॥ അഥ ശിവപഞ്ചാക്ഷരസ്തോത്രമ് ॥
നാഗേന്ദ്രഹാരായ വിലോചനായ ഭസ്മാങ്ഗരാഗായ മഹേശ്വരായ । നിത്യായ ശുദ്ധായ ദിഗമ്ബരായ തസ്മൈ നകാരായ നമഃ ശിവായ ॥
മന്ദാകിനീസലിലചന്ദനചര്ചിതായ നന്ദീശ്വരപ്രമഥനാഥമഹേശ്വരായ । മന്ദാരമുഖ്യബഹുപുഷ്പസുപൂജിതായ തസ്മൈ മകാരായ നമഃ ശിവായ ॥
ശിവായ ഗൌരീവദനാബ്ജബൃന്ദ- സൂര്യായ ദക്ഷാധ്വരനാശകായ । ശ്രീനീലകണ്ഠായ വൃഷധ്വജായ തസ്മൈ ശികാരായ നമഃ ശിവായ ॥
വസിഷ്ഠകുമ്ഭോദ്ഭവഗൌതമാര്യ- മുനീന്ദ്രദേവാര്ചിതശേഖരായ। ചന്ദ്രാര്കവൈശ്വാനരലോചനായ തസ്മൈ വകാരായ നമഃ ശിവായ ॥
യക്ഷസ്വരൂപായ ജടാഘരായ പിനാകഹസ്തായ സനാതനായ । ദിവ്യായ ദേവായ ദിഗമ്ബരായ തസ്മൈ യകാരായ നമഃ ശിവായ ॥
പഞ്ചാക്ഷരമിദം പുണ്യം യഃ പഠേച്ഛിവസന്നിധൌ । ശിവലോകമവാപ്നോതി ശിവേന സഹ മോദതേ ॥
॥ ഇതി ശ്രീമച്ഛങ്കരാചാര്യവിരചിതം ശിവപഞ്ചാക്ഷരസ്തോത്രം സമ്പൂര്ണമ് ॥
ഉറവിടം: Wikisource · CC BY-SA 4.0