ഹോം › വേദ മന്ത്രങ്ങൾ › ശ്രീസൂക്തമ്

ശ്രീസൂക്തമ്

വൈദിക സൂക്തങ്ങൾ · ഋഗ്വേദ ഖിലം (പരിശിഷ്ടം) · 15 ശ്ലോകങ്ങൾ

ഹിരണ്യവര്ണാം ഹരിണീം സുവര്ണരജതസ്രജാമ് । ചന്ദ്രാം ഹിരണ്മയീം ലക്ഷ്മീം ജാതവേദോ മ ആവഹ ॥ ൧ ॥

താം മ ആവഹ ജാതവേദോ ലക്ഷ്മീമനപഗാമിനീമ് । യസ്യാം ഹിരണ്യം വിന്ദേയം ഗാമശ്വം പുരുഷാനഹമ് ॥ ൨ ॥

അശ്വപൂര്വാം രഥമധ്യാം ഹസ്തിനാദപ്രബോധിനീമ് । ശ്രിയം ദേവീമുപഹ്വയേ ശ്രീര്മാ ദേവീ ജുഷതാമ് ॥ ൩ ॥

കാംസോസ്മിതാം ഹിരണ്യപ്രാകാരാമാര്ദ്രാം ജ്വലന്തീം തൃപ്താം തര്പയന്തീമ് । പദ്മേ സ്ഥിതാം പദ്മവര്ണാം താമിഹോപഹ്വയേ ശ്രിയമ് ॥ ൪ ॥

ചന്ദ്രാം പ്രഭാസാം യശസാ ജ്വലന്തീം ശ്രിയം ലോകേ ദേവജുഷ്ടാമുദാരാമ് । താം പദ്മിനീമീം ശരണമഹം പ്രപദ്യേഽലക്ഷ്മീര്മേ നശ്യതാം ത്വാം വൃണേ ॥ ൫ ॥

ആദിത്യവര്ണേ തപസോഽധിജാതോ വനസ്പതിസ്തവ വൃക്ഷോഽഥ ബില്വഃ । തസ്യ ഫലാനി തപസാ നുദന്തു മായാന്തരായാശ്ച ബാഹ്യാ അലക്ഷ്മീഃ ॥ ൬ ॥

ഉപൈതു മാം ദേവസഖഃ കീര്തിശ്ച മണിനാ സഹ । പ്രാദുര്ഭൂതോഽസ്മി രാഷ്ട്രേഽസ്മിന് കീര്തിമൃദ്ധിം ദദാതു മേ ॥ ൭ ॥

ക്ഷുത്പിപാസാമലാം ജ്യേഷ്ഠാമലക്ഷ്മീം നാശയാമ്യഹമ് । അഭൂതിമസമൃദ്ധിം ച സര്വാന് നിര്ണുദ മേ ഗൃഹാത് ॥ ൮ ॥

ഗന്ധദ്വാരാം ദുരാധര്ഷാം നിത്യപുഷ്ടാം കരീഷിണീമ് । ഈശ്വരീം സര്വഭൂതാനാം താമിഹോപഹ്വയേ ശ്രിയമ് ॥ ൯ ॥

മനസഃ കാമമാകൂതിം വാചഃ സത്യമശീമഹി । പശൂനാം രൂപമന്നസ്യ മയി ശ്രീഃ ശ്രയതാം യശഃ ॥ ൧൦ ॥

കര്ദമേന പ്രജാ ഭൂതാ മയി സമ്ഭവ കര്ദമ । ശ്രിയം വാസയ മേ കുലേ മാതരം പദ്മമാലിനീമ് ॥ ൧൧ ॥

ആപഃ സൃജന്തു സ്നിഗ്ധാനി ചിക്ലീത വസ മേ ഗൃഹേ । നി ച ദേവീം മാതരം ശ്രിയം വാസയ മേ കുലേ ॥ ൧൨ ॥

ആര്ദ്രാം പുഷ്കരിണീം പുഷ്ടിം പിങ്ഗലാം പദ്മമാലിനീമ് । ചന്ദ്രാം ഹിരണ്മയീം ലക്ഷ്മീം ജാതവേദോ മ ആവഹ ॥ ൧൩ ॥

ആര്ദ്രാം യഃ കരിണീം യഷ്ടിം സുവര്ണാം ഹേമമാലിനീമ് । സൂര്യാം ഹിരണ്മയീം ലക്ഷ്മീം ജാതവേദോ മ ആവഹ ॥ ൧൪ ॥

താം മ ആവഹ ജാതവേദോ ലക്ഷ്മീമനപഗാമിനീമ് । യസ്യാം ഹിരണ്യം പ്രഭൂതം ഗാവോ ദാസ്യോഽശ്വാന് വിന്ദേയം പുരുഷാനഹമ് ॥ ൧൫ ॥

ഉറവിടം: Wikisource · CC BY-SA 4.0

നിങ്ങളുടെ അഭിപ്രായം അയയ്ക്കൂ

എന്ത് മെച്ചപ്പെടുത്തണം, എന്താണ് തെറ്റ്, അല്ലെങ്കിൽ നിങ്ങൾക്ക് എന്താണ് ഇഷ്ടപ്പെട്ടത് എന്ന് പറയൂ. ഓരോ സന്ദേശവും ഞങ്ങൾ വായിക്കുന്നു.

എന്തിനെക്കുറിച്ച്
ശംഖ് നിങ്ങൾക്ക് എത്രത്തോളം ഉപകാരപ്രദമാണ്? (ഐച്ഛികം)