ഹോം › വേദ മന്ത്രങ്ങൾ › ശിവതാണ്ഡവസ്തോത്രമ്

ശിവതാണ്ഡവസ്തോത്രമ്

സ്തോത്രങ്ങൾ · 20 ശ്ലോകങ്ങൾ

॥അഥ സുസംശുദ്ധം രാവണകൃതശിവതാണ്ഡവസ്തോത്രമ്॥

॥ശ്രീഗണേശായ നമഃ॥

ജടാഽടവീഗലജ്ജലപ്രവാഹപാവിതസ്ഥലേ ഗലേഽവലമ്ബ്യ ലമ്ബിതാം ഭുജങ്ഗതുങ്ഗമാലികാമ്। ഡമഡ്ഡമഡ്ഡമഡ്ഡമന്നിനാദവഡ്ഡമര്വയം ചകാര ചണ്ഡതാണ്ഡവം തനോതു നഃ ശിവഃ ശിവമ് ॥ ൧ ॥

ജടാകടാഹസമ്ഭ്രമഭ്രമന്നിലിമ്പനിര്ഝരീവിലോലവീചിവല്ലരീവിരാജമാനമൂര്ദ്ധനി। ധഗദ്ധഗദ്ധഗജ്ജ്വലല്ലലാടപട്ടപാവകേ കിശോരചന്ദ്രശേഖരേ രതിഃ പ്രതിക്ഷണം മമ ॥ ൨ ॥

ധരാധരേന്ദ്രനന്ദിനീവിലാസബന്ധുബന്ധുരസ്ഫുരദ്ദിഗന്തസന്തതിപ്രമോദമാനമാനസേ। കൃപാകടാക്ഷധോരണീനിരുദ്ധദുര്ധരാപദി ക്വചിദ്ദിഗമ്ബരേ മനോ വിനോദമേതു വസ്തുനി ॥ ൩ ॥

ജടാഭുജങ്ഗപിങ്ഗലസ്ഫുരത്ഫണാമണിപ്രഭാകദമ്ബകുങ്കുമദ്രവപ്രലിപ്തദിഗ്വധൂമുഖേ। മദാന്ധസിന്ധുരാസുരത്വഗുത്തരീയമേദുരേ മനോ വിനോദമദ്ഭുതം ബിഭര്തു ഭൂതഭര്തരി ॥ ൪ ॥

സഹസ്രലോചനപ്രഭൃത്യശേഷലേഖശേഖരപ്രസൂനധൂലിധോരണീവിധൂസരാങ്ഘ്രിപീഠഭൂഃ। ഭുജങ്ഗരാജമാലയാ നിബദ്ധജാടജൂടകഃ ശ്രിയേ ചിരായ ജായതാം ചകോരബന്ധുശേഖരഃ ॥ ൫ ॥

ലലാടചത്വരജ്വലദ്ധനഞ്ജയസ്ഫുലിങ്ഗഭാനിപീതപഞ്ചസായകം നമന്നിലിമ്പനായകമ്। സുധാമയൂഖലേഖയാ വിരാജമാനശേഖരം മഹഃ കപാലി സമ്പദേ സരിജ്ജടാലമസ്തു നഃ ॥ ൬ ॥

കരാലഭാലപട്ടികാധഗദ്ധഗദ്ധഗജ്ജ്വലദ്ധനഞ്ജയാഹുതീകൃതപ്രചണ്ഡപഞ്ചസായകേ। ധരാധരേന്ദ്രനന്ദിനീകുചാഗ്രചിത്രപത്രകപ്രകല്പനൈകശില്പിനി ത്രിലോചനേ രതിര്മമ ॥ ൭ ॥

നവീനമേഘമണ്ഡലീനിരുദ്ധദുര്ധരസ്ഫുരത്കുഹൂനിശീഥിനീതമഃപ്രബന്ധബദ്ധകന്ധരഃ। നിലിമ്പനിര്ഝരീധരസ്തനോതു കൃത്തിസിന്ധുരഃ കലാനിധാനബന്ധുരഃ ശ്രിയം ജഗദ്ധുരന്ധരഃ ॥ ൮ ॥

പ്രഫുല്ലനീലപങ്കജപ്രപഞ്ചകാലിമപ്രഭാഽവലമ്ബികണ്ഠകന്ദലീരുചിപ്രബദ്ധകന്ധരമ്। സ്മരച്ഛിദം പുരച്ഛിദം ഭവച്ഛിദം മഖച്ഛിദം ഗജച്ഛിദാന്ധകച്ഛിദം തമന്തകച്ഛിദം ഭജേ ॥ ൯ ॥

അഖര്വസര്വമങ്ഗളാകലാകദമ്ബമഞ്ജരീരസപ്രവാഹമാധുരീവിജൃമ്ഭണാമധുവ്രതമ്। സ്മരാന്തകം പുരാന്തകം ഭവാന്തകം മഖാന്തകം ഗജാന്തകാന്ധകാന്തകം തമന്തകാന്തകം ഭജേ ॥ ൧൦ ॥

ജയത്വദഭ്രവിഭ്രമഭ്രമദ്ഭുജങ്ഗമശ്വസദ്വിനിര്ഗമത്ക്രമസ്ഫുരത്കരാലഭാലഹവ്യവാട്। ധിമിദ്ധിമിദ്ധിമിദ്ധ്വനന്മൃദങ്ഗതുങ്ഗമങ്ഗളധ്വനിക്രമപ്രവര്തിതപ്രചണ്ഡതാണ്ഡവഃ ശിവഃ ॥ ൧൧ ॥

ദൃഷദ്വിചിത്രതല്പയോര്ഭുജങ്ഗമൌക്തികസ്രജോര്ഗരിഷ്ഠരത്നലോഷ്ഠയോഃ സുഹൃദ്വിപക്ഷപക്ഷയോഃ। തൃണാരവിന്ദചക്ഷുഷോഃ പ്രജാമഹീമഹേന്ദ്രയോഃ സമപ്രവൃത്തികഃ കദാ സദാശിവം ഭജാമ്യഹമ് ॥ ൧൨ ॥

കദാ നിലിമ്പനിര്ഝരീനികുഞ്ജകോടരേ വസന് വിമുക്തദുര്മതിഃ സദാ ശിരഃസ്ഥമഞ്ജലിം വഹന്। വിമുക്തലോലലോചനാലലാമഭാലലഗ്നകം ശിവേതി മന്ത്രമുച്ചരന് കദാ സുഖീ ഭവാമ്യഹമ് ॥ ൧൩ ॥

നിലിമ്പനാഥനാഗരീകദമ്ബമൌലമല്ലികാനിഗുമ്ഫനിര്ഭരക്ഷരന്മധൂഷ്ണികാമനോഹരഃ। തനോതു നോ മനോമുദം വിനോദിനീമഹര്നിശം പരശ്രിയഃ പരം പദം തദങ്ഗജത്വിഷാം ചയഃ ॥ ൧൪ ॥

പ്രചണ്ഡവാഡവാനലപ്രഭാശുഭപ്രചാരണീ മഹാഷ്ടസിദ്ധികാമിനീജനാഽവഹൂതജല്പനാ। വിമുക്തവാമലോചനാവിവാഹകാലികധ്വനിഃ ശിവേതി മന്ത്രഭൂഷണാ ജഗജ്ജയായ ജായതാമ് ॥ ൧൫ ॥

ഇമം ഹി നിത്യമേവമുക്തമുത്തമോത്തമം സ്തവം പഠന്സ്മരന്ബ്രുവന്നരോ വിശുദ്ധിമേതിസന്തതമ്। ഹരേ ഗുരൌ സുഭക്തിമാശു യാതി നാഽന്യഥാ ഗതിം വിമോഹനം ഹി ദേഹിനാം സുശങ്കരസ്യ ചിന്തനമ് ॥ ൧൬ ॥

പൂജാവസാനസമയേ ദശവക്ത്രഗീതം യഃ ശമ്ഭുപൂജനപരം പഠതി പ്രദോഷേ। തസ്യ സ്ഥിരാം രഥഗജേന്ദ്രതുരങ്ഗയുക്താം ലക്ഷ്മീം പ്രസാദസമയേ പ്രദദാതി ശമ്ഭുഃ ॥

॥ ഇതി രാവണകൃതം ശിവതാണ്ഡവസ്തോത്രം സമ്പൂര്ണമ് ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)