനാശം കരോതു മേ॥ ൮ ॥

ഇദം ത്വൃണഹരം സ്തോത്രം തീവ്രദാരിദ്ര്യനാശനമ്। ഏകവാരം പഠേന്നിത്യം വര്ഷമേകം സമാഹിതഃ॥ ദാരിദ്ര്യം ദാരുണം ത്യക്ത്വാ കുബേരസമതാം വ്രജേത്॥ ൯ ॥

॥ ഇതി ശ്രീകൃഷ്ണയാമലതന്ത്രേ ഉമാമഹേശ്വരസംവാദേ ഋണവിമോചനഗണേശസ്തോത്രം സമ്പൂര്ണമ് ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)