मुख्यपृष्ठ › वेद मंत्र › ऋणविमोचनगणेशस्तोत्रम्

ऋणविमोचनगणेशस्तोत्रम्

स्तोत्रे · 12 श्लोक

॥ऋणविमोचनगणेशस्तोत्रम्॥

सिन्दूरवर्णं द्विभुजं गणेशं लम्बोदरं पद्मदले निविष्टम्। ब्रह्मादिदेवैः परिसेव्यमानं सिद्धैर्युतं तं प्रणमामि देवम्॥

सृष्ट्यादौ ब्रह्मणा सम्यक् पूजितः फलसिद्धये। सदैव पार्वतीपुत्रः ऋणनाशं करोतु मे॥ १ ॥

त्रिपुरस्य वधात्पूर्वं शम्भुना सम्यगर्चितः। सदैव पार्वतीपुत्रः ऋणनाशं करोतु मे॥ २ ॥

हिरण्यकश्यपादीनां वधार्थे विष्णुनार्चितः। सदैव पार्वतीपुत्रः ऋणनाशं करोतु मे॥ ३ ॥

महिषस्य वधे देव्या गणनाथः प्रपूजितः। सदैव पार्वतीपुत्रः ऋणनाशं करोतु मे॥ ४ ॥

तारकस्य वधात्पूर्वं कुमारेण प्रपूजितः। सदैव पार्वतीपुत्रः ऋणनाशं करोतु मे॥ ५ ॥

भास्करेण गणेशो हि पूजितश्छविसिद्धये। सदैव पार्वतीपुत्रः ऋणनाशं करोतु मे॥ ६ ॥

शशिना कान्तिवृद्ध्यर्थं पूजितो गणनायकः। सदैव पार्वतीपुत्रः ऋणनाशं करोतु मे॥ ७ ॥

पालनाय च तपसां विश्वामित्रेण पूजितः। सदैव पार्वतीपुत्रः ऋणनाशं करोतु मे॥ ८ ॥

इदं त्वृणहरं स्तोत्रं तीव्रदारिद्र्यनाशनम्। एकवारं पठेन्नित्यं वर्षमेकं समाहितः॥ दारिद्र्यं दारुणं त्यक्त्वा कुबेरसमतां व्रजेत्॥ ९ ॥

॥ इति श्रीकृष्णयामलतन्त्रे उमामहेश्वरसंवादे ऋणविमोचनगणेशस्तोत्रं सम्पूर्णम् ॥

स्रोत: Wikisource · CC BY-SA 4.0

तुमचा अभिप्राय पाठवा

काय सुधारायचे, काय चुकीचे आहे, किंवा तुम्हाला काय आवडले ते सांगा. आम्ही प्रत्येक संदेश वाचतो.

कशाबद्दल
शंख तुम्हाला किती उपयोगी आहे? (ऐच्छिक)